တော်လှန်ရေးမိတ်ဆွေသို့……

တော်လှန်ရေးမိတ်ဆွေ..

စနစ်ပြောင်းတော်လှန်ရေးက

တပါတီ(တဖွဲ့)ဇောင်းပေး လူစုရေးမဟုတ်၊

ရာသီကောင်းမှ ထွန်ယက်စိုက်ပျိုးရေးမဟုတ်၊

သိအပ်ပါစေ အိုမိတ်ဆွေ။ ။

တော်လှန်ရေးမိတ်ဆွေ..

စနစ်ပြောင်းတော်လှန်ရေးက

အပြောနှင့်လုပ်ရပ် ပေါ့ပျက်ပျက် ထားရန်မဟုတ်၊

ရာသီစာလေး မြိန်ယှက်ရည်စွာ မြည်းနေရန်မဟုတ်၊

သိအပ်ပါစေ အိုမိတ်ဆွေ။ ။

တော်လှန်ရေးမိတ်ဆွေ..

စနစ်ပြောင်းတော်လှန်ရေးက

လူထုအားတွေ ကိုယ်စားပြုစေ၊

တူညီအဖွဲ့သား ညီညွတ်ကြစေ၊

အပြောနှင့်အလုပ် ထပ်တူမျှစေ၊

ဟောင်ဖွာပါးစပ်ပြော ပြုမှုမလောစေ၊

သာယာခိုက်မှ ပျိုးကြဲမလိုက်စေ၊

ကိုယ်သာခိုက်မှ မျှောလိုက်မပြုစေ၊

သိအပ်ပါစေ အိုမိတ်ဆွေ။ ။

တော်လှန်ရေးမိတ်ဆွေ..

စနစ်ပြောင်းတော်လှန်ရေးက

ရာသီပေါ် တော်လှန်ရေးမဟုတ်၊

နရီချိန်မှတ် တော်လှန်ရေးမဟုတ်၊

မျိုးဆက်အဆင့် လက်ကမ်း၍ချီ

အချိန်မလပ် အပြီးသပ်သည်အထိ

တက်လှမ်းစေ အောင်ပွဲလမ်းဆီ

သိအပ်ပါစေ အိုမိတ်ဆွေ။ ။

အေးမြဇင်(၁၅၊၁၂၊၂၀၀၇)

ရန် ငါ သိမှတ် ပြတ်သားမြင်ကြ

ကြိ်မ်ဖန်မြောက်များ မုသာစကားဆို

လိမ်ညာလှည့်ကွက် ရေတွက် မရနိူင်

အမှန်လည်းမကြံဆ၊ အမှားကိုလည်း ၀န်ချမခံ

အမှားလည်းမပြင်၊ အမှန်ရှိငြှား

ထိုသူ့ လုပ်ရပ် ကောင်းလိမ့်မှတ်မှား

(အာဏာရှင် လုပ်ရပ် ကောင်းလာနိူးမှတ်)

စောင့်စား စောင့်ကြည့် ပြုနေရစ်က

ငါတို့အပြင် အမိုက်လူသား ဘယ်ဝယ်မရှိ သတိပြုအံ့။

ငါတို့တတွေ ပြုမူလုပ်ရပ် အတွေးဓါတ်အား

ထင်ရှားကြည်လင် ပြတ်သားစွာမြင်

ပြည်သူ့ဒုက္ခ စာနာထောက်ရှု

ရှေ့ဆက်လုပ်ငန်း သွားမည့်လမ်းမှာ

တုံ့ကာမဆိုင်း ရင်ဆိုင်လှမ်းကာ

အောင်ပွဲကြငှါန်း ဆိုက်မည်မှတ်ရော့

ပန်းတိုင်ထိုဆီ အရောက်ချီကြ။ (အရောက်ချီအံ့)။

ပန်းတိုင်ထိုဆီ အဆုံးသတ်ချီကြ။ (အဆုံးသတ်ချီအံ့)။

အေးမြဇင်(၁၂၊၁၊၂၀၀၈)

စစ်အာဏာရှင် တစုသည် ၄င်းတို့အစဉ်တစိုက် ရမ်းကားအနိူင်ကျင့်လျက်ရှိသည့် စိတ်ဓါတ်၊ အပြုအမူတို့ကို အလွယ်တကူ ပြောင်းလဲ လိမ့်မည်မဟုတ်ဆိုသည့် အချက်ကို ၂၀၀၇ခုနစ် စက်တင်ဘာလတွင် ငြိမ်းချမ်းရေးအတွက် မေတ္တာပို့သရွတ်ဆို၍ တိုင်းပြည်တွင်းတွင် မှီတင်းနေထိုင်ကြသူအပေါင်း (စစ်သား၊စစ်ဗိုလ်များအပါအ၀င်။၎င်းတို့သည် မိုးကြရွှေကိုယ် တို့မဟုတ်၊ ပြည်သူထဲမှ ပေါက်ဖွါးကြီးပြင်း၍ ဆရာ၊ဆရာမတို့ထံမှ ပညာဗဟုသုတ ရှာမှီးသင်ယူခဲ့ကြသူများဖြစ်သည်။) တို့အား ဘေးအန္တရာယ် အပေါင်းမှ သက်သာလွတ်ငြိမ်းနိူင်ပါစေကြောင်း ရည်ရွယ်သော စိတ်စေတနာကောင်းတို့ကို ရှေ့ရှုလုပ်ဆောင်နေကြသည့် ဗုဒ္ဓသာသနာတော်မြတ်ကို ထိန်းသိမ်းစောင့်ရှောက်လျက်ရှိသည့် သံဃာ၊သီလရှင်အပေါင်းနှင့် မေတ္တာတရားကို ဖြူစင်စွာသောစိတ်ဖြင့် ရဲရင့်တည်ကြည်စွာ ပူးပေါင်းပါဝင်ခဲ့ကြသော ကျောင်းသား၊ ကျောင်းသူတို့နှင့် ပြည်သူ၊ ပြည်သားတို့အား လမ်းမ အလယ်တွင် ရိုက်နှက်သတ်ဖြတ်ခြင်းဖြင့် လူမဆန်သော အစွမ်းကုန် ယုတ်မာခြင်းနည်းလမ်းတို့ဖြင့်သာ ပြန်လည်တုန့်ပြန်ခဲ့ပုံကို ကျွန်ုပ်တို့အားလုံး သိမြင်ခဲ့ကြပြီး ဖြစ်သည့်အားလျော်စွာ၊ စစ်အာဏာရှင်စနစ်အောက်တွင် ၄၅နှစ်ကျော် ကြရောက်လျက်ရှိသည့် မြန်မာနိူင်ငံအခြေအနေနှင့် စစ်အာဏာရှင်တို့၏ လုပ်ရပ်၊ လိမ်ညာကောက်ကျစ် မတရားအုပ်စီးပြုမူ အနိူင့်ထက်ကျင့်နေပုံများကို သိနားလည်၍ မတွေမေ၀၀ါးသောစိတ်ဓါတ်အရင်းခံကာ စစ်အာဏာရှင် လူယုတ်မာတို့၏ လိမ်ညာလှည့်ဖြားခြင်းကို လက်သင့်ခံခြင်းလုံးလုံးမပြုပဲ(၀ါ) ကောင်းလာနိူးနိူးနှင့် စောင့်ကြည့်နေခြင်းလုံးလုံးမပြုပဲ မိမိတို့ရှေ့တူရှုသို့ ဆက်လှမ်းရမည့် ပြည်သူတရပ်လုံး လွတ်လပ်ရေးကိုဦးတည်သည့် အပြောအဆိုများနှင့် နည်းလမ်းအကြံအဆ မူဝါဒလမ်းစဉ်များကို တိုးမြှင့်လုပ်ဆောင်ကြပါစို့။
စစ်အာဏာရှင်စနစ်ဆိုးအောက်မှ လွတ်မြောက်လိုသူအပေါင်းအားလုံးသည် မခိုမကပ်သောစိတ်တို့ကို ဦးရွက်လို့ ကာ မိမိတို့အားလုံး၏ ကိုယ်ပိုင်အခွင့်အရေးနှင့် မျိုးဆက်အပေါင်း၏ ရှေ့အနာဂတ် အခြေခံလွတ်လပ်ခွင့်တို့ အတွက်၊ မိမိတို့ကိုယ်ကို မြန်မာနိုင်ငံဖွား ယဉ်ကျေးသောလူမျိုးပါဟု မရှက်မကြောက် ပြောဝံ့သော သူအပေါင်းဖြစ်နိူင်ရန်အတွက် အစွမ်းကုန်တာဝန်သိစွာ ၀ိုင်းဝန်းလုပ်ဆောင်ကြပါစို့။

စိတ်နှလုံးသွင်းကြ ဒုတိယမ္မိ(၀ါ) အန္ဓိမ လွတ်လပ်ရေးဆီ

နယ်ချဲ့ လက်အောက် လွတ်မြောက်ရန်တောင့်တ

သခင်စိတ်မွေး နယ်ချဲ့ ကျွန် မဖြစ်ရေး

မြင့်မြတ်စိတ်သွေး စည်းလုံးရေးဖြင့်

အသက်တွေ ပေးကြ

ဘ၀တွေ စွန့်ကြ

နိူးကြ ထလေါ့ မြန်မာတို့ဟု

တို့ဘိုး ဘေး တတွေ လှုံ့ဆော်ခဲ့ကြ (မမေ့ကြနဲ့)။

တမျိုးသားလုံး နိူးကြွအားဖြင့်

နယ်ချဲ့ ဖက်ဆစ် တိုက်ထုတ်ရစ်လို့

အိပ်မက်တွင်ပင် မက်မြင် မတွေးရဲ

လွတ်လပ်ရေး လွတ်လပ်ရေး ထိုအတွေးအား

ချေဖျက် ဖဲ့ဆုတ် မောင်းလို့ထုတ်ကာ

လွတ်လပ်ရေးကို တိုက်၍ယူပြ လက်တွေ့ပြခဲ့

တို့ဘိုး ဘေး တတွေ စွမ်းဆောင်လုပ်ခဲ့

သွေးချွေး ဘ၀များ ပေးဆပ်ထားကြ (မမေ့ကြနဲ့) ။

နယ်ချဲ့ ဖက်ဆစ် စနစ်ညစ်ဆိုး လွတ်မြောက်ယိုးလဲ

စစ်အာဏာရှင် စနစ်ယုတ်ညံ့ မလွတ်မြောက်သေး

စစ်ကျွန်ဘ၀ လူလုံးမလှ(ပုံ) သိရှိနေက

စစ်ကျွန်ဘ၀ အမျိုးသန(ပုံ) သိရှိမှန်က

တို့ဘိုး ဘေး တတွေ ထားရှိလေတဲ့

မြင့်မြတ်ဆန္ဒ ဖြည့်ဆီးကြကာ

အနာဂတ်တွင် မျိုးဆက်တလျှောက်

လွတ်လပ်ခြင်းအောက် ရွှင်မြူးတောက်ရန်

အန္ဓိမလွတ်လပ်ရေးတိုက်ပွဲတွင် ၀ိုင်းဝန်းပါဝင် ဆင်လို့နွှဲကြ (မမေ့ကြနဲ့)။

အန္ဓိမလွတ်လပ်ရေးတိုက်ပွဲတွင် စည်းလုံးညီစွာ တွန်းလှန်ပါကြ (မမေ့ကြနဲ့)။

အန္ဓိမလွတ်လပ်ရေးတိုက်ပွဲတွင် အစွမ်းကုန်ထုတ် လုပ်ဆောင်ပေးကြ (မမေ့ကြနဲ့)။

အေးမြဇင်(၄၊၁၊၂၀၀၈)

မြန်မာပြည်တ၀န်းလုံး နယ်ချဲ့ ဖက်ဆစ်စနစ်အောက်မှ လွတ်မြောက်အောင် ညီညွတ်ခြင်းခွန်အားများဖြင့် စွမ်းဆောင်ကာ မိမိတို့၏ အသက်နှင့် ဘ၀အလုံးစုံကို ပေးဆပ်ခဲ့ကြသော တိုင်းရင်းသား လူမျိုးအပေါင်းအား ဦးညွှတ်အလေးပြုပါ၏။

စစ်အာဏာရှင်စနစ်အောက်မှ လွတ်မြောက်ရေးတိုက်ပွဲအား အောင်ပွဲရရှိသည်အထိ ကျွန်ူပ်တို့၏ မဆုတ်မနစ်သော စိတ်ဓါတ်ခွန်အား စွမ်းအင်အပေါင်းဖြင့် သွေစည်းညီညွတ်စွာ ပါဝင်ဆင်နွှဲအံ့။

နှစ်သစ်ကူးဆန္ဒမွန်

အနောက်တိုင်းပြက္ခဒိန်နှစ်သစ် တခုကိုချဉ်းနှင်းဝင်ရောက်လာခဲ့ပေပြီ။ ကမ္ဘာ့နိုင်ငံ အသီးသီးရှိ လူမျိုးဘာသာပေါင်းစုံက ၂၀၀၈ ခုနှစ်ကို မင်္ဂလာရှိစွာဖြင့် ဖြတ်သန်းသွားနိူင်ကြဖို့ရန် နှစ်ဟောင်း၏နောက်ဆုံးနေ့ရက်ဖြစ်သော ဒီဇင်ဘာ(၃၁)ရက်နေ့ ညသန်းခေါင်ယံ တွင် ပျော်ရွှင်စွာသော၊ စိတ်ချမ်းမြေ့စွာသော နှစ်သစ်တခုဖြစ်ပါစေကြောင်း အစရှိသည့် မင်္ဂလာထောပနာမ ပြုခြင်းတို့ဖြင့် ဟစ်ကြွေးအော်ဟစ် ကခုန်ကြရင်း ကြိုဆိုခဲ့ကြပေသည်။

ကျွန်တော်တို့ရဲ့ နိုင်ငံတကာရောက် မြန်မာပြည်ဖွား အများစုသည်လည်း အထိုအပြုအမူ တို့ကို ပြုကျင့်ခဲ့ကောင်း ပေမည်။ ကျွန်တော်တို့ ပြည်ပရောက်ရှိလျက်ရှိသော မြန်မာများအနေဖြင့် မိမိတုိ့၏ မွေးဖွားရာအရပ်ဒေသ ကိုသတိရလျက်ရှိကာ ပြည်သူ၊ပြည်သားတို့ခံစားနေကြရသော ဒုက္ခအပေါင်း၊ မတရားဖိနှိပ်ညှင်းဆဲခံနေကြရမှုအပေါင်းမှ လွတ်မြောက်ပါစေကြောင်း ဆုတောင်းမှုများနှင့် အတူ မိမိတို့၏ ကိုယ်စွမ်း၊ဥာဏ်စိတ်စွမ်းအားအပေါင်းဖြင့် ၀ိုင်းဝန်းလုပ်ဆောင်ပါဝင်နိူင်ကြပါစေရန် နှစ်သစ်ကူး စကားရပ်ဖြင့် ဆန္ဒပြုတိုက်တွန်းအပ်ပါသည်။

မြန်မာပြည်တွင်းတွင် နေထိုင်ကြကုန်သော ရဟန်းသံဃာ သီလရှင်၊ မိဘ ဆရာ၊ ကျောင်းသား ကျောင်းသူ၊ ပြည်သူ ပြည်သား အပေါင်း တို့ မတရားအနိူင့်အထက်ပြုကျင့်ခံနေကြရခြင်းဘေးနှင့် အခြားအခြားသော ကပ်ဘေးဆိုးအပေါင်းမှ အမြန်ဆုံးလွတ်မြောက်နိူင်ပါစေကြောင်း ဆုမွန်ကောင်း ပို့သပါ၏။

လွတ်လပ်ပျော်ရွှင်၍ စစ်မှန်သော မင်္ဂလာနှစ်သစ်အပေါင်းကို နှစ်နှစ်ကာကာစိတ်တို့ရှိစွာဖြင့် ကြိုဆိုနိူင်ပါစေလို့ ဆန္ဒပြုလိုက်ပါ၏။

နှုတ်မဆက်ပါရစေနဲ့ ၂၀၀၇ ရ

သူငယ်ချင်း၂၀၀၇ နှစ်...
်အင်္ဂါထောင့် လှုပ်ရှားမှုတွေကြား
တကိုယ်တော် လှုပ်ရှားမှုတွေကြား
အဖြူရောင် လှုပ်ရှားမှုတွေကြား
လမ်းလျှောက်ပွဲ လှုပ်ရှားမှုတွေကြား
ရွှေဝါရောင် လှုပ်ရှားမှုတွေကြား
မင်းပြက္ခဒိန်ထဲက ရက်စွဲများက နှိုးထ
ဘယ်ဝယ်ပျက်မသွား နိုင်ခြင်းနဲ့အတူ
ငါတို့ရဲ့ ရှေ့တူရှုဆီက အောင်ပွဲခရီးထံ
မင်းရဲ့တက်ကြွတဲ့ မာန်ဟုန်တွေပွါး
မင်းရဲ့ ရိုးးစင်းတဲ့ မေတ္တာဆပွါး
မမေ့ရက်နိုင်ဘူး ဆိုတဲ့စကားပြောလို့
နှုတ်ဆက် စကားရယ်မဆိုဝံ့သမို့
တို့အများစု နှုတ်ဆိတ်လို့ကာ
မင်းအကြောင်းတွေ တွေး တွေး တွေး။ ။

အေးမြဇင်(၃၁၊၁၂၊၂၀၀၇)

စစ်မုန်းနှင်းဆီ အတွက် မြရွက်တို့ရဲ့ မော်ကွန်း

(၁)

ကျောက်ဂူထဲက

တလှမ်းခြင်းထွက်လာတဲ့

ကြေးဝါရောင် ခြင်္သေ့ တကောင်လိုပဲ

၁၉၉၁ ရဲ့ ဒီဇင်ဘာ(၁၀)ရက်ဟာ

နေခြည်မျှင်စတွေကို လည်ဆံမွှေးလိုခါချရင်း

လူ့လောကထဲ တိုးဝင်လာခဲ့ပြီ။

ဖက်ဆစ်ကလဲ

သူ့ဖိနပ်ကို ကျစ်တဲ့ကြိုးနဲ့ ငါတို့ကို စီးမိုးတုပ်ခတ်

ဘီလူးအိပ်မက်မှာ ညတွေနက်ပြီးရင်း နက်ခဲ့ပြီ။

ငါတို့ရဲ့ တော်လှန်နိုင်ငံဟာ

အာရှရဲ့ မုတ်သုန်စီးကြောင်းအောက်မှာ

စစ်ခမောက်တလုံး မှောက်ထားသလို မီးခိုးညိုတွေအူထွက်

အဲဒီအထဲကမှ ငါကအားယူ နိုးထလျက်ပေါ့။

ဒီနေ့ဟာ

သံလွင်ခက်တွေ သက်ဝင်မဲ့နေ့

ရာဇ၀င်မှာ ရွှေလို စင်ကြယ်တဲ့နေ့ပါပဲ

ငါ့ရင်ထဲမှာ မွှေးမြသင်းရီ

ငါ့နိုင်ငံမှာ လင်းပစွေးနီ

ငါတို့ချစ်သော အို.. အောင်ဆန်းနှင်းဆီ။

(၂)

ဘုန်းကြီးသင်္ဃန်းတွေကို ချွတ်ပြီး

လူသေပတ်တဲ့ အ၀တ်လုပ်သူတွေက

နိုင်ငံတော်အာဏာကို

သေနတ်အိပ်ထဲက ထုတ်ကြည့်နေလေရဲ့ ။

အရိုးနဲ့ ဆောက်တဲ့ အုတ်ဂူမှာ

ယမ်းငွေ့ သွေးမြူတွေအုံ့ဆိုင်း

သည်မြေကို ရိုင်းအောင် လုပ်ရက်ကြတယ်

ဟေး… ပွင့်စမ်း ဝေစမ်း ရဲရင့်စမ်း

ငါတို့ချစ်သော အောင်ဆန်းနှင်းဆီ။

ငြိမ်းချမ်းရေးကို မြတ်နိုးသူဟာ

သံချပ်ကာ အင်္ကျီ ၀တ်ထားသင့်သလား

သားသတ်သမားနဲ့ ဘုရားသခင်ကို ငါမေးချင်တယ်။

တောင်စွယ် နေကွယ်ချိန် သူသတ်ကုန်းမှာ

ငါလိုရာသာ တောင်းခွင့်ရရင်

မင်းတို့ ဘုရင်နဲ့ စီးချင်းထိုးချင်တယ်လို့ပဲ

ငါပြောမိလိမ့်မယ်။

ဒါ တော်လှန်ရေး

တော်လှန်ရေးမှာ အေးစက်မှုန်ဝါး

အောင်ဆန်းနှင်းဆီ နေ့များ

အောင်ဆန်းနှင်းဆီ ညများ

ပြည်သူကြားမှာ လွင့်ပါးလှုပ်ခတ်

အနာဂတ်မိုးကြီး ရွာလိမ့်မယ်

အနာဂတ်မိုးကြီး ရွာတော့မယ်ကွယ်။

(၃)

ဒီကဗျာကို ငါရေးတာ

သူမအတွက် ဘုန်းတော်ဘွဲ့ တင်ဆက်တာ မဟုတ်ဘူး

တော်လှန်ရေးကို အာဇာနည်ကုန်းပေါ်က တက်အလေးပြုတာပဲဖြစ်တယ်။

ငြိမ်းချမ်းရေးစောင်းကြိုးနဲ့ ဟိုး အဝေးက စစ်ခရာ

လောကမှာ ဘယ်သူ လင်းပြာစေမလဲ

ဆက်လျှောက် ဆက်ကြိုးစား

အမှန်တရားဆိုတာ ဘယ်သူမှ အလကားမရဘူး

လျှောက်ရဲသူအတွက် လမ်းဆိုတာ

မနက်ဖန် နေထွက်ချိန်တိုင်းမှာရှိတယ်။

ကြောက်တဲ့သူ လက်နက်ချစတမ်း ဆိုရင်

ငါရေးတဲ့ ဒီနှင်းဆီပန်းကဗျာဟာ ဓါးဖြစ်လာလိမ့်မယ်

ထက်မြစိမ်းဝင်း

သတ္တိအဆင်းတို့ လွှမ်းခြုံ

အရှေ့ စူးစူး ရောင်ခြည်ခူးဖို့

ငါတို့ အားလုံး ဦးလည်မသုန်

ငါတို့ အားလုံး ဦးလည်မသုန်

ငါတို့ အားလုံး ဦးလည်မသုန်။ ။

ရွှေဘုန်းလူ (ခ)ချစ်ညီညီ(ခ)တာရာမင်းဝေ (ဒီဇင်ဘာ၊၁၉၉၁ တွင် ထောင်တွင်းရေးစပ်ခဲ့သည်) (၈၈မျိုးဆက်ကျောင်းသား)

ကိုဇော်ဇော်အောင်(၈၈မျိုးဆက်ကျောင်းသား) မှ ပြန်လည်ဖေါ်ထုတ်သည်။

ငါ့သွေးသစ္စာ

*သံကွန်ချာ၊အလွှာအထပ်ထပ်
ရစ်ပတ်ချည်တုပ်၊ ချုပ်နှောင်ထားပါစေ။

္ဂ*နေခုနစ်စင်း၊ ပူပြင်းလောင်မြိုက်
မီးတိုက်သွင်းပါစေ။

*ယက္ခ ငဘီလူး၊ အမှုးပြု၍
စုဝေးရံပတ်၊ စောင့်ကြပ်ကြပါစေ။

ရဲရဲနီတွေး၊ ငါ၏သွေးဖေါက် မိုးထိရောက်စေ
ဖြန့်ဝေခြုံလွှမ်း၊ ပက်ဖျန်းရင်လေ။

သံကွန်ချာတွေ၊ အရည်ပျော်ကျ
နေခုနစ်စင်း၊ ခြေရင်းညွှတ်ခ
ဘီလူးယက္ခ၊ ၀ပ်စင်းကြစေ။ ။ ။

ဇာဂနာ(၁၁၊၁၁၊၁၉၈၈)

အမျိုးသားရေးစိတ်ဓါတ် အခြေခံဖြင့် အမျိုးဘာသာ သာသနာ ကိုဝိုင်းဝန်းစောင့်ရှောက်၍ မတရားမှုအပေါင်းအား ငုံ့ခံသည့်စိတ်ဓါတ်၊ ကြောက်ရွံ့စိတ်ဦးစီးသည့်စိတ်ဓါတ် များကိုဖယ်ရှားလို့ကာ ဘိုးဘွားအမွေတို့ကို ချစ်မြတ်နိူးသောစိတ်အခြေခံဖြင့် အနာဂတ်မျိုးဆက်သစ်များအတွက် ရဲရင့်တည်ကြည်စွာဖြင့် စံပြဦးဆောင် လုပ်ဆောင်ကြပါစို့။
၁၉၂၀ အမျိုးသားရေးစိတ်ဓါတ်အခြေခံအား လက်ဆင့်ကမ်းကာ ထမ်းဆောင်ကြပါစို့။

ဝိုင်းဝန်းလုပ်ဆောင် တော်လှန်ကြလော့

သွေးညှီနံ့မပြယ် တို့ရပ်မြေအနှံ့
ရှုခဲ့ထိုလေ ရှိုက်ခဲ့ဝင်သက်
အမှတ်ရှိလျက် သတိချပ်လော့။

ချက်မြှုပ်ဌာနေ မွေးရပ်မြေမှ
မတရားမှု ဖြစ်စဉ်ဆိုးအား
သင်၊ငါ သိလျက် ရှောင်ဖယ် မထွက်နဲ့
ထိုဤအမှုများ နောက်နောင် မပွါးရန်
ဝိုင်းဝန်းဖော်ထုတ် ဖော်ထုတ်ကြလော့။

လူယုတ်မာတွေ အုပ်စိုးလို့နေ
သူခိုး၊ဒမြ နေရာရလျက်
မကောင်းမှုအဖုံဖုံ တွေ့ကြုံရပြီး
အနိဋ္ဌာရုံ မြင်ကွင်းစုံအား
သင်၊ငါ တွေ့လျက် ရှောင်ဖယ်မထွက်နဲ့
ထိုဖြစ်အင်များ ပျောက်ကွယ်သွားရန်
ဝိုင်းဝန်းတိုက်ထုတ် တိုက်ထုတ်ကြလော့။

တို့တွေအများ မြင့်မြတ်စိတ်ထား
တာဝန်သိကြ၊ နိူးကြား စိတ်ဖြင့်
ရှေ့ဆောင်ဦးရွက် နိူင်ငံ့အတွက်
ထားရှိစိတ်ဆောင် မျိုးဂုဏ်ရောင်အတွက်
အဓမ္မ၀ါဒီ စနစ်ယုတ်နှင့်
ရေပေါ်ဆီလွှာ လူတအုပ်အား
တို့ရပ်မြေတွင် မရှိအပ်(ကြ)စေဖို့
ဝိုင်းဝန်းလုပ်ဆောင် လုပ်ဆောင်ကြလော့။ ။
ဝိုင်းဝန်းတော်လှန် တော်လှန်ကြလော့။ ။ ။

အေးမြဇင်(၂၆၊၁၁၊၂၀၀၇)

ပြည့် မိခင်

အမေ .. အိမ်သားအားလုံးအတွက် ဆိုတဲ့ စိတ်နဲ့

သိမ်မွှားလှတဲ့ မကောင်းစိတ် မွေးသူတို့ကို

မေတ္တာစိတ်ဖြင့် ခွင့်လွှတ် နိုင်သော မိခင်။

အမေ ..ယဉ်ကျေးသော လူ့ပတ်ဝန်းကျင် အလွှာမှာ

လူ့ကျင့်ဝတ် ဖောက်ပြား သူတို့ ကို

မှောင့်မှားသော အပြု နောင်တကြိမ် မပြုမိလေအောင်

မေတ္တာအဟုန်ဖြင့် အသိတရား ပေးဝေဖြန့်သော မိခင်။

အမေ ..ပြည်သူ တရပ်လုံးအတွက် ဆိုတဲ့ ခံယူချက်နဲ့

ကောက်ကျစ်ယုတ်မာသော လူတစုကို

ရဲရင့်သောစိတ်ဖြင့် ရင်ဆိုင်ကာ ဦးဆောင်ပြ

မကြောက်တရား ကိုင်ဆွဲလို့ လမ်းပြတဲ့ မိခင်။

အမေ ..မျိုးဆက် အစဉ်တလျှောက် ကောင်းဖို့ ရည်ရွယ်ချက်နဲ့

လွဲမှားနေသော စနစ်ဆိုး တို့ကို ပျက်ပြယ်စေဖို့

ဘ၀တခုလုံး ပေးဆပ်ကာ ရင်ဆိုင်လို့ တိုက်ပွဲဝင်

စေတနာကောင်း အပြည့်ဖြင့် ထမ်းရွက်လို့ပြသော မိခင်။

အမေ ..ကမ္ဘာ့ ပြည်သူ အပေါင်းအား

ငြိမ်းချမ်းရေး လမ်းစဉ်ကောင်းကို မေ့လျှော့ မသွားစေဖို့ရန်

မေတ္တာစွမ်းအား ဆောင်ဖို့ ညွှန်ပြနေသော မိခင်။

၁၉၊၆၊၂၀၀၇ အေးမြဇင်

တော်လှန်တိုက်ထုတ် အောင်လံကိုင်ဆုပ်

နောင်ရိုးတိုက်ပွဲမှာ
ဘုရင့်နောင်ဖေါင်ဖျက်လို့
အနိုင်ဘက်ဆီသို့ ဦးတည်
ခိုင်ရင့်စွာ တိုက်ပွဲဆီ...........

နယ်ချဲ့ တိုက်ပွဲမှာ
ဗိုလ်အောင်ဆန်း ရဲရင့်လို့
အနိုင်ဘက်ဆီသို့ ဦးတည်
နေမ၀င်အင်ပါယာကို
တွန်းလှန်၍ အောင်ပွဲဆီ .........

နိုင်ငံအကျိုးအတွက် တိုက်ပွဲမှာ
ဘာသာအမျိုးအတွက် တိုက်ပွဲမှာ
တို့ တိုင်းရင်းသား အားလုံးညီညွတ်လို့
အနိုင်ဘက်ဆီသို့ ဦးတည်
အမျိုးအဆွေ အခြင်းခြင်း ရန်လုပ်နေသူ၊
သံဃာတော် အသက်ကို သတ်ဖြတ်နေသူ၊
ပြည်သူ့ဘ၀ကို ညှင်းပမ်း သုတ်သင်နေသူ၊
အထို မဟာရက်စက်ဝံ့သူတို့ကို
နည်းနိသျှ အစုံဖြင့် တော်လှန်တိုက်ထုတ်
အဆုံးသပ် အောင်ပွဲဆီသို့ လှမ်းချီ(စို့) ။။။။။။။

အေးမြဖင်(၁၊၁၀၊၀၇)

သာသသနာ့ အာဇာနည်ရဟန်းတော် အပေါင်းအား ရိုသေမြတ်နိုးလှစွာဖြင့် လက်ဆယ်ဖြာ ဦးထိပ်မိုး၍ နှလုံးသည်းပွတ်ထဲမှ လှိုက်လှဲစွာဖြင့် ဦးချကန်တော့အပ်ပါ၏ အရှင်ဘုရား။

အလွန်ပင် ကြည်နူးကျေနပ်လှစွာဖြင့် သာသနာဖျက်နေသော တပ်မတော် ခေါင်းဆောင်ဆိုသူနှစ်ဦးနှင့် နောက်လိုက်နောက်ပါ အလိုတော်ရိအပေါင်းအား ဆန့်ကျင်တိုက်ထုတ်ကာ အောင်ပွဲအရယူကြ။


တိုင်းပြည်အာဏာကို ရဟန်းရှင်များ၊ပြည်သူများနှင့် ကျောင်းသူ ကျောင်းသားများ၏ အသက်ပေါင်းမြောက်များစွာအား သတ်ဖြတ်၍ မတရားသောနည်း၊ ကောက်ကျစ်ယုတ်မာသောနည်းလမ်းပေါင်းစုံဖြင့် စစ်အာဏာသိမ်းခဲ့သည်မှာ ၁၈၊၉၊၂၀၀၇ တွင် နှစ်ပေါင်းအားဖြင့် (၁၉)နှစ်ပြည့်မြောက်ခဲ့လေပြီ။ စစ်အာဏာရှင်တို့၏ ထုံးစံအတိုင်း အာဏာကိုအလွန့်အကျွံ သုံးစွဲ၍ အစွမ်းကုန်မိုက်ဇာတ်ခင်းနေကြပေပြီဆိုတာကို ပိုမိုထင်ရှားလာပုံ အချက်အား ရဟန်းတော်များ၏ ပတ္တနိကုဇ္ဖနကံဆောင်ခြင်းအမှုမှ သက်သေပြသည့်အနေဖြင့် ယနေ့မှစတင်ပြုလုပ်ကာ တိုင်းပြည်ရှိပြည်သူလူထုနှင့် သံဃာတော်များကို နှိပ်စက်လျက်ရှိနေသူအပေါင်းအား ဆန့်ုကျင်သော လုပ်ရပ်ဖြင့် အာဏာရှင်စနစ်အမြန်ဆုံး အဆုံးသတ်ရေးဆီသို့ ၀ိုင်းဝန်းကြိုးပမ်းဆောင်ရွက်ကြပါစို့။

အမိမြေသို့ သစ္စာအမှန် ဆိုကာတိုင်၏

အို အမိမြေ ….

မတရားသော အမှုပွေစုံ

တနပ်စားဆိုတဲ့ ဥာဏ်ကုန်သော

အထို ဒုစရိုက် ပြုသူတို့အား

ကျွန်ုပ်တို့ မြေပေါ်မှ ဖယ်ထုတ်နိုင်စေ

သစ္စာအမှန် ဆိုကာတိုင်၏။

အို အမိမြေ …..

ဒီမြေပေါ်တွင် ပျော်ရွှင်စွာသော

လူ့စွမ်းအား ပုံရိပ်တွေလှုပ်ရှား

မွန်မြတ်လုပ်အားတို့ဖြင့် ရှင်သန်ချိန်အထိ

ကျွန်ုပ်တို့ရဲ့ အားအင်တွေနဲ့ ဆောင်ကြဉ်းကာ

အမိုက်မှောင်ဟူသ၍ ခွင်း နိုင်စေ

သစ္စာအမှန် ဆိုကာတိုင်၏။

အို အမိမြေ …..

စာသင်ကျောင်းတွေရဲ့ ခေါင်းလောင်းသံ

ချိုသာစွာ ကြားရပြန်ချိန် တိုင်အောင်၊

စာသင်သားတို့ရဲ့ စူးရှဥာဏ်ဖြင့်

လောကအကျိုး ဆောင်နိုင်ချိန် တိုင်အောင်

ကျွန်ုပ်တို့ရဲ့  အားအင်တွေနဲ့ ဆောင်ကြဉ်းကာ

ပညာ့ အလင်း ဆောင် နိုင်စေ

သစ္စာအမှန် ဆိုကာတိုင်၏။

အို အမိမြေ ….

စေတီ ကျောင်းတိုက်များဆီမှ ဆည်းလည်းသံ

နားဝင်မှန်စွာ ကြားရပြန်ချိန် တိုင်အောင်၊

စေတနာ ထက်လှ လှူဒါန်းကြကာ

မျှဝေ သာဓု ခေါ်လို့ပြုနိုင်ချိန် တိုင်အောင်၊

ဘာသာခြားတတွေ ညီမျှစေလျက်

လွတ်လပ်စွာ ကိုးကွယ်နိုင်ချိန် တိုင်အောင်

ကျွန်ုပ်တို့ရဲ့  အားအင်တွေနဲ့ ဆောင်ကြဉ်းကာ

မေတ္တာ ပေးဝေ မျှ နိုင်စေ

သစ္စာအမှန် ဆိုကာတိုင်၏။

ကျွန်ုပ်တို့၏ သစ္စာသည်ကား ...

အမိမြေအတွက် ဖြူစင်စွာထမ်းရွက်

မွန်မြတ်စွာ ပေးဆပ်ခဲ့သော

ရဟန်း၊ ပြည်သူ၊ ကျောင်းသား များစွာ

မတရားပြုကျင့်ခံရ သွေး မြေခကြ၊

စစ်အာဏာရှင် လူ့စိတ်မ၀င် စနစ်ဆိုးကြောင့်

ဟုတ်မှန်လေက၊

အောင်ပွဲထိုဆီ

ရ ရစေမည့်

တိုင်တည်ပြု၏။ ။

အေးမြဇင်(၁၄၊၉၊၂၀၀၇)

၈၈ မျိုးဆက်များ နှင့် တိုင်းပြည်အကျိုးအတွက် မဆုတ်မနစ်သောဇွဲ၊လုံ့လတို့ဖြင့် အာဏာရှင် စနစ်အား တွန်းလှန်နေသူအားလုံး၏ ကိုယ်စား

သစ္စာတိုင်ကာ ရေးဖွဲ့ ဂုဏ်ပြုအပ်ပါသည်။

တိုက်ပွဲရှိခိုက် ရှောင်လွှဲ မလိုက်နဲ့

ဘုရားသားတော်တွေကို မတရားပြုကျင့်

မယုံလောက်စရာ တုန်လှုပ်ဖွယ် ကြားသိ

သာသနာပိုင်ဆရာတော်တို့ ရပ်ကြည့်ကာ နေအုံးမှာလား။

တို့အားလုံး ရပ်ကြည့်ကာ နေအုံး မှာလား။

တရိစ္ဆာန်တမျှ ပြုမူဆက်ဆံ

ကြိုးကွင်းတွေပြစ်လွှား ဖမ်းဆီးပုံအား

တွေးကာလေ မြင်ကြည့်

သာသနာ ရေတိမ်နစ်ပုံ

သာသနာပိုင်ဆရာတော်တို့ ရပ်ကြည့်ကာ နေအုံးမှာလား။

တို့အားလုံး ရပ်ကြည့်ကာနေအုံး မှာလား။

သားသတ်ရုံတမျှ မူကျင့်

ရဟန်းသံဃာတော်မြတ်တို့အား

လမ်းဘေးတနံတလျား တုတ်နှောင်

နှိပ်စက်လို့ ရိုက်နှက်ပုံ

အာရုံထဲတွင် ထင်ကြည့်

သာသနာပိုင်ဆရာတော်တို့ ဘယ်အချိန်အထိ စောင့်ကြည့်ကာ နေအုံးမလဲ။

တို့အားလုံး ဘယ်အချိန်အထိ စောင့်ကြည့်နေအုံး မလဲ။

အများသူငါ ဒုက္ခတွေ့နေ

ငါ့ဆီမလာ မထိခပ်သေး

အမြင်သေးသေးနဲ့ တွေးမြင်

ဘေးချော်ကာ ရှောင်ထွက်

ချောင်ကပ်ကာ နေမယ်အုံးလား။

(အခြားဘာညာ တွေးကာလေမနေနဲ့)

အများသူငါ ဒုက္ခကိုတွေး

ကိုယ်ချင်းစာ ပေးက

ငါ့တပိုင် တာဝန်

တနိုင်ဖြစ်ဖြစ် စတင်

ပါလို့ကာ ၀င်နစ်

စောင့်ကြည့်သည့် ဖြစ်အင်ကိုပယ်

တို့အားလုံး ထိရောက်စွာ ပါဝင်ရစ်ကြ။

မီးဆိုတာ မလောင်ခင်တား

မင်းဘေးရန် မြင်ချိန်မှာ တိုက်ထုတ်

ဝိုင်းလုပ်မှ အောင်မြင်မယ် ထိုဘေးဆိုး

တွေးတွေး၍ တိုးကာပါဝင်

တို့အားလုံး အနာဂါတ်အရေး

အမြဲပင် ရင်အေးစေရန် ထိရောက်စွာ ပါဝင်ရစ်စို့။

ဗုဒ္ဒ၏ အဆုံးအမ မျက်ကွယ်ပြု

သာသနာရဲ့ သားတော်မြတ်အား

အကြမ်းဖက်လို့် သတ်ဖြတ်ဝံ့က

ပြည်သူပြည်သား တို့ တတွေအား

ဘယ်သို့ကာ ဆက်ဆံသွားမလိမ့်

တို့ကိုယ်တိုင် တွေးစိမ့်ရင်ဖြင့်……..

ကဲ….မြန်ပြည်ဖွားတို့ရေ

တိုက်ပွဲရှိခိုက် ရှောင်လွှဲ မလိုက်နဲ့…….

(စီးဆင်းမြစ်ရေ ချိုးလို့ နှစ်ကြိမ် ရသည့်ထုံးအား မရှိငြှားပြီ)။ ။

အေးမြဇင် (၅၊၉၊၂၀၀၇)

လူ့အခွင့်အရေး နှင့် ဒီမိုကရေစီ ဖြစ်ထွန်းပေါ်ပေါက်ရေး တိုက်ပွဲ အဆုံးသတ်အောင်မြင်နိုင်စေရမည်။

ညီလာခံ မြေမြှုပ်ခြင်း


သြော် တိုင်းပြည်အကျိုးအတွက်တဲ့......

လူသတ်ကာ တရားဝင် ခိုးဆိုး
စစ်ဗိုလ်ချုပ်ဆိုတဲ့ လူလိမ်တတွေက
စစ်မှန်တဲ့ အခြေခံ ဥပဒေများပေါ်ဖို့ တဲ့
နှစ်တွေအဖန်ဖန် ကြာအောင်ရေးဆွဲ
အနှစ်သဏ္ဍ်ါန် သဘောကဖြင့်
ပြည်သူ့အာဏာ လုယူဖို့ ရည်ရွယ်။

စစ်ဝတ် အရေခြုံ အာဏာရူးတစုက
ဒီမိုကရေစီ ဆိုတဲ့ အရာဟာဖြင့်
(ပြည်သူနှင့် မတန်သေးသမို့)
နိူင်ငံ့ သာသနာ ပျက်သုဉ်းမှာ စိုးသတဲ့
ဗုဒ္ဓ ဘုန်းတော်ကြီးတွေကိုလျှောက်တင်
နောက်ကွယ်မှာ အကြံကြီးကြီးပြုလို့
ဘာသာ သာသနာ ခုတုံးလုပ်လျက်
ပြည်သူ့အာဏာ ခိုးဖို့ ရည်ရွယ်။

ဒီမှာ ...
လိမ်ချက်မှာ တမူထူးချွန်တဲ့
(စစ်ဘုရင် မင်းတျားကြီး သန်းရွှေ က)
စစ်အာဏာရူးသူ တစ်စုက
ညီလာခံ အနာဟောင်းကိုကုစား
သမားတော်ဟန် ဟန်ပန်လုပ်
တပည့်ကျော် အပေါင်းနဲ့ မန်းမှုတ်
ညီလာခံ ထိုအနာထုပ်။
ဒီမှာ .... သူ့အနာ သူမန်းလို့
ရောင်ရမ်းကာ ပုတ်ဆော်နံ
အဟုတ်ပေါ် ပြီ မဿတီ ထိုအနံ့။

ဟေ့ ..
အာဏာရူးသူတစု
ညီလာခံ အသုဘရှုဖို့
တို့ပြည်သူ စုစည်းကာ
ချီလာပြီ စည်းလုံးသည့်အင်အား။

ဟေ့ ...
အာဏာရှင် လူတစု
ညီလာခံ ထိုအတုကို
အသက်သွင်းရန် မကြိုးစားနဲ့
လူထုတွေ မဟာအင်အားကြောင့်
ကိုယ့်မသာစင် ကိုယ်ဆောက်သလိုပ
ဖြစ်မှာပေ တွေးကာလေထောက်စ။

ဟေ့ .... အာဏာရူးနောက်လိုက်တွေ
ညီလာခံ မြေချချိန်မှ
ဖုတ်ခါကာ ရူးချင်ယောင် မဆောင်လေနဲ့
သမိုင်းတရားခံ စာရင်းမှာ ပါစေ့မကွဲ့။

ဟေ့ ... အာဏာရှင် လူမိုက်
ပြည်သူ့အားအင် အစွမ်းကြောင့်
သင်တို့တတွေ
ဒူးတုန်ကာ ချမ်းနေပြီ ဟုတ်စွ။

ဟေ့... အာဏာရှင် တသိုက်
ပြည်သူ့ အာဏာ အချုပ်အခြာကို
ယုတ်မာဥာဏ် အထပ်ထပ်သုံးလို့
ဆုတ်ကိုင်ကာ မယူတော့ရင်ဖြင့်
တို့ပြည်သူ ကြိုနေတယ်
မေတ္တာ ရင်ခွင် တံခါးဖွင့်လျက်
ဒီဇမ္ဗူတခွင် မှတ်တမ်းတွင်သွားမလိမ့်..
မွေ့ချမ်းစေ ဤမြန်မာ့မြေတလွှား။ ။
ပြစမ်းလေ ဤကမ္ဘာ့ပြည်သူများသို့။ ။

အေအမ်ဇက်(၃ ၉၊ ၂၀၀၇)

အာဏာရှင်ကို ဖြုတ်ချနိုင်ရန် သတိပြု၍ ပါဝင်လုပ်ဆောင်ကြပါစို့်

တချို့က မိမိရဲ့ တဒင်္ဂ သာယာနေမှု အပေါ်(အာဏာဖြင့်ထင်ရာစိုင်းနိုင်ခွင့်)မှာရစ်မူးနေကြသလို၊ မောဟ အမှောင်ဖုံးနေတဲ့ မိဖ၊ဆွေမျိုးတွေကြားထဲမှာ ကြီးပြင်းလာကြပြီး အမိုက်မှောင်ကမ္ဘာထဲမှာသာ တ၀ဲလည်လည် နေချင်သူတွေ ပါ။

တချို့ကြတော့ ယ္ခုအချိန်မှာ မိမိတို့ပိုင်ဆိုင်တဲ့ အထုပ်တွေ ကိုရွှေ့ပြောင်းနေရာချနေတဲ့ သူအချို့လဲရှိနေကြပြီဆိုတာကို ကျွန်တော်တို့ သတိပြုဖို့လိုတယ်။ ထိုသူတွေဟာ စစ်တပ်ယန္နရား ထဲကအထက်အရာရှိ ကြီးပိုင်းကမိသားစု၊ သူတို့နဲ့ ပတ်သက်ဆက်နွယ်လျက်ရှိသော စီးပွားရေးသမားအမည်ခံ အချောင်သမားများဖြစ်ပြီး ထိုသူတွေကို ဖေါ်ထုတ်ကာ၊ စစ်အာဏာရှင်၏ လက်ကိုင်တုတ် ပြည်သူအရေချုံ အရိုးမှုန့် လျှက်နေကြသောသူများကို မျက်ဝါးထင်ထင် တွေ့မြင်ကြားသိ နိုင်စေပြီးကာ ထိုသူတွေရဲ့ လုပ်ရပ်များကို ရပ်နားသွားနိုင်စေရန် ကြိုးပမ်းရမည်ဖြစ်သလို၊ ဒေါက်တိုင်ဝန်ထမ်းများကို ပြည်သူ့ဘက်တော်သား ၀န်ထမ်းအဖြစ် ပြောင်းလဲလာနိုင်စေရန် လမ်းများရှာကြံဖွင့်၍ ထားရှိထားရမည်ဖြစ်ပြီး ယခုကာလတွင် လျှို့ဝှက်ဆက်သွယ်လာပါက နွေးထွေးစွာလက်ခံ၍ကြိုဆိုကာ လုံခြုံသောဆက်သွယ်ရေး နည်းဗျူဟာတို့၏ အကူအညီရယူပြီး သတင်းစီးဆင်းမှု အမြန်ဆုံးနည်းလမ်းဖြင့် ဖြန့်ဝေနိုင်စေပြီး၊ အမည်နာမ လျှို့ဝှက်ရန်လိုအပ်ပါက လျှို့ဝှက်နိုင်သည်။

အခြားတဖက်မှလည်း ဥပဒေမဲ့ အကြမ်းဖက်နေသော အပြုအမူ လုပ်ရပ်များကို မှတ်တမ်းတင်ရယူထားရမည်ဖြစ်သလို၊ လိုရမည်ရ စစ်လက်ကိုင်တုတ်အဖွဲ့မှ ၄င်းတို့၏ကိုယ်ပိုင်မှတ်တမ်းတင်ထားရှိသောအချက်အလက်တို့ကို ရသည့်နည်းလမ်းပေါင်းများစွာဖြင့် မိမိတုိ့ ပြည်သူ့ဘက်တော်သားများက သိမ်းဆည်းရယူထားရှိပြီး အမြန်ဆုံးဖြန့်ချီမှုကိုလုပ်နိူင်ခြင်းအားဖြင့် UNSC နှင့်နိူင်ငံတကာအစိုးရအဖွဲ့အစည်းများ၏ ပြင်းထန်သောအရေးယူမှုများကို တဖက်တလမ်းမှအစွမ်းကုန်မြှင့်တင်ကါ ပြည်တွင်းလှုပ်ရှားမှုအရှိန်ကို မြှင့်တင်သွားရင်း အတတ်နိုင်ဆုံး ငြိမ်းချမ်းစွာ အဆုံးသတ် အောင်မြင်မှုရရှိသည်အထိတိုက်ပွဲဝင်သွားကြရန် အထူးပင်စွမ်းဆောင်သွားကြရမည်။

ဘုန်းတော်ကြီး များသည် ဘာသာရေးအဆုံးအမ ပြုလုပ်ခြင်း ကဲ့သို့ဆောင်ရွက်မှုတို့ဖြင့် ပါဝင်ရန် အထူးပင် လိုအပ်လှသည်။အဘယ့်ကြောင့်ဆိုသော် စစ်အာဏာရှင်(အစိုးရ)သည် အောက်လမ်း ယုတ်မာသောနည်းပေါင်းစုံကိုချသုံးနေခြင်းသည် ဘာသာတရားများကိုမျက်ကွယ်ပြုပြီးလုပ်ဆောင်နေခြင်းမှာ ထင်ရှားလှပေသည်။ ဤသို့ ပြည်သူအပေါင်းအား ဒေါသတရားနှင့် တဦးကိုတဦး အညှာအတာ ကင်းမဲ့စွာ နှိပ်စက် အနိုင်ယူတတ်စေသာ ပုံစံတရပ်ကို တရားဝင်ခွင့်ပြုထားပါက၊ အချိန်ကာလ ရှည်ကြာလာပါက နိမ့်ကျသော တရိစ္ဆာန်ဘုံတမျှ အခြေအနေသို့ ရောက်ရှိသွားသည့် နိုင်ငံတနိုင်ငံ ဖြစ်သွားရန်သါရှိသည့် အတွက်ကြောင့်ပင်ဖြစ်သည်။

ဒီမိုကရေစီနှင့် လူ့အခွင့်အရေးတိုက်ပွဲ ဧကန်မုချ အောင်မြင်နိုင်စေရမည်။ အောင်ရစေမည်။

ငါ အိပ်လို့ မရဘူး

ငါအိပ်မရဘူး

ငါ့မိသားစု အခြေအနေ

ဘယ်သို့နေလဲ။

ငါအိပ်မရဘူး

ငါ့အဆွေ မိတ်သဂ င်္ဟ

ဘယ်သို့ ရပ်တည်ကာရှင်သန်

ထိုကုန်ဈေးနှုန်း ထိုးတက်သည့်အရေး။

ငါအိပ်မရဘူး

ငါတို့ရဲ့ ရဲရင့်ခေါင်းဆောင်အချို့

ဘယ်သို့သော အရပ်၌်ချုပ်နှောင်

နှိပ်စက်မှာ ထိုအတွေး။

ငါအိပ်မရဘူး

ငါတို့ရဲ့ လက်ကျန်ခေါင်းဆောင်အချို့

ဘယ်သို့သော အဆိုးနဲ့ကြုံ

အကြမ်းဖက်ခံရမည့် ထိုမိစ္ဆာဘေး။

ငါအိပ်မရဘူး

တရားလက်မဲ့ ဥပဒေပျက်ထဲ

လုယက်ကာ ဒုစရိုက်ရန်ဘေး

အသက်ပါ ရန်ရှာခံရမည့် အရေး။

ငါအိပ်မရဘူး

ငါတို့ရဲ့ ပြည်သူ၊ပြည်သားအားလုံး

ဘယ်သို့သော အငတ်ဘေးကြီးဆိုက်

ထူပြောလာမည့် ရောဂါဆိုးတို့ အရေး။ ။

အေးမြဇင်(၂၅၊၈၊၂၀၀၇)