ချစ်သမီးလေးဆီ

သမီးငယ်

နို့ရည်တိုက်ကျွေး ဤအချိန်မျိုး၌

မေမေ့ ရင်မြတ် နို့ရည်ပြည့်တင်း

တိုက်ကျွေးချင်တယ် သမီးငယ်ရေ။

သမီးငယ်

မျက်လုံးရယ် ဝေ့၀ိုက်ကြည့်တတ်စ

အဖေရယ် အမေရယ် ကိုမှ

ကျင့်သားရအောင် မမှတ်တတ်သေး

ထိုအရွယ်လေးအားဖြင့်

မေမေ့ ရင်သိုက် ထွေးလို့ပိုက်ကာ

ပွေ့ရှိုက်ပေးချင်တယ် သမီးငယ်ရေ။

သမီးငယ်

နို့ချိုတိုက်လို့ ပြီးခိုက်ထိုအချိန်

နို့တွေအံကျ ဂျွတ်ထိုးခိုက်ဝယ်

ပွတ်သပ်သုတ်သင် နှုတ်ခမ်းတခွင်နဲ့

ဖွ၍ဖိပေး ရင်ဘက်လေးအား

မေမေ့ မေတ္တာများဖြင့် ကုစား

နွေးထွေးထားစေချင်တယ် သမီးငယ်ရေ။

သမီးငယ်

မှေး၍အိပ်ခိုက် စွန့်ပြစ်အစာ

ယိုစီး ထွက်ကျ အညစ်ဝတွင်

စိုစိနေပြီး လူးလွန့်နေခိုက်

မေမေ့ လက်ဖ၀ါးများဖြင့် သုတ်ထား

သန့်စင်လို့ကာ သွားစေချင်တယ် သမီးငယ်ရေ။

သမီးငယ်

အချိန်နှင့်အမျှ သမီးအတွက် ဝေရာဝစ္စ

မေမေကပြုပေး ပြုပေးချင်ပါတယ် သမီးငယ်ရေ။

သမီးငယ်ရေ

အနာဂတ် မျိုးဆက်အရေး

အဖေ ကော၊ အမေ ကော တွေး

တိုင်းပြည်ရဲ့ ဘေးဆိုးတွေပျောက်ရန်

ရင်သွေးငယ်သေး သမီးချစ်လေးကိုထား

လူ့အခွင့်အရေး တိုက်ပွဲကြားထဲ

ဦးဆောင်ကာဆင်နွှဲ လို့ဝင်

သမီးနှင့်တိုင်းပြည်မျိုးဆက် သာယာဖို့အရေး

ခဏလေးဝေးကြခြင်း ရယ်ပါ ချစ်သမီးရေ။

သမီးငယ်ရေ

မိခင်ကောင်းစိတ် မေမေ့မှာကိန်းဝပ်

သမီးလေးကို ချစ်တယ်ဆိုတဲ့အမိ

သမီးလေးတချိန် သိမှာပါလေ။ ။

သမီးလေးတချိန် နားလည်မှာပါလေ။ ။

အမိတိုင်းပြည်တွင် စစ်အာဏာရှင်စနစ် ချုပ်ငြိမ်းပျောက်ကွယ်သွားစေရန်နှင့် ပြည်သူ့အနာဂတ်အား ပြည်သူအများ၏ စိတ်စေတနာကောင်းများစွာဖြင့် ၀ိုင်းဝန်းပုံဖော်တည်ဆောက်နိုင်သည့် စနစ်ကောင်းတခု ပေါ်ပေါက်ကာ၊ ပျော်ရွှင်ငြိမ်းချမ်းပြီး သောကအပူ ကင်းဝေးစေသော လူနေမှုစနစ်ကြီး အမြစ်တွယ်တည်မြဲစေရန်အတွက် ဦးစီးဦးရွက်ထမ်းဆောင် နေသူ အမျိုးသမီးများအား အလေးအနက် ဂုဏ်ပြုအပ်ပါသည်။

အထူးသဖြင့်၊ လေးလကျော် ခါစ သမီးငယ်လေးအား ခွဲခွာ၍ ပြည်သူ့အရေးအတွက် တောင်းဆိုလျက်ရှိပြီး ရှောင်တိမ်းလှုပ်ရှားရင်း အိမ်ပြန်ဖို့ရန် အခွင့်မသာသေးသော မနီလာ သိန်း(ကိုဂျင်မီ၏ ဇနီး) အား အထူးပင် လေးစားကြည်ညိုစွာဖြင့် ဂုဏ်ပြုအပ်ပါသည်။

ကိုဂျင်မီနှင့် မနီလာတို့၏ လေးလကျော်စ သမီးဦးလေး ဓါတ်ပုံ(အပေါ်)

အေးမြဇင်(၂၈၊၈၊၂၀၀၇)

နှောင်း၍နေပြီမှတ်

လူသားမှန်က

လူသားဆန်လှတဲ့ အပြုအမူ

တို့အများပြည်သူမှာ ရှိမှ

တို့အမျိုးအခြေလှပ တိုးတက်မည်မှတ်။

လူသားမှန်က

လူသားဆန်လှတဲ့ အတွေးအခေါ်

တို့အများပြည်သူမှာ ရှိမှ

တို့အမျိုးအစဉ်အဆက် တိုးတက်မည်မှတ်။

လူသားမှန်က

လူသားဆန်လှတဲ့ အကြံအဆ

တို့အများပြည်သူမှာ ရှိမှ

တို့အမျိုးပြည့်ဝ တိုးတက်မည်မှတ်။

လူသားမဆန်

ယုတ်မာစွာ ပြုမူကြံဆ၊

လူသားမဆန်

မရိုးသားစွာ တွေးခေါ်ကြံဆ၊

ကိုယ်ချင်းရယ် မစာနာပြန်က

သေမင်းရဲ့ ဂယ်ပေါက်ဝ

ရုတ်တရက် ရောက်ရှိချိန်အခိုက်

နောင်တဖွဲ့ မျက်ရည်ခံထိုး

အယူခံတင် လျှောက်လှဲထွက်ဆို

ကျွန်တော့် အလိုက နည်းပါး ပါကြောင်း

ကျွန်တော့် သဘောက ရိုးစင်း ပါကြောင်း

ကျွန်တော့် တမိသားစု ၀မ်းရေး ပါကြောင်း

(အထက်ကခိုင်း၍ လုပ်ခဲ့ရ ပါကြောင်း)

အကြောင်းစုံလင် ပြ၍ တင်လဲ

ထိုချိန်ခါသည် နှောင်း၍နေပြီမှတ်။ ။

အေအမ်ဇက်(၂၃၊ဂ၊၂၀၀၇)

မှတ်ချက်၊ ၊ အာဏာရှင်၏ လက်ကိုင်တုတ်များ နှင့် နိူင်ငံရေးခိုလှုံခွင့် အခွင့်အရေးရယူကာ မိမိ၏အခွင့်အရေးတို့အတွက် အသုံးချလျက်ရှိပြီး ဖြူစင်စွာပေးဆပ်ခဲ့သူ၊ပေးဆပ်နေသူများ၏ ကျေးဇူးတရားကိုမေ့လျော့၍ ဘယ်သူသေသေ ငတေမာရင် ပြီးရော ဆိုတဲ့ လူသားစိတ်ကင်းမဲ့သောသူများအား အဓိက ရည်ရွယ်ပါကြောင်း။

ကျိန်စာမဟုတ် သစ္စာဓါတ်၏ရောင်ပြန်

မြန်မာပြည်ဖွား

ဒီမိုကရေစီ စံစား အိုလူသားတို့….

သင်တို့ရဲ့ အလိုလောဘ တို့အတွက်

ဒီမိုကရေစီဆိုတဲ့ အရာကို

ကိုယ့် အကျိုးအတွက် ချသုံး

သင်တို့ ပြုံး၍ နေနိူင်ကြတုန်းလား။

သင်တို့ရဲ့ အလိုရမ္မက် ဆန္ဒ တို့အတွက်

ဒီမိုကရေစီဆိုတဲ့ အရာကို

ပါးစပ်ဖျားကလေးမှာတွေ့

သင်တို့ ဘ၀င်ခွေ့ နေနိူင်ကြတုန်းလား။

သင်တို့ရဲ့ လွန်ကဲ အတ္တ တို့အတွက်

ဒီမိုကရေစီဆိုတဲ့ အရာကို

ထုတ်ကုန်တမျှ ယူဆလို့ထင်မြင်

သင်တို့ ငွေရွှင်အောင် အသုံးပြုနေကြတုန်းလား။

သင်တို့ရဲ့ မောဟအားတွေ အတွက်

ဒီမိုကရေစီဆိုတဲ့ အရာကို

ပြက်လုံးတမျှ ရင်ထဲမျှောချ၍မြို

သင်တို့ ရယ်သွမ်း လှောင်ပြောင်နေကြတုန်းလား။

သင်တို့ ပျော်ပါ…

တသက်မှာ တခါသေ ဤ ကမ္ဘာမြေပေါ်မှာလေ။

သင်တို့ နေပါ…

တသက်မှာ တခါသေ ဤ ကမ္ဘာမြေပေါ်မှာလေ။

သင်တို့ ရှာပါ….

ဥစ္စာဓန၊ ပညာအလှ

တသက်မှာ တခါသေ ဤ ကမ္ဘာမြေပေါ်မှာလေ။

သို့ပေမဲ့…

သင်တို့ ကျင့်နိူင်စေ

တသက်မှာ အခါခါ မသေဖို့

အသင်တို့ ဂုဏ်ပုဒ်တွေ။

သင်တို့မှာ လော်မာတဲ့ အတွေး

တခဏလေးမျှ ၀င်လာပါက

ကျုပ်တို့ရဲ့ ရင်ထဲဆန္ဒတွေ ဆီသို့

သင်တို့ သတိရမှုဖြင့် ဖယ်ရှားနိူင်၍

ဘ၀ခရီးတလျောက် ကြီးမြောက်ပါ့စေ။

သင်တို့မှာ လော်မာတဲ့ အတွေး

အချိန်နှင့်အမျှ တွယ်ကပ်ပါက

ကျုပ်တို့ရဲ့ သစ္စာဓာတ်အား ရောင်ပြန်

သင်တို့တတွေ ဒိဋ္ဌ တွေ့ရပြန်၍

ဘ၀ခရီးတလျောက် ပြီးလောက်ပါ့စေ။

(ကျုပ်တို့၊ဆိုသည်မှာ မပြီးဆုံးသေးသည့် ဒီမိုကရေစီအရေးတော်ပုံ တလျောက် အသက်ပေးခဲ့ သူများဖြစ်ကြောင်း) အေအမ်ဇက် (၈၊၈၊၂၀၀၇)

p

ငြိမ်းချမ်းရေး မီးရှုးတန်ဆောင် ငါတို့၏ ရဲရင့်သောခေါင်းဆောင် မင်းကိုနိုင်

ကျုပ်တို့ရဲ့ ညီအကို၊ညီအမတွေရဲ့
အသက်တွေ၊ဘ၀တွေကို
လမ်းတွေပေါ်မှာ၊ထောင်
တွေထဲမှာ၊ တောတောင်တွေထဲမှာ
ပေးဆပ်ခဲ့ပြီးပြီ၊ ပေးဆပ်လျက်ရှိနေကြဆဲဖြစ်တယ်။ ကျုပ်တို့
ကို ဘယ်သို့သော ခြိမ်းခြောက်မှုမျိုးမှ ကြောက်မဲ့လူစားမျိုး
မဟုတ်ဖူးဆိုတာကို အဏာပိုင်ပါလို့ဆိုသူတွေ၊ပြည်သူအရေ
ခြုံထားသူတွေ သိစေချင်တယ်။

ကျုပ်တို့ ၈၈မျိုးဆက်တွေက တိုင်းပြည်ဒီမိုကရေစီ စနစ်ထွန်း
ကားရေးနဲ့ ငြိမ်းချမ်းရေး အောင်ပွဲအလံကို ရရှိဖို့ရန်
အတွက် ချောတိုင်အောက်ခြေက နေသူကဲ့သို့ ကျောပြင်နဲ့ ပခုံးတွေကို အနင်းဖြတ်ခံပြီး အနစ်နာခံလို့ကာ ပေးဆပ်သွားပါ့မယ်။
နောင်မျိုးဆက်တွေအတွက် ပြည်သူအားလုံး လက်တွဲညီညာစွာ အောင်ပွဲရရှိသည်အထိ မဆုတ်မနစ် ပူးပေါင်းပါဝင်လို့ အရယူသွားဖို့လိုအပ်ကြောင်း ပြောကြားလိုပါတယ်။

ကိုမင်းကိုနိုင် ၏မိန့်ခွန်းတို့ကို ဆီလျော်သလိုပြန်ရေးသားထားပါကြောင်း။ မူရင်းရှာချိန်မရလို့ တောင်းပန်အပ်ပါသည်။

်

ဂုဏ်ယူလေးစားပါတယ် ၈၈ မျိုးဆက်ကျောင်းသူ၊ကျောင်းသားအပေါင်း ခင်ဗျာ။ ပြည်သူအပေါင်း၏ နိစ္စဓူဝ ဒုက္ခပေါင်းများစွာ ရင်စီး၍ခံစားနေရမှုတို့အား ကိုယ်ချင်းစာနာစိတ်များထားရှိလျက် ရဲရင့်သော သတ္တိနှင့် ခွန်အား တို့ကိုပေးဝေရင်း၊ ပြည်သူအပေါင်း၏ အခြေခံလိုအပ်ချက် များအား မျက်ကွယ်ပြုလျက် လူသားမဆန်သောလုပ်ရပ်နှင့် မကောင်းသော၊အောက်တမ်းကျသော အပြုအမူ တို့ဖြင့် အုပ်ချုပ်သူအစိုးရ အမည်ခံပြီး(မတရားအာဏာ သိမ်းပိုက်ရယူထားသော စစ်ခေါင်းဆောင် တို့အုပ်ချုပ်သည့်) အုပ်စိုးချယ်လှယ်လျက်ရှိသော စနစ်ဆိုးတို့ကို ပျောက်ကွယ် ချုပ်ငြိမ်းသွားသည့်တိုင်အောင် ဦးဆောင်ဦးရွက်ပြုလှုပ်ရှားနေသော ၈၈မျိုးဆက်အကို၊အမများ၏ မွန်မြတ်သော စွမ်းဆောင်မှုများအားလုံး အမြန်ဆုံး ငြိမ်းချမ်းစွာ အောင်မြင်အဆုံးသတ် ရယူနိုင်ပါစေလို့ ဆန္ဒပြုလိုက်ပါတယ်။

ပြည်သူအပေါင်းတို့ အားလုံး ငြိမ်းချမ်းစွာလက်တွဲ ပါဝင်ဆန္ဒထုတ်ဖေါ်မှုဖြင့်၊ ပြည်သူတို့အား ရင်ဝယ်သားကဲ့သို့ စောင့်ရှောက်ကာကွယ် ဖြည့်ဆည်းပေးသော စနစ်တို့ဦးစီးသည့် မြန်မာနိူင်ငံတော် ဖြစ်ပေါ်နိူင်စေရမည်၊ ဖြစ်ပေါ်နိူင်စေရမည်။
အမိန့်အာဏာဖြင့် တဖက်သတ် ကြီးစိုးအနိုင်ကျင့်သော စနစ်ဆိုးတို့ လုံးဝချုပ်ငြိမ်းသွားစေရမည်။ လုံးဝပျောက်ကွယ်စေရမည်။
အရေးတော်ပုံ အောင်ရမည်၊ အောင်ရမည်။
အေးမြဇင်

ပန်းတိုင်၏ ရလဒ်

ပန်းတိုင်သို့ မှန်းရည်ရွယ်

မရွဲ့ ၊ မယိုင် စိတ်ခိုင်မာ ထားရင်ဖြင့်

ရောက်ရမည် ဘယ်မလွဲ။

ပန်းတိုင်ကလည်းရှိ သမို့

ဇွဲမာန် တွေ အပြည့် ထည့်ကာချီ

ခရီးလမ်းတလျောက်မှာ

ခက်ထန်လို့ ကြမ်းတမ်း ရင်လည်း

ြဲမဲမြံစွာ တို့လက်တွေ ချိတ်ဆက်

မညီး တမ်း တို့တွေ လှမ်းလျောက်ရင်တော့

ခရီးဆုံး ပန်းတိုင်ဟာ ငါတို့ရဲ့ အောင်ပွဲ။

ပန်းတိုင် ခရီး ဆီသို့

ဆက်လှမ်း ခဲ့သူတို့ အတွက်

ကြီးမြတ်တဲ့ စွမ်းအား ရလဒ်၏ အောင်ပွဲ။

ပန်းတိုင်၏ ခရီးဆုံး တိုင်အောင်

လျှောက်လှမ်း ခဲ့သူတို့ရဲ့

မြင့်မြတ် သော စိတ်ဓါတ် ခွန်အား များနှင့်

ကြည်နူးစွာ ဖေါ်ကျူး ကြတဲ့

ခရီးဆုံး က ထိုပျော်ပွဲ။ ။

အေးမြဇင်(၂၅၊၂၊၂၀၀၇)

ကျွန်တော်တို့ရဲ့ အောင်ပွဲရလဒ်ကို ရရှိ ဆုပ်ကိုင်နိူင်ဖို့ရန် ကျွန်တော်တို့၏ တတ်မြောက်ကျွမ်းကျင်ရာ ကောင်းမြတ်သောလုပ်ငန်း၊ လုပ်ရပ် တို့ကိုအခြေပြု၍ ၀ိုင်းဝန်းထောက်ပံ့နိူင်ခြင်းအားဖြင့် အလုံးစုံညီညွတ်သောအင်အားတို့ကို စုစည်းကာ အရောက်လှမ်းကြပါစို့ ခင်ဗျာ။

မင်းလုပ်ချင်တာအချို့ လုပ်ဖြစ်ခဲ့ပြီး
မင်းလုပ်ချင်တာတွေ မလုပ်နိူင်သေးချိန်မှာ
ဘ၀ဆိုတာကို နားလည်ပါ။

မင်းလုပ်နိုင်တာတွေ လုပ်ခဲ့ပြီး
အကောင်းအဆိုး တို့ကို တွေးမြင်သုံးသပ်လို့
မင်းရဲ့ မွန်မြတ်သော လုပ်ရပ်တို့ကို ပီတိဖြစ်ကာ
ကျေနပ်စွာ ကြည်နူးသောစိတ်ဖြင့်
ဘ၀ ဆိုတာကို ရင်ဆိုင်တိုးဖြတ်ရင်း
ဆက်လက်ရှင်သန် အသက်ရှင်ပါ။

အေးမြဇင်(၂၉၊၀၄၊၀၇)

ဆက်၍လှမ်းမည်

သြော်... သေကြသူတွေ သေကြပေမဲ့
ကြွေကျသူတွေ အဖြစ်
ဖြေမရ သူတို့ ရဲ့ ဖြစ်အင်
တို့တတွေ အစဉ်ဦးညွှတ်ကာဖြင့်
ကြွေသူတွေ မျှော်ရည် ထိုဆန္ဒ
မွန်မြတ်တဲ့ လွတ်လပ်ဖို့အတွေး
သိမ်မွေ့တဲ့ ဒီမိုကရေစီအရေး
ဝန်မလေး ပဲ လက်ဆင့်ကမ်း၍ချီ
လှမ်းဆက်မည် မွန်မြတ်သည့် (ထို)ခရီး။

တို့တတွေ မခိုမကပ် ပါ(၀င်)ရင်ဖြင့်
ရစေ့မယ် ယ္ခုချက်ခြင်း
ှုဤစိတ်မျိုး သွင်းကာပါဝင်
ဘယ်အရှင် နတ်စကားတွေနဲ့
ဘယ်သခင် ကယ်ချိန်ကိုမှ
တွေးမရောင် မျှော်စောင့်ရန်မရှိ
လှမ်းဆက်မည် မွန်မြတ်သည့် (ထို)ခရီး။

တို့တတွေ မလိုလောဘ ဖယ်ကျဉ်
တနွယ်ငင် တို့တွေမျိုးဆက်သစ် အတွက်
လွတ်လပ်စွာ ပျော်နေရစ် ကြစေရန်
စိတ်ဇောသန် ရင်ဆိုင်မည် ဒီအရေး
အဘယ်နေရာ တို့ မရွေး ကာဖြင့်
ဝန်မလေး သောစိတ်တွေ ဦးရွက်
လှမ်းဆက်မည် မွန်မြတ်သည့် (ထို)ခရီး။

အေးမြဇင် (၅၊၈၊၂၀၀၇)
မပြီးဆုံးသေးသော ဒီမိုကရေစီ အရေးတော်ပြုံကီးတွင် အသက်ပေးဆပ်ခဲ့ကြကုန်သော အညတြ ပုဂ္ဂိုလ်အားလုံးအား ဦးညွှတ်ဂုဏ်ပြုရင်း၊
ကြွေကျသွားခဲ့သောသူတို့၏ လိုလားဆန္ဒတို့ကို သတိရမှုနှင့် မိမိကိုယ်တိုင် မမေ့လျှော့သွားစေရန် ရည်ရွယ်ပါ၏။

ဒေါင်းဝိဥာဉ် တို့ ၏ဆန္ဒမွန်

ကျုပ်တို့ စာသင်ကျောင်းသား လက်ဖယောင်းမှာ

ဒေါင်းအလံ နှင့် ကလောင်တံ

သခင်ကိုယ်တော်မှိုင်း နှင့် ဗိုလ်ချုပ်အောင်ဆန်း တို့ရဲ့ပုံကားချပ်

ကြွေးကြော်တောင်းဆိုတဲ့ စက္ကူချပ်တွေဆုပ်ကိုင်

တကယ်စက်ဆုပ်တဲ့ စနစ်ယုတ်ကို ဖယ်လို့ထုတ်တဲ့

သြဂုတ်လ ရဲ့ နေ့ရက်များ

သင်တို့ ရင်ထဲ မှတ်မိကောင်းရဲ့ ကောင်းပါရဲ့ ။

အားလုံးသော ပြည်သူတို့ အတွက် တောင်းဆိုတဲ့

ကျုပ်တို့ကျောင်းသူ ကျောင်းသားတို့က

တချောင်းဆို မပိုင်ထား တဲ့ သေစေသောလက်နက်

ခန္ဓာကိုယ်ထက် မပါရှိ ပေမဲ့

တဦးချင်းစီရဲ့ မှန်ကန်တဲ့ စိတ်ဓါတ်က

ခွပ်ဒေါင်း အားမာန်နဲ့ စနစ်ဆိုးပြောင်းရန်သာ

ရင်ထဲစွဲအပ်၍ ယုံကြည်ကာ ချီတက်ခဲ့ပုံ

သြဂုတ်လ ရဲ့ နေ့ရက်များ

သင်တို့ ရင်ထဲ မှတ်မိကောင်းရဲ့ ကောင်းပါရဲ့ ။

ပြည်သူလေးစားတဲ့ စစ်တပ်ကို မျက်နှာမဲသုတ်

အာဏာရှင် အလိုကျ ခုတုံးလုပ် အသုံးပြု

ကျုပ်တို့ ကျောင်းသား ပြည်သူကို

ရက်စက်စွာ ပစ်သတ် သုတ်သင်တဲ့

အဓမ္မပြုကျင့်ပုံ မြင်ကွင်းသဏ္ဌာန် အကွက်

သြဂုတ်လ ရဲ့ နေ့ရက်များ

သင်တို့ ရင်တွင်းပုံရိပ် ထင်နေကောင်းရဲ့ ထင်ပါရဲ့ ။

ကျုပ်တို့ရဲ့ အသက်ဇီဝိန်တွေက

ရုပ်ခန္နာ မှ ဆုတ်ခွာခဲ့ရပေမဲ့

ဝိဥာဉ်ဆန္ဒ တွေက

အမျိုးကိုမြင့်စေချင်လှသမို့ ….

အမှန်တရား ထွန်းကားချင်လှသမို့ ….

လွတ်လပ်သော ပညာရေး ပေါ်ထွန်းချင်လှသမို့ ..

မပြီးဆုံးသေးတဲ့ တိုက်ပွဲလမ်းကြောင်းတလျှောက်

အစဉ်လျှောက်လှမ်း လျက်ရှိကြောင်း

သင်တို့တွေအား သတင်းပါးရဲ့ ပါးပါရဲ့ ။

ကျုပ်တို့ရဲ့ ကိုယ်ခန္ဓာတွေ

ခြင်းခြင်းနီလှ သွေးအိုင်ကျလဲ

ပေးဆပ်ခဲ့ရ ပေးခဲ့ရငြား

(ဒီမိုကရေစီနှင့်ငြိမ်းချမ်းရေး မရသေးသ၍)

တောင်းတ ဆန္ဒများ မရသေးသ၍

ကျုပ်တို့ရဲ့ ၀ိဥာဉ်

ခွပ်ဒေါင်း အသွင်စိတ်နဲ့ ဆက်လက်ရှင်သန်နေကြောင်း

သင်တို့တွေအား သတင်းပါးရဲ့ ပါးပါရဲ့ ။

ဒီမိုကရေစီ နှင့် ငြိမ်းချမ်းရေး အလုံးစုံ ပုံပေါ် တဲ့တနေ့

ကျုပ်တို့ရဲ့ ရုပ်သဏ္ဌာန် ကဒေါင်း အသွင်ရုပ်နဲ့

ဒီမြေ ဒီရေ အရပ်မှာ အလှဒေါင်း အဆင်အကဖြင့်

ကျုပ်တို့ ချစ်သော ပြည်သူအပေါင်းအား

မြူးကြွတဲ့ ဒေါင်းအက အဆင်အပြင်ဖြင့် ဖျော်ဖြေ၍

သွားလိုတဲ့ အထက်ဘုံ ထိုစခန်းဆီသို့

ကျုပ်တို့တတွေ ဆက်ခါ မြန်းလိုပါ၏ မြန်းလို၏ ။ ။

အေးမြဇင် (၈၊၈၊၂၀၀၂)

မတရားသော အုပ်ချုပ်ရေးစနစ်ဆိုးအား ရဲရင့်မွန်မြတ်သောစိတ်ဓါတ်ဖြင့် တပ်ဦးမှနေ၍အသက်စွန့်သွားသော ကျောင်းသူ၊ ကျောင်းသား အကို၊အမ တို့၏ ၀ိဥာဉ်များပူးကပ်ခံစားကာ ရေးဖွဲ့ခဲ့ ပါကြောင်း။

ဖိနှပ်ချုပ်ချယ်သော စနစ်ဆိုးတို့ကို အစဉ်တော်လှန်ရင်း တိုင်းပြည်နှင့်

ပြည်သူအပေါင်းအား အစဉ်အမြဲ ပျော်ရွှင်လွတ်လပ် စေချင်သော ဆန္ဒတို့ဖြင့် အသက်ခန္ဓာတို့ကို

ပေးအပ်ခဲ့ကြသည့် ပုဂ္ဂိုလ်အပေါင်းအား လေးစားတန်ဖိုးထားစွာ ဖြင့် ဦးညွှတ်အလေးပြုပါ၏။

ဒီမိုကရေစီ အရေးတော်ပုံ မုချအောင်ရမည် ။ မုချအောင်ရမည်။

လက်နက် အာဏာဖြင့် ဖိနှိပ်အနိူင်ယူသောစနစ်ဆိုးတို့ လုံးဝရှုံးနိမ့်

ပျောက်ကွယ်စေရမည် ။ ပျောက်ကွယ် စေရမည် ။

8888....8888....8888....8888

၈ရက် ၈လ (၈၈၈၈) ဒီနေ့မြတ်



့်မိုးသားအချို့ ကောင်းကင်မှာဝဲလို့တက်လွင့့််
၈ရက် ၈လ ၁၉၈၈ခုနှစ် သြဂုတ်လရဲ့ တနင်္လာနေ့်
မြန်မာ့သမိုင်းစဉ်အတွက် ဒီမိုကရေစီ လှိုင်းထုက
အာဏာယစ်မူးနေတဲ့ တပါတီစနစ်ဆိုးတခုကို
အံတုလို့ကာ ရိုက်ချိုး၍ တောထုတ် ၊
သေနတ်ဆိုတာ မိုးပေါ်ထောင်ပစ်ဖို့ မဟုတ်ဆိုတဲ့
လူ့ဘီလူး တအုပ်ကို မောင်းထုတ် ၊
လူထုအားရဲ့ အကြီးမားဆုံး လှိုင်းသဏ္ဌာန်
လက်နက်မဲ့ ဆန္ဒဖော်ထုတ်ခဲ့တဲ့
စံပြုထိုက်တဲ့ ရှစ်လေးလုံး သမိုင်းလေ ။

အားလုံးသောပြည်သူအတွက်ဆိုတဲ့စိတ်နဲ့
ခွပ်ဒေါင်းပျို တို့က တောင်းဆိုကာ
စနစ်ဆိုးပြောင်းဖို့ရန်သာ ရင်ထဲစွဲအပ်
လက်နက်မဲ့ ချီတက်ခဲ့တဲ့
၈ရက် ၈လ ဒီနေ့မြတ်လေ ။

သမိုင်းအစဉ်တလျှောက်မှာ နှိုင်းယှဉ်လို့ မရလောက်တဲ့
ငါတို့ ခွပ်ဒေါင်း အလံတော် သွေးသစ်လောင်းလို့ ဖော်ဆောင်
မတော် မကောင်းတဲ့ စနစ်ဆိုးဟူသမျှ ဖော်၍ထုတ်
ဒေါင်းအနွယ်တို့က တပ်ဦးမှ တိုက်ထုတ် အောင်နိူင်ခဲ့တဲ့
၈ရက် ၈လ ဒီနေ့မြတ်လေ ။ ။

အေးမြဇင်

ကိုယ့်တိုင်းပြည်အတွက် အသက်ကိုပေးရတယ်ဆိုတာ အင်မတန်မှ ကြည်နူးစရာကောင်းတယ်။ အင်မတန်မှသင့်တော်တယ်။ ဘာဖြစ်လို့လဲဆိုတော့ လူတိုင်း လူတိုင်းဟာ မိမိတို့ရဲ့ တိုင်းပြည်ကို အားလုံးထက် ပိုပြီးတော့ ချစ်ရမယ် ။ မိမိရဲ့ မိဘများထက်လဲ ပိုပြီးချစ်ရမယ်။ ဘာဖြစ်လို့လဲဆိုတော့ ဒီတိုင်းပြည်က ဒီမိသားစု၊ ဒီမိဘအားလုံးကို မွေးထုတ်လိုက်တဲ့ တိုင်းပြည်ပဲ။ အားလုံးရဲ့ ကျေးဇူးရှင်ပဲ ဖြစ်တယ်။ ပြည်သူလူထု အားလုံးရဲ့ ကျေးဇူးရှင် ဖြစ်တဲ့ နိူင်ငံကို အမြဲပဲ အထွတ်အမြတ်ထားရမယ် ။ ဒီနိူင်ငံအတွက်ဆိုရင် ဘာပဲစွန့်ရ၊ စွန့်ရ စွန့်နိူင်တဲ့ သတ္တိရှိရမယ် ။ လူတိုင်းလူတိုင်းအတွက် အစွန့်နိူင်ဆုံး၊ တန်ဘိုး အရှိဆုံးအရာကတော့ မိမိရဲ့ အသက်ပဲ ။ အဲ့ဒီတော့ ကိုယ့်ရဲ့ တန်ဘိုးအရှိဆုံး အသက်ကို စွန့်လွှတ်သွားတဲ့ ဒီမိုကရေစီရဲဘော်တွေကို ထောက်ထားသောအားဖြင့် ကျမတို့ဟာ ဒီမိုကရေစီ အောင်မြင်တဲ့အထိ ချီတက်သွားရမယ် ။

(ဒေါ်အောင်ဆန်းစုကြည်၊၁၅-၁-၁၉၈၉)(လပွတ္တာ၊ဒီချုပ်ရုံး)

ဒေါ်အောင်ဆန်းစုကြည်၏ မိန့်ခွန်းအချို့

ကျွန်ူပ်တို့ မြန်မာပြည်ဖွား အားလုံးအတွက် အထူးပင်သက်ဆိုင်လှသော အကြောင်းအရာများတို့ဖြင့် လွှမ်းမိုးလျက်ရှိသော ဒေါ်အောင်ဆန်းစုကြည်၏ ပြည်သူအပေါင်းသို့ ပြောကြားခဲ့သည့် ၈၈၊၈၉ ခုနှစ် မိန့်ခွန်းအချို့အား ဖေါ်ပြလိုက်ပါကြောင်း နှင့် ဒေါ်စု အပေါ် အမြင်သေးသိမ်သူအချိျု့နှင့် သွေးနထင်ရောက်နေသော နိူင်ငံရေးဂုရုပါဟု သမုတ်၍ ကိုယ်တွေ့မလုပ်ဆောင်ပဲ အခက်အခဲဒုက္ခ တွေကိုလျစ်လျှူ ကာ နိူင်ငံရေးထိုင်ခုံနှင့် ဇါတ်ခုံပေါ် တွင် နေရာဝင်ဦး ချင်နေသောသူအချိူ့ အမှန်လက်တွေ့ကို ပိုမိုသိရှိ၍ စဉ်းစားနိူင်ပါစေလို့ ဆန္ဒပြုလိုက်ရပါကြောင်း။ အေးမြဇင်
အများပြည်သူလူထု စိတ်ဒုက္ခရောက်နေတဲ့ တိုင်းပြည်မှာ စိတ်ချမ်းသာတဲ့လူဆိုတာ အင်မတန်မှ ရှက်စရာကောင်းတယ် ။ ဒီလောက်တောင်မှ ကိုယ့်ဘေးက လူအများ ဆင်းရဲဒုက္ခရောက်နေလျက်သားနဲ့ ကိုယ်က စိတ်ချမ်းချမ်းသာနဲ့နေနိူင်တယ်ဆိုတာ ကိုယ့်မှာ လူ့နှလုံးသားမရှိလို့ပဲလို့ သတ်မှတ်ရပါမယ် ။ ကိုယ့်တယောက်ထဲ ၊ ကိုယ့်မိသားစု ၊ ကိုယ့်အသိုင်းအ၀ိုင်းပဲ စိတ်ချမ်းသာရင်တော်ပြီလို့ဆိုသူများဟာ လူမဆန်ပါဘူး ။
(ဒေါ်အောင်ဆန်းစုကြည် ၊ ၁၆၊၁၊၈၉)(၀ါးခယ်မ)


ပြည်သူလူထုက စောင့်ကြည့်မယ်လို့ပြောရင် ကျမကမေးချင်ပါတယ် ။ ဘာကိုစောင့်ကြည့်မှာလဲ ။ သူများတွေ လုပ်သွားပြီးတော့ ဒီမိုကရေစီရတဲ့အထိ စောင့်ကြည့်မှာလား။ ကျမတို့စောင့်လို့မဖြစ်ပါဘူး ။ အဲဒီတော့အားလုံး ၀ိုင်းဝန်းပြီးတော့လုပ်ကြပါ။ (ဒေါ်အောင်ဆန်းစုကြည်၊ ၁၅၊၂၊၁၉၈၉) (အောင်ပန်းမြို့ မိန့်ခွန်း)

မြန်မာနိူင်ငံလို ဆင်းရဲတဲ့နိူင်ငံမှာ ချမ်းသာနေရတာ အင်မတန် ရှက်ဖို့ကောင်းပါတယ် ။ ကျမတို့ နိူင်ငံသူ၊နိူင်ငံသားတွေဟာ မရှက်သင့်တဲ့နေရာမှာ ရှက်နေကြပါတယ် ။ တောင်သူလယ်သမား ကျေးလက်လူထုက ထမင်းနှစ်နပ်ကို အနိူင်နိူင်စားနေရချိန်မှာ တချို့ က ငါးနပ်ခြောက်နပ်စားနေတာ ရှက်စရာပါ ။ တကယ်အကျင့်စာရိတ္တကောင်းပြီး စိတ်သဘောထားမြင့်မြတ်တဲ့လူများ အနေနဲ့တော့မြန်မာနိူင်ငံမှာ မိမိချမ်းသာဖို့ ကြိုးစားရတာဟာ ရှက်စရာ ဘယ်လောက်ကောင်းမလဲလို့ တွေးထင်ကြမှာပါ ။

(ဒေါ်အောင်ဆန်းစုကြည်၊ ၂၄-၁-၉၈၉)(ဟင်္သာာ၊ဒီချုပ်ရုံး)

အခုတိုက်ပွဲဟာ မြန်မာနိူင်ငံသူ နိူင်ငံသားအချင်းချင်း တိုက်ပွဲသဘောမျိုးဖြစ်လို့ အင်မတန်မှရင်နာစရာကောင်းပါတယ် ။ ဒါပေမဲ့လည်း ဒီမိုကရေစီအတွက် လှုပ်ရှားတယ်ဆိုတာ အမှန်တရားကို အောင်မြင်စေချင်လို့ ၊ အများအကျိုးအတွက် ဖြစ်စေချင်လို့ လှုပ်ရှားတာပဲ ။ ကိုယ်ကျိုးအမြတ်ထွက်ချင်လို့လဲမဟုတ်ဘူး ။
ဘယ်သူ့ကိုမှလည်း မဆုံးရှုံး မနစ်နာစေချင်ဘူး ။ အဲဒီတော့ အမှန်တရားကို အောင်မြင်စေချင်တဲ့ စိတ်စေတနာ သန့်သန့်နဲ့ ကျမတို့အားလုံး ဆက်လုပ်သွားဖို့ လိုပါတယ် ။

ိရင်နစ် စူးစိုက်စွာ ပါဝင်ကြပါစို့

ဇူလိုင်လ ၁၉ ရက်နေ့ မှာ ကျဆုံးသွားသော အာဇာနည်ခေါင်းဆောင်ကြီးများ ၏ အနှစ်(၆၀)ပြည့်မြောက် အောက်မေ့လွမ်းဆွတ်ခြင်းအထိမ်းအမှတ် အဖြစ် ကျွန်တော် တို့ တိုင်းသူပြည်သား အများစုက မိမိတုိ့ ရောက်ရှိနေကြတဲ့ နေရပ်အသီးသီးမှနေ၍ ဘာသာရေး ဆုတောင်းမှုများကို ပြုခြင်း ၊ လေးမြတ်စွာ အလေးပြု ခြင်း အစရှိသော ဂုဏ်ပြုထိုက်သော အပြုအမူများကို ပြုမူလုပ်ဆောင် ခဲ့ကြတယ် ဆိုတာကို အားလုံးသတိပြုမိ ကြမှာပေါ့ ။

ကျွန်တော်တို့ နိူင်ငံသား အများစုက မိမိတို့ရဲ့ မွန်မြတ်တဲ့စိတ်ထားနှင့် တာဝန်သိတတ်စွာဖြင့် တိုင်းပြည်အပေါ်မှာ ကိုယ်ကျိုးစွန့်၍ လုပ်ဆောင်ခဲ့သော၊ နယ်ချဲ့ အင်္ဂလိပ် နှင့် ဖက်ဆစ်ဂျပန် တုိ့ ၏ ကျူးကျော်သိမ်းပိုက်မှု လက်အောက်မှ လွတ်မြောက်အောင်ဆောင်ကျဉ်း ပေးခဲ့သည့် ခေါင်းဆောင်များအား စံနမူနာတင် အတုယူ၍ မမေ့ မလျှော့သွားကြစေဖို့ရန် လုပ်ဆောင်နေကြ ချိန်မှာ ၊တိုင်းပြည်ရဲ့ အုပ်ချုပ်သူအစိုးရအဖြစ် အမည်ခံ ထားသူ စစ်အုပ်စု (နအဖ)က ဘယ့်အတွက်ကြောင့် များ ဖုံးကွယ်ဖို့ အစွမ်းကုန်ကြိုးပမ်း နေကြ ပါသလဲ ။ မိမိတို့ ၏ ကျေးဇူးရှင် များကို ကျေးဇူးကန်း နေကြပုံ မှာ အလွန်ပင် ထင်ရှားပေါ်လွင်လျှက် ရှိကြပေသည် ။

ထိုသို့သော အပြုအမူ လုပ်ရပ်များ ကို အရှက်တရားကင်းမဲ့စွာ ပြုလုပ်နေကြသူများ မှ တိုင်းပြည်(သူတို့အခေါ် နိူင်ငံတော်) ကို စည်းကမ်းပြည့်ဝသည့် ဒီမိုကရေစီ နိူင်ငံအဖြစ် ဖော်ဆောင်နေပါကြောင်း ပြောကြားနေပုံ မှာ မည်သို့မှ ယုံကြည်နိူင်ဖွယ် မရှိကြောင်း သိသာထင်ရှားလှပေသည် ။ တိုင်းပြည်၏ အနာဂတ် အုပ်ချုပ်ရေး ရ န္တရား တွင် စစ်တပ်မှ ဦးဆောင်မှု ရှိမှ တိုင်းပြည်အေးချမ်းမည် ဖြစ်ကြောင်း တို့ကို ပြောဆို ၍ တပ်မတော်မှ ရာနှုန်းပြည့် နီးပါး ပါဝင် နိူင်ဖို့ ရန် အခြေခံ ဥပဒေ ရေးဆွဲ အတည်ပြုနိူင်ဖို့ အတွက် အမည်ခံ အမျိုးသားညီလာခံ ကို ပြုလုပ်လာခဲ့သည်မှာ နှစ်ပေါင်း(၁၃)နှစ်ကျော် လာပြီဖြစ်သော်ငြား ယနေ့ထိ တိုင်အောင် အဆုံးမသတ်နိူင်သေး ပုံကို တွေ့ရှိရမည်ဖြစ်သည် ။

ပြည်သူအများအား ဆန့်ကျင် ၍ ပြည်သူ့ ကိုယ်စားလှယ်များ မပါရှိသော ညီလာခံ မှ ထွက်ပေါ်လာမည့် အခြေခံ ဥပဒေ မူကြမ်း ကို တလကျော် တွင် ထွက်ရှိ လာတော့ မည်ဖြစ်ကြောင်း ပြန်ကြားရေး ၀န်ကြီး ဆိုသူက ပြောကြားလာခဲ့ပြန်ပေသည် ။ ပြည်ပအားကိုး ပုဆိန်ရိုးများ အား ဆန့်ကျင်ကြ ၊ ကမ္ဘာ့ အင်အားကြီးနိူင်ငံ များဖြစ်သည့် အမေရိကန် နှင့် အနောက်နိူင်ငံ များတုိ့ က နေ၍ မိမိတုိ့ ၏ နိူင်ငံကို ခေတ်သစ်ကျွန်ဖြစ် ဖို့ရန် အမျိုးမျိုးကြံဆောင် နေကြမှုကို ရှုံ့ ချပါ၏ ၊ပြည်သူအများမှ နေ၍ ပြတ်ပြတ်သားသားဆန့်ကျင်ကာ နိူင်ငံကြီးများ၏ ဗိုလ်ကျစိုးမိုးမှု တွေမဖြစ်ပေါ် လာရလေအောင် ၀ိုင်းဝန်း လုပ်ဆောင်ကြရန်လိုအပ်ကြောင်း အစရှိသည့် စကားရပ်များကို အခါအခွင့် သင့်တိုင်း ထပ်ခါတလဲလဲ ပြောကြားလျှက် ရှိသည့် အမျိုးချစ်သယောင် ဟန်ဆောင်နေကြသည့် စစ်ဗိုလ်ချုပ်တို့ ၏ အတွင်းစိတ်ပုတ် စိတ်ယုတ် တို့ကို တွေ့ရပြန်ပါသည် ။

ယခုတဖန် တိုင်းပြည်ရှိ ပြည်သူလူထု နှင့် ကမ္ဘာ့ နိူင်ငံ အများစုကို တနည်းတဖုံဖြင့် လိမ်လည်ဖို့ရန် အတွက် နည်းလမ်းတခု သုံးလာပြန်ပေသည်မှာ အမေရိကန် အမှုးပြုသော နိူင်ငံကြီးများမှ မိမိတို့ စစ်အစိုးရ နှင့် အကျိုးတူပူးပေါင်းဆောင်ရွက် ဖို့ရန် လက်ကမ်းကြိုဆိုဖိတ်ခေါ် ပါကြောင်း ပြောဆိုလာသည် ကို တွေ့ရှိ ကြရပြန်ပေသည် ။ ဒေါ်အောင်ဆန်းစုကြည် ၊ နိူင်ငံရေးလှုပ်ရှားသူများကို အကျဉ်းချ ၍ ပြန်ပေးဆွဲ ထားကာ နိူင်ငံတကာနှင့် အပေးအယူပြုလုပ်မှုကို လုပ်ဆောင်ခဲ့သည်မှာ အကြိမ်အရေအတွက် များလှ ပေပြီ ။ တိုင်းပြည်အတွင်းမှ ပြည်သူ့ကိုယ်စားလှယ် များနှင့် တိုင်းရင်းသားအသိအမှတ်ပြု ခေါင်းဆောင်အသီးသီး တို့ ပါဝင်၍ သုံးပွင့်ဆိုင် အကြိုဆွေးနွေးမှု များဖြင့် စတင်ကာ ပြောင်းလဲပြုပြင်မှုအဆင့်ဆင့်ကို သတ်မှတ်ဖို့ရန်အတွက် ပြည်တွင်းနိူင်ငံရေးအဖွဲ့အစည်းများ ၊ပြည်ပနိူင်ငံ အသီးသီး နှင့်တကွ ကမ္ဘာ့ကုလသမဂ္ဂ တို့မှ အကြံပြု ပြောကြားနေမှု များကို မျက်ကွယ်ပြုလျှက် လမ်းလွှဲပြောဆိုလာခြင်းကို ကြည့်ခြင်းအားဖြင့် တိုင်းပြည်၏ ဒီမိုကရေစီဖြစ်ပေါ်ပြောင်းလဲဖို့ရန်အတွက် မည်သို့သော ဆန္ဒမျှ မရှိပုံမှာ သိသာထင်ရှားလှပေသည် ။

ထိုသို့သော အမျိုးမျိုးလိမ်လည်လှည့်ဖြားလျှက်ရှိသည့် နအဖစစ်အုပ်စု ၏ ပြောဆိုလုပ်ဆောင်နေမှုများ နောက်သို့ လိုက်ရင်း ဖြေရှင်း အဖြေရှာမှုများကို ကျော်လွန်၍ စဉ်းစားလုပ်ဆောင်ခြင်းများကို စုစည်းအားဖြင့်လက်တွေ့အကောင်အထည်ဖော်လုပ်ဆောင်မှုများ ပိုမိုပြုလုပ်ကြ ရင်ဖြင့် ကျွန်တော်တို့အများစု ရရှိလိုချင်သော ဒီမိုကရေစီနိူင်ငံတော် ကိုဖြင့် အမြန်မနှေး ရောက်ရှိမှာဖြစ်ပါကြောင်း။

ကျွန်တော်တို့ နိူင်ငံသူ၊ နိူင်ငံသားများနှင့် တကွ၊ မြန်မာနိူင်ငံတွင်းနေထိုင်ခဲ့ဖူးသည့် ပြည်ပရောက် မြန်မာပြည်ဖွားအပေါင်း တို့မှ မိမိတို့ တတ်စွမ်းသည့် အခန်း ဂဏ္ဌ အသီးသီးမှ နေ၍ ဒီမိုကရေစီစနစ် ထွန်းကား တိုးတက်သည့် မြန်မာနိူင်ငံ တခုဖြစ်ထွန်းပေါ်ပေါက်သည်အထိ တိုင်အောင် ရင်နစ် စူးစိုက်စွာ ပါဝင်ကြပါစို့ ။

တမ်းတပါသည်၊ မမေ့နိူင်သည့် အာဇာနည်

အလွမ်းမျက်ရည် တွေ တဖြိုင်ဖြိုင် သွန်ချ
အဖိုးမဖြတ်နိူင်တဲ့ အာဇာနည်တွေ ဇီဝိန်ကြွေကျ ၊
ထိုနေ့ အခါသမယ ရောက်လေတိုင်း
အဘယ်သို့လေ မေ့နိူင် စွမ်းပေဘူး ၊
အာဇာနည် ဗိုလ်အောင်ဆန်း နှင့် အဖွဲ့ ကို ရည်စူးကာဖြင့်
တို့မြန်မာ ပြည်သူ ပြည်သားတွေက
တောင်းဆုတွေ နဲ့ ကောင်းမှုတွေ ထုံမွှမ်းကာ၊

အာဇာနည်ဂုဏ်ပုဒ် တွေကို ရေရွတ်လို့သာ တမ်းတရင်း ။ ။
အာဇာနည်ခေါင်းဆောင်ကြီးတွေ ကောင်းရာသုဂတိ လားကြပါစေ

အေးမြဇင်

အမှတ်ရမိသည့်ငယ်စဉ်တုန်းဆီက အာဇာနည်နေ့ နေ့ရက်များဆီသုို့

၁၉၈၀ ပြည့် စွန်းစွန်းလောက်ဆီကပေါ့။ အာဇာနည်နေ့ ဇူလိုင် ၁၉ရက် မတိုင်ခင်ဆယ်ရက်လောက် အချိန်ထဲကိုက သတင်းစာတွေပေါ်မှာ ဗိုလ်ချုပ်အောင်ဆန်းပုံနှင့် မိန့်ခွန်း ကောက်နုတ်ချက် တို့ က နေ့စဉ် ရှေ့
မျက်နှာစာမှာ ထည့်သွင်းပါရှိမှုနှင့်အတူ ၊ ရေဒီယိုနှင့် ရုပ်မြင်သံကြား တို့တွင် အာဇာနည်နေ့နှင့် ဆက်စပ်လျှက်ရှိသည့် သီချင်းများ၊ အာဇာနည် ခေါင်းဆောင်ကြီးများ၏ အတ္ထုပ္ပတ္တိတို့ကို နေ့စဉ်တိုင်း တွေ့မြင် ကြားသိ ရင်း အာဇာနည် ဆ်ိုသည့် အဓိပ္ပါယ် နှင့် ၁၉၄၇ခုနှစ် ဇူလိုင်လ ၁၉ရက်နေ့ ကို အာဇာနည်နေ့ အဖြစ် သတ်မှတ် ဖြစ်ပေါ် လာပုံ တို့ကို အဖွား၊ အဖေနှင့် အမေ တို့ဆီကပါ နာယူသိရှိ ရင်း စတင် ရင်းနှီး ခဲ့ရပေါ့ ။

ထိုကာလအချိန်ကိုရောက်တိုင်း အဖွားပြောပြ ဖူးတဲ့ အာဇာနည်နေ့ အဖြစ်အပျက် ပုံရိပ် တွေနဲ့ သူတို့မိသားစု နှင့်တကွ တတိုင်းပြည်လုံး ဆွေးနစ်စွာ ခံစားခဲ့ရပုံကြောင်း တွေကို နားထောင်ရတိုင်း မျက်ရေတွေလည်ခဲ့၊ ကြက်သီး မွှေးညင်း တွေထ ခဲ့ရပေါ့။ ဗိုလ်ချုပ်အောင်ဆန်းနှင့် တကွ အာဇာနည်ခေါင်းဆောင် များ လုပ်ကြံသတ်ဖြတ်ခံ ရလိုက်ပြီ ဆိုတဲ့ သတင်း ကို ကျွန်တော်တို့ရဲ့ ဦးလေး အလတ်(ဘဘလေး)က ပြောရင်း ချုးံပွဲချငို တော့၊ အဖွား က ရုတ်တရက် ကြောင်အမ်းအမ်း ဖြစ်ပြီး သူ့သား ကို ၊ဟဲ့ခလေး (၁၁နှစ်ဝင်းကျင် အရွယ်) နင်ဘယ်က မဟုတ်မဟပ် သတင်းဆိုးတွေသယ်လာရ သတုန်း၊ ဗိုလ်ချုပ် တို့ကို တတိုင်းပြည်လုံးက ချစ်ကြတဲ့ ဟာကို၊ ဆိုတုန်း အချိန်ခဏလေးမှာတင် အပြင်လမ်းမတွေပေါ်မှာ လူတိုင်းက ဗိုလ်ချုပ်တို့ကို ၀န်ကြီးများရုံး ထဲမှာ လုပ်ကြံခံလိုက်ရပြီ ဆိုပြီး အော်၍ ငိုသူတွေက ငိုကြ ၊ တောက်ခေါက်ခါ အံကျိတ်သူတွေက အံတကျိတ်ကျိတ်၊ တအုံနွေးနွေး ခံစားကာ တီးတိုးပြောဆိုသူ ဆိုကြနဲ့ အတော့် ကို ကြေကွဲရပုံ အကြောင်းကို ကြားသိရတိုင်း ကိုယ်ကိုတ်ိုင် ထိုအချိန်အခါဆီသို့ ရောက်ရှိသွား သလိုခံစားရမိပြီး အာဇာနည် တွေကို ဂုဏ်ယူလေးစား မိတဲ့စိတ်တွေက ပိုမိုဖြစ်ပေါ်လာ ခဲ့ရပါတော့တယ်။
အလွမ်းမျက်ရည် တွေ တဖြိုင်ဖြိုင် သွန်ချ ၊ အဖိုးမဖြတ်နိူင်တဲ့ အာဇာနည်တွေ ဇီဝိန်ကြွေကျ ၊ ထိုနေ့ အခါသမယ ရောက်လေတိုင်း ၊ အဘယ်သို့လေ မေ့နိူင်စွမ်းပေဘူး ၊ အာဇာနည် ဗိုလ်အောင်ဆန်း နှင့် အဖွဲ့ ကို ရည်စူးကာဖြင့် ၊ တို့မြန်မာ ပြည်သူ ပြည်သားတွေက တောင်းဆုတွေ နဲ့ ကောင်းမှုတွေ ထုံမွှမ်းကာ၊ အာဇာနည်ဂုဏ်ပုဒ် တွေကို ရေရွတ်လို့သာ တမ်းတရင်း ။ ။

အာဇာနည်မျိုး သေရိုးမရှိ


အာဇာနည်စွမ်းအား အံ့မခမ်းလျှက်

ကျေးစွပ် စစ်သား သိစေငြားအံ့

တိုင်းပြည့် ဦးသျှောင် တို့ခေါင်းဆောင် အား
လုပ်ကြံသတ်ဖြတ် (၁၉၄၇ခု) ဇူလိုင် ၁၉ရက်
အာဇာနည်နေ့ ထိုနေ့ရက်ကို
ံဖျောက်ဖျက် ကြံသည့်
ကမ်းကုန်မိုက်လှ သန်းရွှေ၊ မောင်အေး စစ်ဗိုလ်တသိုက်(၏)
အာဏာရူးသွပ် ကျေးစွပ် ပြယုဂ် ထိုဂုဏ်ပုဒ်သည်
လယ်ပြင်ဆင်သွား ထင်ပေါ်သည့်ငှါ
အားလုံး ပြည်သူ သိလျှက်ကုန်ကြ သိနေကြ၏။

ယုတ်မာသော ဥာဏ် ၊ သင်တို့ အကြံ သည်
ခုခါ၊ နောင် ရော အရေးမလှ ရှုံးနိမ့် ရခါ
အာဇာနည် သူမြတ်တို့၊ ထားခဲ့ သစ္စာဓါတ် ကြောင့်
သင်တို့ ဘ၀ နိဂုံးမလှ မှာ
အဆုံးသတ် ထိုအရေး
သင်တို့တွေးစေ သိစေအပ်လှ ။ ။

အေးမြဇင်

၁၉၄၇ခုနှစ် ဇူလိုင်လ ၁၉ရက်နေ့ ၁၀း၃၇နာရီ တွင်
မသမာသူ လူတစု၏ လုပ်ကြံသတ်ဖြတ်မှု ကြောင့်
အသက်ဆုံးပါးသွားကြရသည့် တပ်မတော်၏ဖခင်
ဗိုလ်ချုပ်အောင်ဆန်း၊ ဦးဘ၀င်း၊ မန်းဘခိုင်၊ စ၀်စံထွန်း၊
ဦးရာဇာတ်၊ ဒီးဒုတ်ဦးဘချို၊ သခင်မြ၊ ဦးအုန်းမောင် နှင့်
ဲ ရဲဘော်ကိုထွေး တို့၏ မမေ့အပ်သော အာဇာနည်နေ့ကို
ဝမ်းနည်းအောက်မေ့ခြင်းများစွာဖြင့်
ဦးညွှတ်အလေးပြုလျှက်။