ဝိုင်းဝန်းလုပ်ဆောင် တော်လှန်ကြလော့
သွေးညှီနံ့မပြယ် တို့ရပ်မြေအနှံ့
ရှုခဲ့ထိုလေ ရှိုက်ခဲ့ဝင်သက်
အမှတ်ရှိလျက် သတိချပ်လော့။
ချက်မြှုပ်ဌာနေ မွေးရပ်မြေမှ
မတရားမှု ဖြစ်စဉ်ဆိုးအား
သင်၊ငါ သိလျက် ရှောင်ဖယ် မထွက်နဲ့
ထိုဤအမှုများ နောက်နောင် မပွါးရန်
ဝိုင်းဝန်းဖော်ထုတ် ဖော်ထုတ်ကြလော့။
လူယုတ်မာတွေ အုပ်စိုးလို့နေ
သူခိုး၊ဒမြ နေရာရလျက်
မကောင်းမှုအဖုံဖုံ တွေ့ကြုံရပြီး
အနိဋ္ဌာရုံ မြင်ကွင်းစုံအား
သင်၊ငါ တွေ့လျက် ရှောင်ဖယ်မထွက်နဲ့
ထိုဖြစ်အင်များ ပျောက်ကွယ်သွားရန်
ဝိုင်းဝန်းတိုက်ထုတ် တိုက်ထုတ်ကြလော့။
တို့တွေအများ မြင့်မြတ်စိတ်ထား
တာဝန်သိကြ၊ နိူးကြား စိတ်ဖြင့်
ရှေ့ဆောင်ဦးရွက် နိူင်ငံ့အတွက်
ထားရှိစိတ်ဆောင် မျိုးဂုဏ်ရောင်အတွက်
အဓမ္မ၀ါဒီ စနစ်ယုတ်နှင့်
ရေပေါ်ဆီလွှာ လူတအုပ်အား
တို့ရပ်မြေတွင် မရှိအပ်(ကြ)စေဖို့
ဝိုင်းဝန်းလုပ်ဆောင် လုပ်ဆောင်ကြလော့။ ။
ဝိုင်းဝန်းတော်လှန် တော်လှန်ကြလော့။ ။ ။
အေးမြဇင်(၂၆၊၁၁၊၂၀၀၇)
Tuesday, 27 November 2007
Monday, 12 November 2007
ပြည့် မိခင်
အမေ .. အိမ်သားအားလုံးအတွက် ဆိုတဲ့ စိတ်နဲ့
သိမ်မွှားလှတဲ့ မကောင်းစိတ် မွေးသူတို့ကို
မေတ္တာစိတ်ဖြင့် ခွင့်လွှတ် နိုင်သော မိခင်။
အမေ ..ယဉ်ကျေးသော လူ့ပတ်ဝန်းကျင် အလွှာမှာ
လူ့ကျင့်ဝတ် ဖောက်ပြား သူတို့ ကို
မှောင့်မှားသော အပြု နောင်တကြိမ် မပြုမိလေအောင်
မေတ္တာအဟုန်ဖြင့် အသိတရား ပေးဝေဖြန့်သော မိခင်။
အမေ ..ပြည်သူ တရပ်လုံးအတွက် ဆိုတဲ့ ခံယူချက်နဲ့
ကောက်ကျစ်ယုတ်မာသော လူတစုကို
ရဲရင့်သောစိတ်ဖြင့် ရင်ဆိုင်ကာ ဦးဆောင်ပြ
မကြောက်တရား ကိုင်ဆွဲလို့ လမ်းပြတဲ့ မိခင်။
အမေ ..မျိုးဆက် အစဉ်တလျှောက် ကောင်းဖို့ ရည်ရွယ်ချက်နဲ့
လွဲမှားနေသော စနစ်ဆိုး တို့ကို ပျက်ပြယ်စေဖို့
ဘ၀တခုလုံး ပေးဆပ်ကာ ရင်ဆိုင်လို့ တိုက်ပွဲဝင်
စေတနာကောင်း အပြည့်ဖြင့် ထမ်းရွက်လို့ပြသော မိခင်။
အမေ ..ကမ္ဘာ့ ပြည်သူ အပေါင်းအား
ငြိမ်းချမ်းရေး လမ်းစဉ်ကောင်းကို မေ့လျှော့ မသွားစေဖို့ရန်
မေတ္တာစွမ်းအား ဆောင်ဖို့ ညွှန်ပြနေသော မိခင်။
၁၉၊၆၊၂၀၀၇ အေးမြဇင်
Wednesday, 7 November 2007
တော်လှန်တိုက်ထုတ် အောင်လံကိုင်ဆုပ်
နောင်ရိုးတိုက်ပွဲမှာ
ဘုရင့်နောင်ဖေါင်ဖျက်လို့
အနိုင်ဘက်ဆီသို့ ဦးတည်
ခိုင်ရင့်စွာ တိုက်ပွဲဆီ...........
နယ်ချဲ့ တိုက်ပွဲမှာ
ဗိုလ်အောင်ဆန်း ရဲရင့်လို့
အနိုင်ဘက်ဆီသို့ ဦးတည်
နေမ၀င်အင်ပါယာကို
တွန်းလှန်၍ အောင်ပွဲဆီ .........
နိုင်ငံအကျိုးအတွက် တိုက်ပွဲမှာ
ဘာသာအမျိုးအတွက် တိုက်ပွဲမှာ
တို့ တိုင်းရင်းသား အားလုံးညီညွတ်လို့
အနိုင်ဘက်ဆီသို့ ဦးတည်
အမျိုးအဆွေ အခြင်းခြင်း ရန်လုပ်နေသူ၊
သံဃာတော် အသက်ကို သတ်ဖြတ်နေသူ၊
ပြည်သူ့ဘ၀ကို ညှင်းပမ်း သုတ်သင်နေသူ၊
အထို မဟာရက်စက်ဝံ့သူတို့ကို
နည်းနိသျှ အစုံဖြင့် တော်လှန်တိုက်ထုတ်
အဆုံးသပ် အောင်ပွဲဆီသို့ လှမ်းချီ(စို့) ။။။။။။။
အေးမြဖင်(၁၊၁၀၊၀၇)
Friday, 21 September 2007
Monday, 17 September 2007
အလွန်ပင် ကြည်နူးကျေနပ်လှစွာဖြင့် သာသနာဖျက်နေသော တပ်မတော် ခေါင်းဆောင်ဆိုသူနှစ်ဦးနှင့် နောက်လိုက်နောက်ပါ အလိုတော်ရိအပေါင်းအား ဆန့်ကျင်တိုက်ထုတ်ကာ အောင်ပွဲအရယူကြ။
တိုင်းပြည်အာဏာကို ရဟန်းရှင်များ၊ပြည်သူများနှင့် ကျောင်းသူ ကျောင်းသားများ၏ အသက်ပေါင်းမြောက်များစွာအား သတ်ဖြတ်၍ မတရားသောနည်း၊ ကောက်ကျစ်ယုတ်မာသောနည်းလမ်းပေါင်းစုံဖြင့် စစ်အာဏာသိမ်းခဲ့သည်မှာ ၁၈၊၉၊၂၀၀၇ တွင် နှစ်ပေါင်းအားဖြင့် (၁၉)နှစ်ပြည့်မြောက်ခဲ့လေပြီ။ စစ်အာဏာရှင်တို့၏ ထုံးစံအတိုင်း အာဏာကိုအလွန့်အကျွံ သုံးစွဲ၍ အစွမ်းကုန်မိုက်ဇာတ်ခင်းနေကြပေပြီဆိုတာကို ပိုမိုထင်ရှားလာပုံ အချက်အား ရဟန်းတော်များ၏ ပတ္တနိကုဇ္ဖနကံဆောင်ခြင်းအမှုမှ သက်သေပြသည့်အနေဖြင့် ယနေ့မှစတင်ပြုလုပ်ကာ တိုင်းပြည်ရှိပြည်သူလူထုနှင့် သံဃာတော်များကို နှိပ်စက်လျက်ရှိနေသူအပေါင်းအား ဆန့်ုကျင်သော လုပ်ရပ်ဖြင့် အာဏာရှင်စနစ်အမြန်ဆုံး အဆုံးသတ်ရေးဆီသို့ ၀ိုင်းဝန်းကြိုးပမ်းဆောင်ရွက်ကြပါစို့။
Friday, 14 September 2007
အမိမြေသို့ သစ္စာအမှန် ဆိုကာတိုင်၏
မတရားသော အမှုပွေစုံ
တနပ်စားဆိုတဲ့ ဥာဏ်ကုန်သော
အထို ဒုစရိုက် ပြုသူတို့အား
ကျွန်ုပ်တို့ မြေပေါ်မှ ဖယ်ထုတ်နိုင်စေ
သစ္စာအမှန် ဆိုကာတိုင်၏။
အို အမိမြေ …..
ဒီမြေပေါ်တွင် ပျော်ရွှင်စွာသော
လူ့စွမ်းအား ပုံရိပ်တွေလှုပ်ရှား
မွန်မြတ်လုပ်အားတို့ဖြင့် ရှင်သန်ချိန်အထိ
ကျွန်ုပ်တို့ရဲ့ အားအင်တွေနဲ့ ဆောင်ကြဉ်းကာ
အမိုက်မှောင်ဟူသ၍ ခွင်း နိုင်စေ
သစ္စာအမှန် ဆိုကာတိုင်၏။
အို အမိမြေ …..
စာသင်ကျောင်းတွေရဲ့ ခေါင်းလောင်းသံ
ချိုသာစွာ ကြားရပြန်ချိန် တိုင်အောင်၊
စာသင်သားတို့ရဲ့ စူးရှဥာဏ်ဖြင့်
လောကအကျိုး ဆောင်နိုင်ချိန် တိုင်အောင်
ကျွန်ုပ်တို့ရဲ့  အားအင်တွေနဲ့ ဆောင်ကြဉ်းကာ
ပညာ့ အလင်း ဆောင် နိုင်စေ
သစ္စာအမှန် ဆိုကာတိုင်၏။
အို အမိမြေ ….
စေတီ ကျောင်းတိုက်များဆီမှ ဆည်းလည်းသံ
နားဝင်မှန်စွာ ကြားရပြန်ချိန် တိုင်အောင်၊
စေတနာ ထက်လှ လှူဒါန်းကြကာ
မျှဝေ သာဓု ခေါ်လို့ပြုနိုင်ချိန် တိုင်အောင်၊
ဘာသာခြားတတွေ ညီမျှစေလျက်
လွတ်လပ်စွာ ကိုးကွယ်နိုင်ချိန် တိုင်အောင်
ကျွန်ုပ်တို့ရဲ့  အားအင်တွေနဲ့ ဆောင်ကြဉ်းကာ
မေတ္တာ ပေးဝေ မျှ နိုင်စေ
သစ္စာအမှန် ဆိုကာတိုင်၏။
ကျွန်ုပ်တို့၏ သစ္စာသည်ကား ...
အမိမြေအတွက် ဖြူစင်စွာထမ်းရွက်
မွန်မြတ်စွာ ပေးဆပ်ခဲ့သော
ရဟန်း၊ ပြည်သူ၊ ကျောင်းသား များစွာ
မတရားပြုကျင့်ခံရ သွေး မြေခကြ၊
စစ်အာဏာရှင် လူ့စိတ်မ၀င်
ဟုတ်မှန်လေက၊
အောင်ပွဲထိုဆီ
ရ ရစေမည့်
တိုင်တည်ပြု၏။ ။
အေးမြဇင်(၁၄၊၉၊၂၀၀၇)
၈၈ မျိုးဆက်များ နှင့် တိုင်းပြည်အကျိုးအတွက် မဆုတ်မနစ်သောဇွဲ၊လုံ့လတို့ဖြင့် အာဏာရှင် စနစ်အား တွန်းလှန်နေသူအားလုံး၏ ကိုယ်စား
သစ္စာတိုင်ကာ ရေးဖွဲ့ ဂုဏ်ပြုအပ်ပါသည်။
Thursday, 6 September 2007
တိုက်ပွဲရှိခိုက် ရှောင်လွှဲ မလိုက်နဲ့
ဘုရားသားတော်တွေကို မတရားပြုကျင့်
မယုံလောက်စရာ တုန်လှုပ်ဖွယ် ကြားသိ
သာသနာပိုင်ဆရာတော်တို့ ရပ်ကြည့်ကာ နေအုံးမှာလား။
တို့အားလုံး ရပ်ကြည့်ကာ နေအုံး မှာလား။
တရိစ္ဆာန်တမျှ ပြုမူဆက်ဆံ
ကြိုးကွင်းတွေပြစ်လွှား ဖမ်းဆီးပုံအား
တွေးကာလေ မြင်ကြည့်
သာသနာ ရေတိမ်နစ်ပုံ
သာသနာပိုင်ဆရာတော်တို့ ရပ်ကြည့်ကာ နေအုံးမှာလား။
တို့အားလုံး ရပ်ကြည့်ကာနေအုံး မှာလား။
သားသတ်ရုံတမျှ မူကျင့်
ရဟန်းသံဃာတော်မြတ်တို့အား
လမ်းဘေးတနံတလျား တုတ်နှောင်
နှိပ်စက်လို့ ရိုက်နှက်ပုံ
အာရုံထဲတွင် ထင်ကြည့်
သာသနာပိုင်ဆရာတော်တို့ ဘယ်အချိန်အထိ စောင့်ကြည့်ကာ နေအုံးမလဲ။
တို့အားလုံး ဘယ်အချိန်အထိ စောင့်ကြည့်နေအုံး မလဲ။
အများသူငါ ဒုက္ခတွေ့နေ
ငါ့ဆီမလာ မထိခပ်သေး
အမြင်သေးသေးနဲ့ တွေးမြင်
ဘေးချော်ကာ ရှောင်ထွက်
ချောင်ကပ်ကာ နေမယ်အုံးလား။
(အခြားဘာညာ တွေးကာလေမနေနဲ့)
အများသူငါ ဒုက္ခကိုတွေး
ကိုယ်ချင်းစာ ပေးက
ငါ့တပိုင် တာဝန်
တနိုင်ဖြစ်ဖြစ် စတင်
ပါလို့ကာ ၀င်နစ်
စောင့်ကြည့်သည့် ဖြစ်အင်ကိုပယ်
တို့အားလုံး ထိရောက်စွာ ပါဝင်ရစ်ကြ။
မီးဆိုတာ မလောင်ခင်တား
မင်းဘေးရန် မြင်ချိန်မှာ တိုက်ထုတ်
ဝိုင်းလုပ်မှ အောင်မြင်မယ် ထိုဘေးဆိုး
တွေးတွေး၍ တိုးကာပါဝင်
တို့အားလုံး အနာဂါတ်အရေး
အမြဲပင် ရင်အေးစေရန် ထိရောက်စွာ ပါဝင်ရစ်စို့။
ဗုဒ္ဒ၏ အဆုံးအမ မျက်ကွယ်ပြု
သာသနာရဲ့ သားတော်မြတ်အား
အကြမ်းဖက်လို့် သတ်ဖြတ်ဝံ့က
ပြည်သူပြည်သား တို့ တတွေအား
ဘယ်သို့ကာ ဆက်ဆံသွားမလိမ့်
တို့ကိုယ်တိုင် တွေးစိမ့်ရင်ဖြင့်……..
ကဲ….မြန်ပြည်ဖွားတို့ရေ
တိုက်ပွဲရှိခိုက် ရှောင်လွှဲ မလိုက်နဲ့…….
(စီးဆင်းမြစ်ရေ ချိုးလို့ နှစ်ကြိမ် ရသည့်ထုံးအား မရှိငြှားပြီ)။ ။
အေးမြဇင် (၅၊၉၊၂၀၀၇)
လူ့အခွင့်အရေး နှင့် ဒီမိုကရေစီ ဖြစ်ထွန်းပေါ်ပေါက်ရေး တိုက်ပွဲ အဆုံးသတ်အောင်မြင်နိုင်စေရမည်။
Monday, 3 September 2007
ညီလာခံ မြေမြှုပ်ခြင်း
သြော် တိုင်းပြည်အကျိုးအတွက်တဲ့......
လူသတ်ကာ တရားဝင် ခိုးဆိုး
စစ်ဗိုလ်ချုပ်ဆိုတဲ့ လူလိမ်တတွေက
စစ်မှန်တဲ့ အခြေခံ ဥပဒေများပေါ်ဖို့ တဲ့
နှစ်တွေအဖန်ဖန် ကြာအောင်ရေးဆွဲ
အနှစ်သဏ္ဍ်ါန် သဘောကဖြင့်
ပြည်သူ့အာဏာ လုယူဖို့ ရည်ရွယ်။
စစ်ဝတ် အရေခြုံ အာဏာရူးတစုက
ဒီမိုကရေစီ ဆိုတဲ့ အရာဟာဖြင့်
(ပြည်သူနှင့် မတန်သေးသမို့)
နိူင်ငံ့ သာသနာ ပျက်သုဉ်းမှာ စိုးသတဲ့
ဗုဒ္ဓ ဘုန်းတော်ကြီးတွေကိုလျှောက်တင်
နောက်ကွယ်မှာ အကြံကြီးကြီးပြုလို့
ဘာသာ သာသနာ ခုတုံးလုပ်လျက်
ပြည်သူ့အာဏာ ခိုးဖို့ ရည်ရွယ်။
ဒီမှာ ...
လိမ်ချက်မှာ တမူထူးချွန်တဲ့
(စစ်ဘုရင် မင်းတျားကြီး သန်းရွှေ က)
စစ်အာဏာရူးသူ တစ်စုက
ညီလာခံ အနာဟောင်းကိုကုစား
သမားတော်ဟန် ဟန်ပန်လုပ်
တပည့်ကျော် အပေါင်းနဲ့ မန်းမှုတ်
ညီလာခံ ထိုအနာထုပ်။
ဒီမှာ .... သူ့အနာ သူမန်းလို့
ရောင်ရမ်းကာ ပုတ်ဆော်နံ
အဟုတ်ပေါ် ပြီ မဿတီ ထိုအနံ့။
ဟေ့ ..
အာဏာရူးသူတစု
ညီလာခံ အသုဘရှုဖို့
တို့ပြည်သူ စုစည်းကာ
ချီလာပြီ စည်းလုံးသည့်အင်အား။
ဟေ့ ...
အာဏာရှင် လူတစု
ညီလာခံ ထိုအတုကို
အသက်သွင်းရန် မကြိုးစားနဲ့
လူထုတွေ မဟာအင်အားကြောင့်
ကိုယ့်မသာစင် ကိုယ်ဆောက်သလိုပ
ဖြစ်မှာပေ တွေးကာလေထောက်စ။
ဟေ့ .... အာဏာရူးနောက်လိုက်တွေ
ညီလာခံ မြေချချိန်မှ
ဖုတ်ခါကာ ရူးချင်ယောင် မဆောင်လေနဲ့
သမိုင်းတရားခံ စာရင်းမှာ ပါစေ့မကွဲ့။
ဟေ့ ... အာဏာရှင် လူမိုက်
ပြည်သူ့အားအင် အစွမ်းကြောင့်
သင်တို့တတွေ
ဒူးတုန်ကာ ချမ်းနေပြီ ဟုတ်စွ။
ဟေ့... အာဏာရှင် တသိုက်
ပြည်သူ့ အာဏာ အချုပ်အခြာကို
ယုတ်မာဥာဏ် အထပ်ထပ်သုံးလို့
ဆုတ်ကိုင်ကာ မယူတော့ရင်ဖြင့်
တို့ပြည်သူ ကြိုနေတယ်
မေတ္တာ ရင်ခွင် တံခါးဖွင့်လျက်
ဒီဇမ္ဗူတခွင် မှတ်တမ်းတွင်သွားမလိမ့်..
မွေ့ချမ်းစေ ဤမြန်မာ့မြေတလွှား။ ။
ပြစမ်းလေ ဤကမ္ဘာ့ပြည်သူများသို့။ ။
အေအမ်ဇက်(၃ ၉၊ ၂၀၀၇)
Sunday, 2 September 2007
အာဏာရှင်ကို ဖြုတ်ချနိုင်ရန် သတိပြု၍ ပါဝင်လုပ်ဆောင်ကြပါစို့်
တချို့က မိမိရဲ့ တဒင်္ဂ သာယာနေမှု အပေါ်(အာဏာဖြင့်ထင်ရာစိုင်းနိုင်ခွင့်)မှာရစ်မူးနေကြသလို၊ မောဟ အမှောင်ဖုံးနေတဲ့ မိဖ၊ဆွေမျိုးတွေကြားထဲမှာ ကြီးပြင်းလာကြပြီး အမိုက်မှောင်ကမ္ဘာထဲမှာသာ တ၀ဲလည်လည် နေချင်သူတွေ ပါ။
တချို့ကြတော့ ယ္ခုအချိန်မှာ မိမိတို့ပိုင်ဆိုင်တဲ့ အထုပ်တွေ ကိုရွှေ့ပြောင်းနေရာချနေတဲ့ သူအချို့လဲရှိနေကြပြီဆိုတာကို ကျွန်တော်တို့ သတိပြုဖို့လိုတယ်။ ထိုသူတွေဟာ စစ်တပ်ယန္နရား ထဲကအထက်အရာရှိ ကြီးပိုင်းကမိသားစု၊ သူတို့နဲ့ ပတ်သက်ဆက်နွယ်လျက်ရှိသော စီးပွားရေးသမားအမည်ခံ အချောင်သမားများဖြစ်ပြီး ထိုသူတွေကို ဖေါ်ထုတ်ကာ၊ စစ်အာဏာရှင်၏ လက်ကိုင်တုတ် ပြည်သူအရေချုံ အရိုးမှုန့် လျှက်နေကြသောသူများကို မျက်ဝါးထင်ထင် တွေ့မြင်ကြားသိ နိုင်စေပြီးကာ ထိုသူတွေရဲ့ လုပ်ရပ်များကို ရပ်နားသွားနိုင်စေရန် ကြိုးပမ်းရမည်ဖြစ်သလို၊ ဒေါက်တိုင်ဝန်ထမ်းများကို ပြည်သူ့ဘက်တော်သား ၀န်ထမ်းအဖြစ် ပြောင်းလဲလာနိုင်စေရန် လမ်းများရှာကြံဖွင့်၍ ထားရှိထားရမည်ဖြစ်ပြီး ယခုကာလတွင် လျှို့ဝှက်ဆက်သွယ်လာပါက နွေးထွေးစွာလက်ခံ၍ကြိုဆိုကာ လုံခြုံသောဆက်သွယ်ရေး နည်းဗျူဟာတို့၏ အကူအညီရယူပြီး သတင်းစီးဆင်းမှု အမြန်ဆုံးနည်းလမ်းဖြင့် ဖြန့်ဝေနိုင်စေပြီး၊ အမည်နာမ လျှို့ဝှက်ရန်လိုအပ်ပါက လျှို့ဝှက်နိုင်သည်။
အခြားတဖက်မှလည်း ဥပဒေမဲ့ အကြမ်းဖက်နေသော အပြုအမူ လုပ်ရပ်များကို မှတ်တမ်းတင်ရယူထားရမည်ဖြစ်သလို၊ လိုရမည်ရ စစ်လက်ကိုင်တုတ်အဖွဲ့မှ ၄င်းတို့၏ကိုယ်ပိုင်မှတ်တမ်းတင်ထားရှိသောအချက်အလက်တို့ကို ရသည့်နည်းလမ်းပေါင်းများစွာဖြင့် မိမိတုိ့ ပြည်သူ့ဘက်တော်သားများက သိမ်းဆည်းရယူထားရှိပြီး အမြန်ဆုံးဖြန့်ချီမှုကိုလုပ်နိူင်ခြင်းအားဖြင့် UNSC နှင့်နိူင်ငံတကာအစိုးရအဖွဲ့အစည်းများ၏ ပြင်းထန်သောအရေးယူမှုများကို တဖက်တလမ်းမှအစွမ်းကုန်မြှင့်တင်ကါ ပြည်တွင်းလှုပ်ရှားမှုအရှိန်ကို မြှင့်တင်သွားရင်း အတတ်နိုင်ဆုံး ငြိမ်းချမ်းစွာ အဆုံးသတ် အောင်မြင်မှုရရှိသည်အထိတိုက်ပွဲဝင်သွားကြရန် အထူးပင်စွမ်းဆောင်သွားကြရမည်။
ဘုန်းတော်ကြီး များသည် ဘာသာရေးအဆုံးအမ ပြုလုပ်ခြင်း ကဲ့သို့ဆောင်ရွက်မှုတို့ဖြင့် ပါဝင်ရန် အထူးပင် လိုအပ်လှသည်။အဘယ့်ကြောင့်ဆိုသော် စစ်အာဏာရှင်(အစိုးရ)သည် အောက်လမ်း ယုတ်မာသောနည်းပေါင်းစုံကိုချသုံးနေခြင်းသည် ဘာသာတရားများကိုမျက်ကွယ်ပြုပြီးလုပ်ဆောင်နေခြင်းမှာ ထင်ရှားလှပေသည်။ ဤသို့ ပြည်သူအပေါင်းအား ဒေါသတရားနှင့် တဦးကိုတဦး အညှာအတာ ကင်းမဲ့စွာ နှိပ်စက် အနိုင်ယူတတ်စေသာ ပုံစံတရပ်ကို တရားဝင်ခွင့်ပြုထားပါက၊ အချိန်ကာလ ရှည်ကြာလာပါက နိမ့်ကျသော တရိစ္ဆာန်ဘုံတမျှ အခြေအနေသို့ ရောက်ရှိသွားသည့် နိုင်ငံတနိုင်ငံ ဖြစ်သွားရန်သါရှိသည့် အတွက်ကြောင့်ပင်ဖြစ်သည်။
Saturday, 1 September 2007
ငါ အိပ်လို့ မရဘူး
ငါအိပ်မရဘူး
ငါ့မိသားစု အခြေအနေ
ဘယ်သို့နေလဲ။
ငါအိပ်မရဘူး
ငါ့အဆွေ မိတ်သဂ င်္ဟ
ဘယ်သို့ ရပ်တည်ကာရှင်သန်
ထိုကုန်ဈေးနှုန်း ထိုးတက်သည့်အရေး။
ငါအိပ်မရဘူး
ငါတို့ရဲ့ ရဲရင့်ခေါင်းဆောင်အချို့
ဘယ်သို့သော အရပ်၌်ချုပ်နှောင်
နှိပ်စက်မှာ ထိုအတွေး။
ငါအိပ်မရဘူး
ငါတို့ရဲ့ လက်ကျန်ခေါင်းဆောင်အချို့
ဘယ်သို့သော အဆိုးနဲ့ကြုံ
အကြမ်းဖက်ခံရမည့် ထိုမိစ္ဆာဘေး။
ငါအိပ်မရဘူး
တရားလက်မဲ့ ဥပဒေပျက်ထဲ
လုယက်ကာ ဒုစရိုက်ရန်ဘေး
အသက်ပါ ရန်ရှာခံရမည့် အရေး။
ငါအိပ်မရဘူး
ငါတို့ရဲ့ ပြည်သူ၊ပြည်သားအားလုံး
ဘယ်သို့သော အငတ်ဘေးကြီးဆိုက်
ထူပြောလာမည့် ရောဂါဆိုးတို့ အရေး။ ။
အေးမြဇင်(၂၅၊၈၊၂၀၀၇)
Tuesday, 28 August 2007
ချစ်သမီးလေးဆီ
သမီးငယ်
နို့ရည်တိုက်ကျွေး ဤအချိန်မျိုး၌
မေမေ့ ရင်မြတ် နို့ရည်ပြည့်တင်း
တိုက်ကျွေးချင်တယ် သမီးငယ်ရေ။
မျက်လုံးရယ် ဝေ့၀ိုက်ကြည့်တတ်စ
အဖေရယ် အမေရယ် ကိုမှ
ကျင့်သားရအောင် မမှတ်တတ်သေး
ထိုအရွယ်လေးအားဖြင့်
မေမေ့ ရင်သိုက် ထွေးလို့ပိုက်ကာ
ပွေ့ရှိုက်ပေးချင်တယ် သမီးငယ်ရေ။
သမီးငယ်
နို့ချိုတိုက်လို့ ပြီးခိုက်ထိုအချိန်
နို့တွေအံကျ ဂျွတ်ထိုးခိုက်ဝယ်
ပွတ်သပ်သုတ်သင် နှုတ်ခမ်းတခွင်နဲ့
ဖွ၍ဖိပေး ရင်ဘက်လေးအား
မေမေ့ မေတ္တာများဖြင့် ကုစား
နွေးထွေးထားစေချင်တယ် သမီးငယ်ရေ။
သမီးငယ်
မှေး၍အိပ်ခိုက် စွန့်ပြစ်အစာ
ယိုစီး ထွက်ကျ အညစ်ဝတွင်
စိုစိနေပြီး လူးလွန့်နေခိုက်
မေမေ့ လက်ဖ၀ါးများဖြင့် သုတ်ထား
သန့်စင်လို့ကာ သွားစေချင်တယ် သမီးငယ်ရေ။
သမီးငယ်
အချိန်နှင့်အမျှ သမီးအတွက် ဝေရာဝစ္စ
မေမေကပြုပေး ပြုပေးချင်ပါတယ် သမီးငယ်ရေ။
သမီးငယ်ရေ
အနာဂတ် မျိုးဆက်အရေး
အဖေ ကော၊ အမေ ကော တွေး
တိုင်းပြည်ရဲ့ ဘေးဆိုးတွေပျောက်ရန်
ရင်သွေးငယ်သေး သမီးချစ်လေးကိုထား
လူ့အခွင့်အရေး တိုက်ပွဲကြားထဲ
ဦးဆောင်ကာဆင်နွှဲ လို့ဝင်
သမီးနှင့်တိုင်းပြည်မျိုးဆက် သာယာဖို့အရေး
ခဏလေးဝေးကြခြင်း ရယ်ပါ ချစ်သမီးရေ။
သမီးငယ်ရေ
မိခင်ကောင်းစိတ် မေမေ့မှာကိန်းဝပ်
သမီးလေးကို ချစ်တယ်ဆိုတဲ့အမိ
သမီးလေးတချိန် သိမှာပါလေ။ ။
သမီးလေးတချိန် နားလည်မှာပါလေ။ ။
အမိတိုင်းပြည်တွင် စစ်အာဏာရှင်စနစ် ချုပ်ငြိမ်းပျောက်ကွယ်သွားစေရန်နှင့် ပြည်သူ့အနာဂတ်အား ပြည်သူအများ၏ စိတ်စေတနာကောင်းများစွာဖြင့် ၀ိုင်းဝန်းပုံဖော်တည်ဆောက်နိုင်သည့် စနစ်ကောင်းတခု ပေါ်ပေါက်ကာ၊ ပျော်ရွှင်ငြိမ်းချမ်းပြီး သောကအပူ ကင်းဝေးစေသော လူနေမှုစနစ်ကြီး အမြစ်တွယ်တည်မြဲစေရန်အတွက် ဦးစီးဦးရွက်ထမ်းဆောင် နေသူ အမျိုးသမီးများအား အလေးအနက် ဂုဏ်ပြုအပ်ပါသည်။
အထူးသဖြင့်၊ လေးလကျော် ခါစ သမီးငယ်လေးအား ခွဲခွာ၍ ပြည်သူ့အရေးအတွက် တောင်းဆိုလျက်ရှိပြီး ရှောင်တိမ်းလှုပ်ရှားရင်း အိမ်ပြန်ဖို့ရန် အခွင့်မသာသေးသော မနီလာ သိန်း(ကိုဂျင်မီ၏ ဇနီး) အား အထူးပင် လေးစားကြည်ညိုစွာဖြင့် ဂုဏ်ပြုအပ်ပါသည်။
ကိုဂျင်မီနှင့် မနီလာတို့၏ လေးလကျော်စ သမီးဦးလေး ဓါတ်ပုံ(အပေါ်)အေးမြဇင်(၂၈၊၈၊၂၀၀၇)
Monday, 27 August 2007
နှောင်း၍နေပြီမှတ်
လူသားမှန်က
လူသားဆန်လှတဲ့ အပြုအမူ
တို့အများပြည်သူမှာ ရှိမှ
တို့အမျိုးအခြေလှပ တိုးတက်မည်မှတ်။
လူသားမှန်က
လူသားဆန်လှတဲ့ အတွေးအခေါ်
တို့အများပြည်သူမှာ ရှိမှ
တို့အမျိုးအစဉ်အဆက် တိုးတက်မည်မှတ်။
လူသားမှန်က
လူသားဆန်လှတဲ့ အကြံအဆ
တို့အများပြည်သူမှာ ရှိမှ
တို့အမျိုးပြည့်ဝ တိုးတက်မည်မှတ်။
လူသားမဆန်
ယုတ်မာစွာ ပြုမူကြံဆ၊
လူသားမဆန်
မရိုးသားစွာ တွေးခေါ်ကြံဆ၊
ကိုယ်ချင်းရယ် မစာနာပြန်က
သေမင်းရဲ့ ဂယ်ပေါက်ဝ
ရုတ်တရက် ရောက်ရှိချိန်အခိုက်
နောင်တဖွဲ့ မျက်ရည်ခံထိုး
အယူခံတင် လျှောက်လှဲထွက်ဆို
ကျွန်တော့် အလိုက နည်းပါး ပါကြောင်း
ကျွန်တော့် သဘောက ရိုးစင်း ပါကြောင်း
ကျွန်တော့် တမိသားစု ၀မ်းရေး ပါကြောင်း
(အထက်ကခိုင်း၍ လုပ်ခဲ့ရ ပါကြောင်း)
အကြောင်းစုံလင် ပြ၍ တင်လဲ
ထိုချိန်ခါသည် နှောင်း၍နေပြီမှတ်။ ။
အေအမ်ဇက်(၂၃၊ဂ၊၂၀၀၇)
မှတ်ချက်၊ ၊ အာဏာရှင်၏ လက်ကိုင်တုတ်များ နှင့် နိူင်ငံရေးခိုလှုံခွင့် အခွင့်အရေးရယူကာ မိမိ၏အခွင့်အရေးတို့အတွက် အသုံးချလျက်ရှိပြီး ဖြူစင်စွာပေးဆပ်ခဲ့သူ၊ပေးဆပ်နေသူများ၏ ကျေးဇူးတရားကိုမေ့လျော့၍ ဘယ်သူသေသေ ငတေမာရင် ပြီးရော ဆိုတဲ့ လူသားစိတ်ကင်းမဲ့သောသူများအား အဓိက ရည်ရွယ်ပါကြောင်း။
ကျိန်စာမဟုတ် သစ္စာဓါတ်၏ရောင်ပြန်
မြန်မာပြည်ဖွား
ဒီမိုကရေစီ စံစား အိုလူသားတို့….
သင်တို့ရဲ့ အလိုလောဘ တို့အတွက်
ဒီမိုကရေစီဆိုတဲ့ အရာကို
ကိုယ့် အကျိုးအတွက် ချသုံး
သင်တို့ ပြုံး၍ နေနိူင်ကြတုန်းလား။
သင်တို့ရဲ့ အလိုရမ္မက် ဆန္ဒ တို့အတွက်
ဒီမိုကရေစီဆိုတဲ့ အရာကို
ပါးစပ်ဖျားကလေးမှာတွေ့
သင်တို့ ဘ၀င်ခွေ့ နေနိူင်ကြတုန်းလား။
သင်တို့ရဲ့ လွန်ကဲ အတ္တ တို့အတွက်
ဒီမိုကရေစီဆိုတဲ့ အရာကို
ထုတ်ကုန်တမျှ ယူဆလို့ထင်မြင်
သင်တို့ ငွေရွှင်အောင် အသုံးပြုနေကြတုန်းလား။
သင်တို့ရဲ့ မောဟအားတွေ အတွက်
ဒီမိုကရေစီဆိုတဲ့ အရာကို
ပြက်လုံးတမျှ ရင်ထဲမျှောချ၍မြို
သင်တို့ ရယ်သွမ်း လှောင်ပြောင်နေကြတုန်းလား။
သင်တို့ ပျော်ပါ…
တသက်မှာ တခါသေ ဤ ကမ္ဘာမြေပေါ်မှာလေ။
သင်တို့ နေပါ…
တသက်မှာ တခါသေ ဤ ကမ္ဘာမြေပေါ်မှာလေ။
သင်တို့ ရှာပါ….
ဥစ္စာဓန၊ ပညာအလှ
တသက်မှာ တခါသေ ဤ ကမ္ဘာမြေပေါ်မှာလေ။
သို့ပေမဲ့…
သင်တို့ ကျင့်နိူင်စေ
တသက်မှာ အခါခါ မသေဖို့
အသင်တို့ ဂုဏ်ပုဒ်တွေ။
တခဏလေးမျှ ၀င်လာပါက
ကျုပ်တို့ရဲ့ ရင်ထဲဆန္ဒတွေ ဆီသို့
သင်တို့ သတိရမှုဖြင့် ဖယ်ရှားနိူင်၍
ဘ၀ခရီးတလျောက် ကြီးမြောက်ပါ့စေ။
အချိန်နှင့်အမျှ တွယ်ကပ်ပါက
ကျုပ်တို့ရဲ့ သစ္စာဓာတ်အား ရောင်ပြန်
သင်တို့တတွေ ဒိဋ္ဌ တွေ့ရပြန်၍
ဘ၀ခရီးတလျောက် ပြီးလောက်ပါ့စေ။
(ကျုပ်တို့၊ဆိုသည်မှာ မပြီးဆုံးသေးသည့် ဒီမိုကရေစီအရေးတော်ပုံ တလျောက် အသက်ပေးခဲ့ သူများဖြစ်ကြောင်း) အေအမ်ဇက် (၈၊၈၊၂၀၀၇)
p
Friday, 24 August 2007
ငြိမ်းချမ်းရေး မီးရှုးတန်ဆောင် ငါတို့၏ ရဲရင့်သောခေါင်းဆောင် မင်းကိုနိုင်
ကျုပ်တို့ရဲ့ ညီအကို၊ညီအမတွေရဲ့
အသက်တွေ၊ဘ၀တွေကို
လမ်းတွေပေါ်မှာ၊ထောင်
တွေထဲမှာ၊ တောတောင်တွေထဲမှာ
ပေးဆပ်ခဲ့ပြီးပြီ၊ ပေးဆပ်လျက်ရှိနေကြဆဲဖြစ်တယ်။ ကျုပ်တို့
ကို ဘယ်သို့သော ခြိမ်းခြောက်မှုမျိုးမှ ကြောက်မဲ့လူစားမျိုး
မဟုတ်ဖူးဆိုတာကို အဏာပိုင်ပါလို့ဆိုသူတွေ၊ပြည်သူအရေ
ခြုံထားသူတွေ သိစေချင်တယ်။
ကျုပ်တို့ ၈၈မျိုးဆက်တွေက တိုင်းပြည်ဒီမိုကရေစီ စနစ်ထွန်း
ကားရေးနဲ့ ငြိမ်းချမ်းရေး အောင်ပွဲအလံကို ရရှိဖို့ရန်
အတွက် ချောတိုင်အောက်ခြေက နေသူကဲ့သို့ ကျောပြင်နဲ့ ပခုံးတွေကို အနင်းဖြတ်ခံပြီး အနစ်နာခံလို့ကာ ပေးဆပ်သွားပါ့မယ်။
နောင်မျိုးဆက်တွေအတွက် ပြည်သူအားလုံး လက်တွဲညီညာစွာ အောင်ပွဲရရှိသည်အထိ မဆုတ်မနစ် ပူးပေါင်းပါဝင်လို့ အရယူသွားဖို့လိုအပ်ကြောင်း ပြောကြားလိုပါတယ်။
ကိုမင်းကိုနိုင် ၏မိန့်ခွန်းတို့ကို ဆီလျော်သလိုပြန်ရေးသားထားပါကြောင်း။ မူရင်းရှာချိန်မရလို့ တောင်းပန်အပ်ပါသည်။
်
Monday, 20 August 2007
ပြည်သူအပေါင်းတို့ အားလုံး ငြိမ်းချမ်းစွာလက်တွဲ ပါဝင်ဆန္ဒထုတ်ဖေါ်မှုဖြင့်၊ ပြည်သူတို့အား ရင်ဝယ်သားကဲ့သို့ စောင့်ရှောက်ကာကွယ် ဖြည့်ဆည်းပေးသော စနစ်တို့ဦးစီးသည့် မြန်မာနိူင်ငံတော် ဖြစ်ပေါ်နိူင်စေရမည်၊ ဖြစ်ပေါ်နိူင်စေရမည်။
အမိန့်အာဏာဖြင့် တဖက်သတ် ကြီးစိုးအနိုင်ကျင့်သော စနစ်ဆိုးတို့ လုံးဝချုပ်ငြိမ်းသွားစေရမည်။ လုံးဝပျောက်ကွယ်စေရမည်။
အရေးတော်ပုံ အောင်ရမည်၊ အောင်ရမည်။
အေးမြဇင်
Thursday, 16 August 2007
ပန်းတိုင်၏ ရလဒ်
ပန်းတိုင်သို့ မှန်းရည်ရွယ်
မရွဲ့ ၊ မယိုင် စိတ်ခိုင်မာ ထားရင်ဖြင့်
ရောက်ရမည် ဘယ်မလွဲ။
ပန်းတိုင်ကလည်းရှိ သမို့
ဇွဲမာန် တွေ အပြည့် ထည့်ကာချီ
ခရီးလမ်းတလျောက်မှာ
ခက်ထန်လို့ ကြမ်းတမ်း ရင်လည်း
ြဲမဲမြံစွာ တို့လက်တွေ ချိတ်ဆက်
မညီး တမ်း တို့တွေ လှမ်းလျောက်ရင်တော့
ခရီးဆုံး ပန်းတိုင်ဟာ ငါတို့ရဲ့ အောင်ပွဲ။
ပန်းတိုင် ခရီး ဆီသို့
ဆက်လှမ်း ခဲ့သူတို့ အတွက်
ကြီးမြတ်တဲ့ စွမ်းအား ရလဒ်၏ အောင်ပွဲ။
ပန်းတိုင်၏ ခရီးဆုံး တိုင်အောင်
လျှောက်လှမ်း ခဲ့သူတို့ရဲ့
မြင့်မြတ် သော စိတ်ဓါတ် ခွန်အား များနှင့်
ကြည်နူးစွာ ဖေါ်ကျူး ကြတဲ့
ခရီးဆုံး က ထိုပျော်ပွဲ။ ။
အေးမြဇင်(၂၅၊၂၊၂၀၀၇)
ကျွန်တော်တို့ရဲ့ အောင်ပွဲရလဒ်ကို ရရှိ ဆုပ်ကိုင်နိူင်ဖို့ရန် ကျွန်တော်တို့၏ တတ်မြောက်ကျွမ်းကျင်ရာ ကောင်းမြတ်သောလုပ်ငန်း၊ လုပ်ရပ် တို့ကိုအခြေပြု၍ ၀ိုင်းဝန်းထောက်ပံ့နိူင်ခြင်းအားဖြင့် အလုံးစုံညီညွတ်သောအင်အားတို့ကို စုစည်းကာ အရောက်လှမ်းကြပါစို့ ခင်ဗျာ။
မင်းလုပ်ချင်တာတွေ မလုပ်နိူင်သေးချိန်မှာ
ဘ၀ဆိုတာကို နားလည်ပါ။
အကောင်းအဆိုး တို့ကို တွေးမြင်သုံးသပ်လို့
မင်းရဲ့ မွန်မြတ်သော လုပ်ရပ်တို့ကို ပီတိဖြစ်ကာ
ကျေနပ်စွာ ကြည်နူးသောစိတ်ဖြင့်
ဘ၀ ဆိုတာကို ရင်ဆိုင်တိုးဖြတ်ရင်း
ဆက်လက်ရှင်သန် အသက်ရှင်ပါ။
အေးမြဇင်(၂၉၊၀၄၊၀၇)
Sunday, 5 August 2007
ဆက်၍လှမ်းမည်
သြော်... သေကြသူတွေ သေကြပေမဲ့
ကြွေကျသူတွေ အဖြစ်
ဖြေမရ သူတို့ ရဲ့ ဖြစ်အင်
တို့တတွေ အစဉ်ဦးညွှတ်ကာဖြင့်
ကြွေသူတွေ မျှော်ရည် ထိုဆန္ဒ
မွန်မြတ်တဲ့ လွတ်လပ်ဖို့အတွေး
သိမ်မွေ့တဲ့ ဒီမိုကရေစီအရေး
ဝန်မလေး ပဲ လက်ဆင့်ကမ်း၍ချီ
လှမ်းဆက်မည် မွန်မြတ်သည့် (ထို)ခရီး။
တို့တတွေ မခိုမကပ် ပါ(၀င်)ရင်ဖြင့်
ရစေ့မယ် ယ္ခုချက်ခြင်း
ှုဤစိတ်မျိုး သွင်းကာပါဝင်
ဘယ်အရှင် နတ်စကားတွေနဲ့
ဘယ်သခင် ကယ်ချိန်ကိုမှ
တွေးမရောင် မျှော်စောင့်ရန်မရှိ
လှမ်းဆက်မည် မွန်မြတ်သည့် (ထို)ခရီး။
တို့တတွေ မလိုလောဘ ဖယ်ကျဉ်
တနွယ်ငင် တို့တွေမျိုးဆက်သစ် အတွက်
လွတ်လပ်စွာ ပျော်နေရစ် ကြစေရန်
စိတ်ဇောသန် ရင်ဆိုင်မည် ဒီအရေး
အဘယ်နေရာ တို့ မရွေး ကာဖြင့်
ဝန်မလေး သောစိတ်တွေ ဦးရွက်
လှမ်းဆက်မည် မွန်မြတ်သည့် (ထို)ခရီး။
အေးမြဇင် (၅၊၈၊၂၀၀၇)
မပြီးဆုံးသေးသော ဒီမိုကရေစီ အရေးတော်ပြုံကီးတွင် အသက်ပေးဆပ်ခဲ့ကြကုန်သော အညတြ ပုဂ္ဂိုလ်အားလုံးအား ဦးညွှတ်ဂုဏ်ပြုရင်း၊
ကြွေကျသွားခဲ့သောသူတို့၏ လိုလားဆန္ဒတို့ကို သတိရမှုနှင့် မိမိကိုယ်တိုင် မမေ့လျှော့သွားစေရန် ရည်ရွယ်ပါ၏။
Sunday, 29 July 2007
ဒေါင်းဝိဥာဉ် တို့ ၏ဆန္ဒမွန်
ကျုပ်တို့ စာသင်ကျောင်းသား လက်ဖယောင်းမှာ
ဒေါင်းအလံ နှင့် ကလောင်တံ
သခင်ကိုယ်တော်မှိုင်း နှင့် ဗိုလ်ချုပ်အောင်ဆန်း တို့ရဲ့ပုံကားချပ်
ကြွေးကြော်တောင်းဆိုတဲ့ စက္ကူချပ်တွေဆုပ်ကိုင်
တကယ်စက်ဆုပ်တဲ့ စနစ်ယုတ်ကို ဖယ်လို့ထုတ်တဲ့
သြဂုတ်လ ရဲ့ နေ့ရက်များ
သင်တို့ ရင်ထဲ မှတ်မိကောင်းရဲ့ ကောင်းပါရဲ့ ။
အားလုံးသော ပြည်သူတို့ အတွက် တောင်းဆိုတဲ့
ကျုပ်တို့ကျောင်းသူ ကျောင်းသားတို့က
တချောင်းဆို မပိုင်ထား တဲ့ သေစေသောလက်နက်
ခန္ဓာကိုယ်ထက် မပါရှိ ပေမဲ့
တဦးချင်းစီရဲ့ မှန်ကန်တဲ့ စိတ်ဓါတ်က
ခွပ်ဒေါင်း အားမာန်နဲ့ စနစ်ဆိုးပြောင်းရန်သာ
ရင်ထဲစွဲအပ်၍ ယုံကြည်ကာ ချီတက်ခဲ့ပုံ
သြဂုတ်လ ရဲ့ နေ့ရက်များ
သင်တို့ ရင်ထဲ မှတ်မိကောင်းရဲ့ ကောင်းပါရဲ့ ။
ပြည်သူလေးစားတဲ့ စစ်တပ်ကို မျက်နှာမဲသုတ်
အာဏာရှင် အလိုကျ ခုတုံးလုပ် အသုံးပြု
ကျုပ်တို့ ကျောင်းသား ပြည်သူကို
ရက်စက်စွာ ပစ်သတ် သုတ်သင်တဲ့
အဓမ္မပြုကျင့်ပုံ မြင်ကွင်းသဏ္ဌာန် အကွက်
သြဂုတ်လ ရဲ့ နေ့ရက်များ
သင်တို့ ရင်တွင်းပုံရိပ် ထင်နေကောင်းရဲ့ ထင်ပါရဲ့ ။
ကျုပ်တို့ရဲ့ အသက်ဇီဝိန်တွေက
ရုပ်ခန္နာ မှ ဆုတ်ခွာခဲ့ရပေမဲ့
ဝိဥာဉ်ဆန္ဒ တွေက
အမျိုးကိုမြင့်စေချင်လှသမို့ ….
အမှန်တရား ထွန်းကားချင်လှသမို့ ….
လွတ်လပ်သော ပညာရေး ပေါ်ထွန်းချင်လှသမို့ ..
မပြီးဆုံးသေးတဲ့ တိုက်ပွဲလမ်းကြောင်းတလျှောက်
အစဉ်လျှောက်လှမ်း လျက်ရှိကြောင်း
သင်တို့တွေအား သတင်းပါးရဲ့ ပါးပါရဲ့ ။
ကျုပ်တို့ရဲ့ ကိုယ်ခန္ဓာတွေ
ခြင်းခြင်းနီလှ သွေးအိုင်ကျလဲ
ပေးဆပ်ခဲ့ရ ပေးခဲ့ရငြား
(ဒီမိုကရေစီနှင့်ငြိမ်းချမ်းရေး မရသေးသ၍)
တောင်းတ ဆန္ဒများ မရသေးသ၍
ကျုပ်တို့ရဲ့ ၀ိဥာဉ်
ခွပ်ဒေါင်း အသွင်စိတ်နဲ့ ဆက်လက်ရှင်သန်နေကြောင်း
သင်တို့တွေအား သတင်းပါးရဲ့ ပါးပါရဲ့ ။
ဒီမိုကရေစီ နှင့် ငြိမ်းချမ်းရေး အလုံးစုံ ပုံပေါ် တဲ့တနေ့
ကျုပ်တို့ရဲ့ ရုပ်သဏ္ဌာန် ကဒေါင်း အသွင်ရုပ်နဲ့
ဒီမြေ ဒီရေ အရပ်မှာ အလှဒေါင်း အဆင်အကဖြင့်
ကျုပ်တို့ ချစ်သော ပြည်သူအပေါင်းအား
မြူးကြွတဲ့ ဒေါင်းအက အဆင်အပြင်ဖြင့် ဖျော်ဖြေ၍
သွားလိုတဲ့ အထက်ဘုံ ထိုစခန်းဆီသို့
ကျုပ်တို့တတွေ ဆက်ခါ မြန်းလိုပါ၏ မြန်းလို၏ ။ ။
အေးမြဇင် (၈၊၈၊၂၀၀၂)
မတရားသော အုပ်ချုပ်ရေးစနစ်ဆိုးအား ရဲရင့်မွန်မြတ်သောစိတ်ဓါတ်ဖြင့် တပ်ဦးမှနေ၍အသက်စွန့်သွားသော ကျောင်းသူ၊ ကျောင်းသား အကို၊အမ တို့၏ ၀ိဥာဉ်များပူးကပ်ခံစားကာ ရေးဖွဲ့ခဲ့ ပါကြောင်း။
