ဒေါင်းဝိဥာဉ် တို့ ၏ဆန္ဒမွန်

ကျုပ်တို့ စာသင်ကျောင်းသား လက်ဖယောင်းမှာ

ဒေါင်းအလံ နှင့် ကလောင်တံ

သခင်ကိုယ်တော်မှိုင်း နှင့် ဗိုလ်ချုပ်အောင်ဆန်း တို့ရဲ့ပုံကားချပ်

ကြွေးကြော်တောင်းဆိုတဲ့ စက္ကူချပ်တွေဆုပ်ကိုင်

တကယ်စက်ဆုပ်တဲ့ စနစ်ယုတ်ကို ဖယ်လို့ထုတ်တဲ့

သြဂုတ်လ ရဲ့ နေ့ရက်များ

သင်တို့ ရင်ထဲ မှတ်မိကောင်းရဲ့ ကောင်းပါရဲ့ ။

အားလုံးသော ပြည်သူတို့ အတွက် တောင်းဆိုတဲ့

ကျုပ်တို့ကျောင်းသူ ကျောင်းသားတို့က

တချောင်းဆို မပိုင်ထား တဲ့ သေစေသောလက်နက်

ခန္ဓာကိုယ်ထက် မပါရှိ ပေမဲ့

တဦးချင်းစီရဲ့ မှန်ကန်တဲ့ စိတ်ဓါတ်က

ခွပ်ဒေါင်း အားမာန်နဲ့ စနစ်ဆိုးပြောင်းရန်သာ

ရင်ထဲစွဲအပ်၍ ယုံကြည်ကာ ချီတက်ခဲ့ပုံ

သြဂုတ်လ ရဲ့ နေ့ရက်များ

သင်တို့ ရင်ထဲ မှတ်မိကောင်းရဲ့ ကောင်းပါရဲ့ ။

ပြည်သူလေးစားတဲ့ စစ်တပ်ကို မျက်နှာမဲသုတ်

အာဏာရှင် အလိုကျ ခုတုံးလုပ် အသုံးပြု

ကျုပ်တို့ ကျောင်းသား ပြည်သူကို

ရက်စက်စွာ ပစ်သတ် သုတ်သင်တဲ့

အဓမ္မပြုကျင့်ပုံ မြင်ကွင်းသဏ္ဌာန် အကွက်

သြဂုတ်လ ရဲ့ နေ့ရက်များ

သင်တို့ ရင်တွင်းပုံရိပ် ထင်နေကောင်းရဲ့ ထင်ပါရဲ့ ။

ကျုပ်တို့ရဲ့ အသက်ဇီဝိန်တွေက

ရုပ်ခန္နာ မှ ဆုတ်ခွာခဲ့ရပေမဲ့

ဝိဥာဉ်ဆန္ဒ တွေက

အမျိုးကိုမြင့်စေချင်လှသမို့ ….

အမှန်တရား ထွန်းကားချင်လှသမို့ ….

လွတ်လပ်သော ပညာရေး ပေါ်ထွန်းချင်လှသမို့ ....

မပြီးဆုံးသေးတဲ့ တိုက်ပွဲလမ်းကြောင်းတလျှောက်

အစဉ်လျှောက်လှမ်း လျက်ရှိကြောင်း

သင်တို့တွေအား သတင်းပါးရဲ့ ပါးပါရဲ့ ။


ကျုပ်တို့ရဲ့ ကိုယ်ခန္ဓာတွေ

ခြင်းခြင်းနီလှ သွေးအိုင်ကျလဲ

ပေးဆပ်ခဲ့ရ ပေးခဲ့ရငြား

(ဒီမိုကရေစီနှင့်ငြိမ်းချမ်းရေး မရသေးသ၍)

တောင်းတ ဆန္ဒများ မရသေးသ၍

ကျုပ်တို့ရဲ့ ၀ိဥာဉ်

ခွပ်ဒေါင်း အသွင်စိတ်နဲ့ ဆက်လက်ရှင်သန်နေကြောင်း

သင်တို့တွေအား သတင်းပါးရဲ့ ပါးပါရဲ့ ။

ဒီမိုကရေစီ နှင့် ငြိမ်းချမ်းရေး အလုံးစုံ ပုံပေါ် တဲ့တနေ့


ကျုပ်တို့ရဲ့ ရုပ်သဏ္ဌာန် ကဒေါင်း အသွင်ရုပ်နဲ့

ဒီမြေ ဒီရေ အရပ်မှာ အလှဒေါင်း အဆင်အကဖြင့်

ကျုပ်တို့ ချစ်သော ပြည်သူအပေါင်းအား

မြူးကြွတဲ့ ဒေါင်းအက အဆင်အပြင်ဖြင့် ဖျော်ဖြေ၍

သွားလိုတဲ့ အထက်ဘုံ ထိုစခန်းဆီသို့

ကျုပ်တို့တတွေ ဆက်ခါ မြန်းလိုပါ၏ မြန်းလို၏ ။ ။

အေးမြဇင် (၈၊၈၊၂၀၀၂)

မတရားသော အုပ်ချုပ်ရေးစနစ်ဆိုးအား ရဲရင့်မွန်မြတ်သောစိတ်ဓါတ်ဖြင့် တပ်ဦးမှနေ၍အသက်စွန့်သွားသော ကျောင်းသူ၊ ကျောင်းသား အကို၊အမ တို့၏ ၀ိဥာဉ်များပူးကပ်ခံစားကာ ရေးဖွဲ့ခဲ့ ပါကြောင်း။ ဖိနှပ်ချုပ်ချယ်သော စနစ်ဆိုးတို့ကို အစဉ်တော်လှန်ရင်း တိုင်းပြည်နှင့်
ပြည်သူအပေါင်းအား အစဉ်အမြဲ ပျော်ရွှင်လွတ်လပ် စေချင်သော ဆန္ဒတို့ဖြင့် အသက်ခန္ဓာတို့ကို ပေးအပ်ခဲ့ကြသည့် ပုဂ္ဂိုလ်အပေါင်းအား လေးစားတန်ဖိုးထားစွာ ဖြင့် ဦးညွှတ်အလေးပြုပါ၏။

ဒီမိုကရေစီ အရေးတော်ပုံ မုချအောင်ရမည် ။ မုချအောင်ရမည်။
လက်နက် အာဏာဖြင့် ဖိနှိပ်အနိူင်ယူသောစနစ်ဆိုးတို့ လုံးဝရှုံးနိမ့်
ပျောက်ကွယ်စေရမည် ။ ပျောက်ကွယ် စေရမည် ။

ပြန်၍ကြည့်စမ်း

၁၉၈၈လွန်မြောက် အနှစ်(၂၀)ရောက်ပြီ
အတိတ်ဟာ သွေးညှီနံ့တွေဆင့်ဆင့်
မမေ့အပ်တာ သင်၊ငါသိရင်ဖြင့်
(စတိတ်မန့်တွေ ပလူပျံ့ လွင့်မည့်အစား)
စိတ်သန့်စွာ ငါ့လုပ်ရပ်မှန်တွေဖြစ်စေဖို့
ကိုယ့် အရိပ်တွေ ကိုယ်တိုင်(ပြန်)ကြည့် မြင်ကြ။
ကိုယ့် လုပ်ရပ်တွေ ကိုယ်တိုင်(ပြန်)စမ်း စစ်ကြ။
amz(5/08/08)

မြန်မာပြည်အရေးကို ရှေ့တမ်းမှ ကမကထလုပ်ဆောင်နေကြသူများ၊ အဖွဲ့အစည်းအသီးသီးမှ

ပုဂ္ဂိုလ်အပေါင်းများ၊ တသီးပုဂ္ဂလ လှုပ်ရှားနေသူများခင်ဗျား

ပြတ်သားသောရပ်တည်ချက်များထားရှိနိူင်ကြပြီး၊ မိမိတို့ရဲ့ ကျော်ကြားရုံသက်သက်၊အမည်ခံ

ဦးဆောင်သူများ၊အဖွဲ့အစည်းများအဖြစ် ရပ်တည်လှုပ်ရှားနေမှုများကို အချိန်ကာလ

တိုတောင်းစွာဖြင့် အမြန်ဆုံး ဆင်ခြင်ကာ ပြုပြင်နိုင်ကြပါစေလို့ ဆန္ဒပြုအပ်ပါတယ်။

ပြည်သူပြည်သားများနှင့် ရင်းနှီးနွေးထွေးစွာတွေ့ဆုံကာ လက်တွေ့ခံစားနေမှုများကို

ရင်တွင်းမှစာနာနားလည်မှုများဖြင့် ပြောဆိုဆက်ဆံလို့ကာ ပြတ်သားရှင်းလင်းသော

ကတိက၀တ်များဖြင့် ဦးဆောင်နိူင်ကြပါစေ။

ကျွန်ူပ်တို့ကိုယ်တိုင်လည်း ပြည်သူပြည်သားတို့ရဲ့ လွတ်ငြိမ်းချမ်းသာခြင်း အစစ်အမှန်ဖြစ်ကုန်သော

ဘ၀တည်ငြိမ်မှု စနစ်ကောင်း စနစ်မှန်ဖြစ်မည့်လမ်းစဉ်ကို ပိုင်ဆိုင်အရယူရင်း ရေရှည်တည်မြဲရန်နှင့်

အစဉ်တိုးတက်ဖွံ့ဖြိုးနိူင်စေဖို့ရန် မတူကွဲပြားသောအရောင်အသွေးတို့၏ ညီညွတ်ခြင်းအင်အားဖြင့်

ဝိုင်းဝန်းထမ်းဆောင်ကြပါစို့။


(8888)၈လေးလုံးအောက်မေ့ဖွယ် အနှစ်နှစ်ဆယ်နှစ်ပတ်လည်ရက်နီးကပ်လာခြင်းနှင့်အတူ ပေးဆပ်ခဲ့သူများနှင့် လက်ရှိပေးဆပ်လျက်ရှိသူတို့အား ထောက်ထားစာနာစိတ်ဖြင့်။

္ဋ္ဌ္ဂ္ကဤဘလောက်ကို စတင်ပြီးပြုလုပ်ခဲ့တဲ့အချိန်(၁၅၊၇၊၂၀၀၇)က ရေးသားခဲ့သော စာကြောင်းလေးတွေဖြစ်ပါတယ်။ ပြန်လည်ဖေါ်ပြရင်း တိုင်းပြည်အတွက် တကယ့်စေတနာကောင်းများဖြင့် အနစ်နာခံ၍ အသက်နှင့် ဘ၀တို့ကိုပေးဆပ်ခဲ့ကြကုန်သော အာဇာနည်အပေါင်းအား ဦးညွှတ်အလေးပြုပါ၏။

စစ်တပ်တွင်တာဝန်များကိုလက်ရှိထမ်းဆောင်နေကြကုန်သော စစ်သည်များအပေါင်းနှင့် မိသားစု အနွယ်ဝင်အပေါင်းသည် အာဇာနည်သူရဲကောင်းများကဲ့သို့ စိတ်ဓါတ်မွေးမြူနိူင်ကြစေကာ အာဇာနည်ခေါင်းဆောင်တို့အား လေးစားတန်ဖိုးထားသော စိတ်အရင်းခံကောင်းတို့ဖြင့် ပြည်သူပြည်သားအပေါင်းနှင့် သွေးစည်းညီညွတ်စွာပေါင်းစည်း၍ မတရားဖိနှိပ်အုပ်စိုးအနိူင်ကျင့်နေသည့် အာဏာရှင်စနစ်ဆိုးနှင့် အဏာရူးစိတ်ဖြင့်ချယ်လှယ် နေသော စစ်ခေါင်းဆောင်အမည်ခံအကြီးအကဲ (သန်းရွှေ၊မောင်အေး) ကတိသစ္စာမဲ့ကာ ကောက်ကျစ်ယုတ်မာနေသူ အပေါင်းအပါများကို ပြတ်သားစွာ ဆန့်ကျင်တော်လှန်ရင်း အာဇာနည်စိတ်ဓါတ်များထွန်းကားပြန့်ပွားနိူင်ပါစေသောဝ်။

ကျေးစွပ် စစ်သား သိစေငြားအံ့

တိုင်းပြည့် ဦးသျှောင် တို့ခေါင်းဆောင် အား
လုပ်ကြံသတ်ဖြတ် (၁၉၄၇ခု) ဇူလိုင် ၁၉ရက်
အာဇာနည်နေ့ ထိုနေ့ရက်ကို
ံဖျောက်ဖျက် ကြံသည့်
ကမ်းကုန်မိုက်လှ (သန်းရွှေ၊ မောင်အေး) စစ်ဗိုလ်တသိုက်(၏)
အာဏာရူးသွပ် ကျေးစွပ် ပြယုဂ် ထိုဂုဏ်ပုဒ်သည်
လယ်ပြင်ဆင်သွား ထင်ပေါ်သည့်ငှါ
အားလုံး ပြည်သူ သိလျှက်ကုန်ကြ သိနေကြ၏။

ယုတ်မာသော ဥာဏ် ၊ သင်တို့ အကြံ သည်
ခုခါ၊ နောင် ရော အရေးမလှ ရှုံးနိမ့် ရခါ
အာဇာနည် သူမြတ်တို့၊ ထားခဲ့ သစ္စာဓါတ် ကြောင့်
သင်တို့ ဘ၀ နိဂုံးမလှ မှာ
အဆုံးသတ် ထိုအရေး
သင်တို့တွေးစေ သိစေအပ်လှ ။ ။

အေးမြဇင်(၁၅၊၇၊၂၀၀၇)

သမဂ္ဂစိတ်ထား ပွါးစည်းထားကြ

ကျောင်းဆိုတာ စာသင်သားအပေါင်းရဲ့
ပညာရည်သောက်သုံးရာ ရပ်ဌါနေအမှန်။

စာသင်ကျောင်းသား အကျိုးများဖို့
အတွေးအကြံ ကြီးမြင့်မှန်ဖို့
တဦးသဏ္ဍာန် ရင်းနှီးနာဖို့
မနှေးအမြန် ရိုင်းပင်းကူဖို့
အတွေ့အကြုံ နှီးနှောဖလှယ်ဖို့
ပေါင်းစုဆုံရာ ရှိအပ်အမည်
ကျောင်းသားသမဂ္ဂဌါနေ ဆိုရပေသည်။

ကျောင်းသားသမဂ္ဂ စုစည်းအားဖြင့်
ကိုလိုနီပညာရေး တိုက်ဖျက်ခဲ့ပုံ
ကျောင်းသားအခွင့်အရေး တောင်းဆိုခဲ့ပုံ
အမှတ်ရပါစေ အတိတ်ကိုလေ။

ကျောင်းသားသမဂ္ဂ စုစည်းအားဖြင့်
နယ်ချဲ့ ဖက်ဆစ် တွန်းလှန်ပစ်ရန်
နိူးဆော်လုံ့လ စိုက်ထုတ်ခဲ့ကြ
အမှတ်ရပါစေ အတိတ်ကိုလေ။

ကျောင်းသားသမဂ္ဂ ဥာဏ်စွမ်းအားဖြင့်
စစ်အာဏာရှင် သန္ဓေမပျိုးရန်
ရေးဆို ထောက်ပြ အချက်တကျနှင့်
ပြည်သူတို့ကို အသိဥာဏ်ထင်ဖို့
ဆန့်ကျင်ကြရန် မီးမောင်းထိုးပြ
ရှေ့ ဆောင်လမ်းပြ စွမ်းဆောင်ခဲ့ပုံ
၁၉၆၀ခုနှစ် ၀န်းကျင်တ၀ိုက်
အမှတ်ရပါစေ အတိတ်ကိုလေ။

၁၉၆၂ခု ဇူလိုင် ဆဲဗင်း
ညဥ့်သန်းခေါင် လွန်ခိုက်
သမဂ္ဂဌါနေ မိုင်းခွဲခံရ
စစ်အာဏာရူး ယုတ်မာအထူးကြောင့်
ကျောင်းသားသမဂ္ဂဌါနေ မိုင်းဒဏ်ကြောင့်ကြေမွ
ကျောင်းသူကျောင်းသား ဆုံးပါးကြွေရ
အတိတ်ကိုလေ မေ့လို့မနေနဲ့ မမေ့လေနဲ့။

တိုင်းပြည်ကောင်းကျိုး ရည်ရွယ်ချက်နဲ့
မြင့်မြတ်စိတ်ထား ကျောင်းသူ ကျောင်းသား
အသက်တွေပေးလှူ ၊ ဘ၀တွေစွန့်ခဲ့
ထိုထိုလုပ်ရပ် တန်ဖိုးထားလျက်
သူတို့တတွေကို မေ့လို့မနေနဲ့ မမေ့လေနဲ့။

သတိရရင်း ဦးညွှတ်ခြင်းငှါ
သမဂ္ဂစိတ်ထား ငါတို့ပွါးစည်း
တော်လှန်ရေးတိုက်ပွဲ မပြီးဆုံးသေး
ငါတို့အားလုံး မေ့လို့မနေနဲ့ မမေ့လေနဲ့။

သတိရရင်း ဦးညွှတ်ခြင်းငှါ
သမဂ္ဂစိတ်ထား ငါတို့ပွါးစည်း
အာဏာရှင်တော်လှန်ရေး မပြီးပြတ်သေး
ငါတို့အားလုံး မိန်းမောမနေပဲ
အောင်ပွဲခရီးတိုင်အောင် ရှေ့ ဆက်ပါကွဲ့။
အောင်ပွဲခရီးတိုင်အောင် ရှေ့ ဆက်ပါစို့။
အေးမြဇင်(၇၊၇၊၂၀၀၈)

အာဇာနည်အစွမ်း အံ့မခမ်းလျှက်။

သမဂ္ဂစိတ်၏ မွန်မြတ်စွမ်းရည်

သမဂ္ဂ အုတ်မြစ် မြေလှန်ပစ်လည်း

သမဂ္ဂ သန္ဓေ ရင်ဝယ်တည်ဆဲ ကိန်းနေမြဲ၏ ။

သမဂ္ဂ အမည် ဖျောက်ဖို့ရည်လည်း

သမဂ္ဂ စွမ်းအား ပြည့်တခွင်လုံး လွှမ်းလှုိ့ထား၏ ။

သမဂ္ဂ၏ သွေးစွန်းမြေကို ဖုံး ကာနေလည်း

ရဲစွေ့နီစွ သမဂ္ဂ၏ သွေးမြေဆီမှ ၀ိဥာဉ်တွေက

ရုန်းကန်ထကြွ နိုးနေကြကာ

ခွပ်ဒေါင်း အားမာန် ဖော်ကျုးဆောင်ပြ ရှိနေကြ၏ ။

သမဂ္ဂစိတ် တုံးခတ်ပိတ်ရန် ရည်ရွယ် ကြံလည်း

သမဂ္ဂ၏ ရဲရင့်မှန်လှ ဒေါင်းပျိုစိတ်က

မဟုတ် မခံ တုန့်ပြန်မြန်စွ

သမိုင်းအစဉ် ကောင်းစေ ဆန္ဒ ရှိနေကြ၏ ။

သမဂ္ဂ၀င် ကျောင်းသားတို့အား ဖိနှိပ်ထားလည်း

သမဂ္ဂ၏ ကျောင်းသူ၊ကျောင်းသား မောင်၊နှမ များက

တိုင်းပြည် လှရန် ကောင်းဖို့ရန်တွက်

အသက်ဘေးရန် မမှု ပြန်ကြ ၊

ကြောက်ခြင်းတရား ခ၀ါ ချ၍

တိုင်းပြည် ဖျက်ထား သကောင့်သား နှင့် စနစ်ဆိုးအား

တွန်းလှန်ရစ်ကြ ခေတ်အဆက်ဆက်မှသည်

ယနေ့ထိတိုင် ရှိနေကြ၏ ။

သမဂ္ဂ ပရ၀ုဏ်တ၀ိုက် ပြောင်းလဲလိုက်လည်း

သမဂ္ဂ၏ ခိုင်မြဲပုံရိပ် ထင်ဟပ်ရစ်နေ

ကမ္ဘာတည် တိုင်အောင် ရှိ၍ နေမြဲ ရှိနေမြဲ အံ့ ။

(၁၉၆၂ ခုနှစ် ဇူလိုင်လ ၇ ရက်နေ့တွင် ရန်ကုန်တက္ကသိုလ် ရှိ သမိုင်းဝင်ကျောင်းသား သမဂ္ဂ အဆောက်အအုံ အတွင်း နှင့် ကျောင်းပရ၀ုဏ်ထဲတွင် ကျဆုံးသွားကြသော ကျောင်းသူ၊ကျောင်းသား ကြီးများနှင့်တကွ ၊ မြန်မာပြည်လွတ်မြောက်ရေးသမိုင်းစဉ်တလျှောက်နှင့် ယနေ့ခေတ် အချိန်ကာလတလျှောက် မိမိတို့၏ အသက်နှင့်ဘ၀တို့ကို မွန်မြတ်သောစိတ်ထားဖြင့် ပေးလှုရစ်ခဲ့ကြကုန်သော သူရဲကောင်း အာဇာနည် အပေါင်းအား လေးမြတ်စွာ ဂုဏ်ပြု ဦးညွှတ်လျှက်)

အေးမြဇင် ၆၊၇၊၂၀၀၇

တန်ဖိုးများနဲ့ အမေ့ရဲ့ (၆၃)နှစ်မြောက်မွေးနေ့

အမေ…

ဒီအချိန်ဆိုရင်

၈၉ခုနှစ် တ၀ိုက်က

ဧရာဝတီမြစ် ကမ်းစပ်တလျောက်

ဝှေ့ရမ်းလက်ပြကာ နှုတ်ဆက်ခဲ့သူတွေ

အမေ့ကို မြတ်နိူးလို့ ပန်းစည်းတွေပေးခဲ့ကြသူတွေ

အမေ့ကို ချစ်ခင်လို့ အနမ်းပန်းတွေပေးခဲ့သူတွေ

အမေ့ကို လေးစားလို့ တယုတယ ဆက်ဆံခဲ့သူတွေ

အမေ့အတွက် ကောက်ပဲသီးနှံတွေ လက်ဆောင်ပေးခဲ့သူတွေ

အမေ့အတွက် ထမင်းဟင်းတွေ တကူးတကချက်ကျွေးခဲ့သူတွေ

ထိုသူတွေကို အမေ့မျက်ဝန်းထဲ မြင်ယောင်နေမှာပေါ့(လေ)။

အမေ….

ခြေလက်တပြင်လုံး(တလျောက်) သမန်းဆီ အရောင်တောက်လို့

တိုင်းပြည်ဝမ်းရေး စပါးဆန် စိုက်ထုတ်ပေးနေသူတွေ

ထိုသူတွေလေ…….. မုန်တိုင်းဘေးကြောင့်

မိသားစုတွေ သေကွဲကွဲရတဲ့ ကြမ္မာဆိုးနဲ့ကြုံ

နေထိုင်စားဖို့တောင် မရှိလောက်အောင်ဒုက္ခရောက်

အလှု့ရှင်များလာချိန်ကို တနေကုန်အောင် ငုတ်တုပ်ထိုင်ကာစောင့်(ရ)

မိုးဒဏ်လေဒဏ်အောက်မှာ လက်ဖြန့်လို့ တောင်းစားရတဲ့အဖြစ်ဆိုးထိရောက်

ထိုသူတွေရဲ့ စိတ်အာဟာရကျန်းမာရေး(နဲ့) ဘ၀ရှေ့ ရေးတွေ အရေး

အမေ့အာရုံအတွေးအစဉ်ထဲ စာနာစိတ်နဲ့ စိုးရိမ်သောကရောက်နေမှာပေါ့(လေ)။

အမေ…

စစ်အာဏာရှင် စနစ်ဆိုးကြောင့်

စိတ်အနာတွေ အသစ်အသစ်တိုးရစ်နေတဲ့အဖြစ်

သားတို့ ရင်နစ်လှအောင် နာကျဉ်နေရပြီ အမေ။

သားမှတ်မိတယ် အမေ..

မိစ္ဆာစိတ်နဲ့ ပြည်သူ့အာဏာကို မတရားလုယူထားသူတစုရဲ့စကား ၊

စီးပွားရေးပိတ်ဆို့တာ ပြည်သူကိုပဲထိခိုက်နစ်နာစေတယ် တဲ့

တကယ်တွေးကြည့်ရင် သူယုတ်မာတွေရဲ့စကား ရှင်းလင်းစွာနားလည်(ရ)

ပြည်သူနဲ့ အာဏာရူးသူတစု စည်းရိုးကြီးတခုခြားထား

ပြည်သူ့အသွေးအသား အလေးမထားနိုင်ဘူး ဆိုတဲ့ပြယုဒ်

စစ်ခွေးတအုပ်ရဲ့ နာမ် ရုပ်တွေမှာ ပေါ်လွင်နေတာပဲလေ။

အမေ..

အမေ့ရဲ့ (၆၃)နှစ်မြောက်မွေးနေ့

ကိတ်မုန့်နဲ့ ဖယောင်းတိုင်ထွန်းညှိရန်

အမေတောင့်တလိမ့်မယ် မဟုတ်

သားတို့ ယုံကြည်တယ်အမေ၊

အမေ ရချင်တာ ဒီမိုကရေစီနဲ့ လူ့အခွင့်အရေး

အမေ ဖြစ်ချင်တာ တွေ့ဆုံဆွေးနွေးအဖြေရှာရေး

အမေတွေ့ချင်တာ ငြိမ်းချမ်းစွာ အတူလက်တွဲနေထိုင်ရေး

အမေ မြင်ချင်တာ ဒီမိုဦးဆောင်သူတွေ ညီညွတ်ကြရေး

အမေ လိုချင်တာ ပြည်သူတွေ လူတမ်းစေ့နေနိုင်ရေး

အို … တို့ အမေတောင့်တတာ

တိုင်းပြည်နဲ့ပြည်သူပြည်သားကောင်းစားဖို့အရေး

ထိုအရေး အရေးတွေ

အမေ့ ရင်တွင်းကိန်းဝပ်လို့ တွေးကြံဆ

အမေ့ မေတ္တာတွေက အေးမြ

မွေးနေ့ ကိတ်မုန့်ထက် အဆမတန်အောင် ချိုမြ ၊

အမေ့ ရင်တွင်းက အဆင်း

မွေးနေ့ ဖယောင်းတိုင်အလင်းထက် နှိုင်းမရအောင် တောက်ပ၊

အမေ့ရဲ့ မွေးနေ့တိုင်းလှပလို့နေ

အမေ့ရဲ့ နေ့ရက်တိုင်း အဓိပ္ပါယ်ပြည့်ဝ နေပါတယ်လေ။

တို့ အမေ့ရဲ့ မွေးနေ့တိုင်းလှပလို့နေ

တို့ အမေ့ရဲ့ နေ့ရက်တိုင်း အဓိပ္ပါယ်ပြည့်ဝ နေပါတယ်လေ။

အေးမြဇင်(၂၀၊၆၊၂၀၀၈)

၂၀၀၃ခုနှစ် ဒီပဲယင်းလုပ်ကြံမှုကြီးဟာ ၂၀၀၈ မေ ၃၀ရက်နေ့တွင် (၅)နှစ်တာပြည့်မြောက်ခဲ့ပါပြီ။

မတရားအဖိနှိပ်ခံနေကြရခြင်းဒုက္ခအပေါင်းမှ လွတ်မြောက်စေဖို့ရာဆန္ဒအာဿီသတို့ဖြင့်
ပြည်သူတရပ်လုံး စည်းလုံးစွာရဲရင့်မှုရရှိစေရန်နှင့် အမှန်တရားအတွက် ခေါင်းငုံ့မခံဘူးဟူသော တော်လှန်ရေးစိတ်ဓါတ်များပိုမိုဖြစ်ထွန်းများပြားလာစေရန် ဒေါ်အောင်ဆန်းစုကြည်၊ဦးတင်ဦးတို့ ဦးဆောင်ပါဝင်သည့် အဖွဲ့သည် နိုင်ငံအနှံ့အပြားသို့မနားတမ်း ခရီးနှင်လျက်ရှိခဲ့သည်။ အဆိုပါခရီးစဉ်အတွင်းတခုသော မုံရွာမှဘုတလင်သို့သွားသည့်လမ်းခရီး ဒီပဲယင်းကျေးရွာအနီးတွင် ဒေါ်အောင်ဆန်းစုကြည်တို့၏ မော်တော်ယါဉ်တန်းကို နအဖစစ်အာဏာရှင်တို့က ယုတ်မာပက်စက်သောအကြံအစီဖြင့် အကွက်စေ့စေ့ ကြိုတင်စီမံကာ နိုင်ငံတော်လုပ်ကြံမှုကြီးကို ကျူးလွန်ရင်း လူုအမြောက်အများကို ရိုက်ပုတ် သတ်ဖျက်၍ သက်သေခံ အထောက်အထားများကိုအစဖျောက်ခဲ့ပေသည်။ ကျွန်ုပ်တို့အားလုံးသတိပြုရန်မှာ အာဏာရူးတို့အုပ်စိုးသော ခေတ်အဆက်ဆက်တွင် အသက်ပေါင်းမြောက်များစွာ ပေးဆပ်ခဲ့ရလျက်ရှိနေကြရသည်မှာ ယနေ့ထက်တိုင် ရှိနေပုံကိုပင်ဖြစ်သည်။ သို့ပါသော သတိပြုမိခြင်းများစွာနှင့် အတူ လွတ်လပ်ခြင်း၊ပျော်ရွှင်ခြင်းတို့ဆိတ်သုဉ်းလျက်ရှိသည့် အမိမြေပေါ်တွင် အမှန်တရားထွန်းကားခြင်းနှင့်အတူ အခြေခံမွေးရာပါလူ့အခွင့်အရေးများထွန်းကားပေါ်ပေါက်လာသည့်တိုင်အောင် ၀ိုင်းဝန်းပါဝင်လုပ်ဆောင်ကြရင်း.................................... မလိုလားအပ်သောအတ္တမာနများကိုစွန့်ဖယ်နိုင်ကြရင်း .....................။
ဒီပဲရင်းလုပ်ကြံသတ်ဖြတ်ခံရမှုတွင် အသက်ဆုံးပါးသွားကြရရှာသော အာဇာနည်သူရဲကောင်းအပေါင်းအား ဦးညွှတ်ရင်း ..........
အမှန်တရားပေါ်ထွန်းရေး မြန်မာ့ဒီမိုကရေစီအောင်ပွဲကြီး အနာဂတ်မျိုးဆက်သစ်တို့လက်တွင်းသို့ မလွဲမသေရရှိ၊ရောက်ရှိစေရမည်။

ကောင်းစွာပြုကျင့်စို့

သဲတပွင့်နဲ့ ရေအရှိန်ကို မသတ်နိူင်စွမ်းပေမဲ့
သဲအပွင့်ပေါင်းတွေစု ရေထုကို အန်တုစွမ်းနိူင်ပေသမို့
မိတ်ဆွေအပေါင်းတို့ရေ သဲအစုစုကဲ့သို့ ခံနိူင်စွမ်းအောင်
စိတ်ဓါတ်မဏ္ဍိုင်ကို အမြင့်မြတ်ဆုံးလွှင့်ထူ
ယုတ်ညံ့အကြံတွေ ထွေးသွန်ကာစွန့်ပစ်
နေ့ရက်အစဉ်အဆက် ကောင်းမွန်စွာပြုကျင့်ကြပါစို့။ ။
amz(6/5/08)

ကမ္ဘာ့နိူင်ငံသားတွေရဲ့ ကမ္ဘာမကြေဘူးဆိုသံ

ကမ္ဘာမကြေဘူး သီချင်း
ငါတို့ဆိုညီး လာတာနှစ်ပေါင်းကြာခဲ့ပေါ့ ။

မြန်မာပြည်ကစစ်အာဏာရှင် စရိုက်
ထင်ရှားစွာ တွေ့မြင်လိုက်ရပြီတဲ့
ကမ္ဘာ့ပြည်သူတွေ ကျယ်လောင်စွာ ပြောကြနေရဲ့ ။

စက်တင်ဘာ အဖြစ်အပျက် ပူနွေးလျက်သာရှိချိန်
မေလဦးစအချိန် နာဂစ်မုန်တိုင်းကြီးက ၀င်ရောက်
မြန်မာပြည်တောင်ပိုင်းတလျောက်လုံးကိုတဲ့မွှေနှောက်
အသေအပျောက် စာရင်းတောင် ကောက်မနိူင်အောင်များပြား
လူတသိန်းကျော် အထက်ရှိမလိမ့်ခန့်မှန်းခြေတဲ့လေ ....
အိုးအိမ်မဲ့ပြည်သူအရေအတွက်စာရင်း
တသန်းခွဲကျော်အထက်မှာရှိနိူင်သတဲ့ ခန့်မှန်းချက်တဲ့လေ ။

ဒုက္ခအကြီးအကျယ်ရောက် ထိုပြည်သူ ပြည်သား
အကူအညီတွေစောင့်စားလို့ မျှော်လင့်ကာနေ
စစ်အာဏာရှင်က ကူညီထောက်ပံ့ရန်ပင်ဝေးစွ
တပါးတိုင်းနိူင်ငံ အကူအထောက်အပံ့ကိုပိတ်ပင်
စစ်အာဏာရှင်သဘောယုတ်မာတဲ့ အဆင်း
ကွက်ကွက်ကွင်းကွင်း ထင်မြင်ကြရပြီလေ ။

အာဏာရှင်လူရမ်းကား တသိုက်က
ငါမာရင်ပြီးရော လူ့အသိစိတ် ခေါင်းပါးနေပုံ(များ)
မုန်တိုင်းဒဏ်ရ ဒုက္ခသည်တွေကို မငဲ့ကွက်
ဖြစ်ချင်ရာသာဖြစ် အာဏာနဲ့သာ မူးယစ်လေမတဲ့လေ ။

ကမ္ဘာ့နိုင်ငံသားတွေ ကြားမြင်ရတဲ့ ထိုအဖြစ်ဆိုး
ငါတို့ကမ္ဘာ မှာရှိနေရိုးအမှန်ဟုတ်ပ
မယုံနိုင်လောက်အောင်ဆိုးရွားတဲ့ အမည်ခံအစိုးရမျိုး
ကိုယ့်ပြည်သူရဲ့ ဘေးဒုက္ခဆိုးကို လျစ်လျှု]ရှုကာ နေနိုင်တဲ့အစိုးရ
ငါတို့ရဲ့ဒီတသက် မျက်မြင်တွေ့ရပြီဟေ့တဲ့
စုတ်သပ်လို့ကာ ခေါင်းခါယမ်း ယုံနိုင်စွမ်းရယ် မရှိဘူးတဲ့လေ။

ကမ္ဘာ့နိုင်ငံဖွားတွေတောင်
ကမ္ဘာမကြေဘူးသီချင်းကို ဆိုညီးလို့တတ်(နေပြီ)
စစ်အာဏာရှင်စနစ်ဆိုး တို့ကမ္ဘာမြေပြင်ပေါ်ကမောင်းထုတ်ကြ
လက်သီးဆုပ်တွေ ဆန့်ထုတ်လို့ ကြွေးကြော်ပါဝင်ရစ်ကြနေပြီလေ။

amz ၈၊၅၊၂၀၀၈

"နိုးကြလော့"

ငါတို့ရဲ့အရုဏ်ဦးဆီ သွားဖို့

အားလုံး "နိုး"ကြလော့...

ငါတို့အားလုံး "နိုး" ကြလော့။

အမှန်တရားကိုကာကွယ်ဖို့

အားလုံး"နိုး"ကြလော့...

ငါတို့အားလုံး "နိုး" ကြလော့။

မတရားမှုကိုချေမှုန်းဖို့

အားလုံး"နိုး"ကြလော့...

ငါတို့အားလုံး "နိုး" ကြလော့။

ငါတို့အပေါ် မစာနာ မငဲ့ကွက်မှုတွေအတွက်

အားလုံး"နိုး"ကြလော့...

ငါတို့အားလုံး "နိုး" ကြလော့။

နာဂစ်ရေ မင်းဖြတ်သွားလို့

ငါတို့အားလုံး အထိနာခဲ့သလို အသိလည်းနာခဲ့ကြပြီ

ဒီကမ္ဘာပေါ်မှာ အာဏာရှင်စနစ်ပျက်စီးသွားဖို့

ငါတို့အားလုံးရဲ့အသိတွေ နိုးကြားကြတော့မယ်။

အားလုံး"နိုး"ကြလော့...

ငါတို့အားလုံး "နိုး" ကြလော့။

တိမ်y( may72008)

ဒီဇိုင်း ကိုမျိုး

ဖွားမေ လူထုဒေါ်အမာသို့ သစ္စာဆို တမ်းတခြင်း

လူထုရှေ့ ဆောင် ဖွားမေအမာ…

သွားလေရာ သုဂတိကမ္ဘာဆီသို့

မှန်းစေကာ တို့တွေလှမ်းကာကြည့်

ဖွားမေရဲ့ ပီတိအပြုံးတွေက

သားမြေးတို့ရင်အစုံကို လှုပ်ကာလေနှိုးဆော်

မေတ္တာတရားတွေ မခေါင်းပါးအောင် နေကြနော် တဲ့ …

သားသမီးတို့တတွေရေ ….

ပညာ ဗဟုသုတတွေ(ကို) အစွမ်းကုန် ဆည်းပူးကြနော် တဲ့ …

သီလတရား ဆောက်တည်ကာ

အမျိုးနဲ့ သာသနာကို စောင့်ထိန်းကာနေကြနော် တဲ့ …

စည်းလုံးမှ ဖြစ်မှာနော်တဲ့ …

လိမ္မာစွာ နေရစ်ကြနော် တဲ့ …

ဖွားမေရဲ့ ဆိုဆုံးမစကား အမြောက်အများ

သားတို့တတွေ အမြဲတမ်း ကြားနာနေလျက်ပါ ဖွားမေ ။

ဟိုးအဝေးရောက် သားသမီးတတွေရေ ….

အမေက မင်းတို့တွေကို

အထူးတလည် မှာချင်တယ်ကွဲ့ …

ချစ်ချစ်ခင်ခင်နဲ့ အကျိုးတူစွာ ပူးပေါင်းလုပ်ကြကွဲ့ …

အကြင်နာတရားနဲ့ တဦးကိုတဦး ဖေးမကြကွဲ့ …

အရက်သေစာကို အထူးပင်ရှောင်ရှားကြပါကွဲ့ …

ဖွားမေရဲ့ ဖြူစင်စွာ မိန့်မှာတမ်း

သားမြေးတို့တွေရဲ့ ရင်အသွေးထဲစိမ့်ရောက်

ဖြန်းကနဲ ဖြန်းကနဲ ကြက်သီးမွေးညင်း ထမိတာ အမှန်ပါ ဖွားမေ ။

ကိုယ့်ကိုယ်ကို ပြန်စမ်းစစ်ကာ(ဖြင့်)

သားမြေးတတွေရဲ့ သမိုင်း

ညစ်ပေကာ မထိုင်း မရိုင်းရလေအောင်

ဖွားမေတို့ ရေးခဲ့တဲ့ လွတ်လပ်ရေးသမိုင်းစဉ်လာကဲ့သို့

စစ်အာဏာရှင် စနစ်ယုတ် အခြေခံအားလုံးကို

အမြစ်ပါမကျန် ဆွဲနှုတ်ကာ ချိုးဖျက်ဖို့ရာ

သားမြေးတတွေ စည်းလုံးလို့ အင်အားဖြင့်

ဒုတိယမ္ပိလွတ်လပ်ရေး အောင်ပွဲရသည့်တိုင်

ဝိုင်းဝန်းကာတိုက်ထုတ်မည် လွတ်လပ်သည်အထိ

သစ္စာယှဉ်ကာ ကတိပြုလိုက်ပါ၏ ဖွားမေ လူထုဒေါ်အမာရေ ။ ။

(၈၊၄၊၂၀၀၈)အေးမြဇင်

ဖွားမေ လူထုဒေါ်အမာ ဆုံးပါးကွယ်လွန်သွားသည့် အတွက် တိုင်းပြည်တွင်းနှင့် တိုင်းပြည်ပြင်ပ တို့ တွင် နေထိုင်လျက်ရှိကြသည့် လွတ်လပ်ရေး၊ ဒီမိုကရေစီ အရေးတို့ကို လိုလားအပ်သော ပြည်သူလူထုကြီးတရပ်လုံး၏ စံပြုလေးစား တန်ဖိုးထားအပ်ပါသည့် ရင့်ကျက်မျှော်မြင်ကြီးမားလှသည့် ပြည့်ဦးနှောက်တလုံး ဆုံးရှုံးသွားခဲ့သည့်အပေါ် ကျန်ရစ်သူမိသားစုဝင်အပေါင်းနှင့်ထပ်တူကျစွာဖြင့် ၀မ်းနည်းမိပါသည်။

ဖွားမေတို့ ကြိုးပမ်းရယူခဲ့သည့် နယ်ချဲ့ လက်ပါးစေအောက်မှ လွတ်မြောက်မှုလုပ်ငန်းဝန်တာ များအား အမှတ်ရ အတုယူကာဖြင့် ကျွန်ုပ်တို့ ယနေ့မျက်မှောက်အချိန်ကာလတွင် အထူးလိုအပ်လျက်ရှိသည့် စစ်အာဏာရှင်စနစ်တွင်းမှလွတ်မြောက်ရေးနှင့် အမျိုးသားခြင်း စစ်ကျွန်ပြုနေသည့် စနစ်ညစ်ဆိုးကြီးကို လုံးဝပျောက်ကွယ်သွားရေးအတွက် ဆုံးခမ်းတိုင်သည်အထိ မြေလှန်သုတ်သင် သွားပါမည်ဟု ကတိပြု တိုင်တည်ကာ ဦးညွတ်ကန်တော့လိုက်ပါတယ်။

ညီညွတ်ခြင်းအင်အားဖြင့် စစ်အာဏာရှင်ကို

တော်လှန်တိုက်ပွဲဝင်ခြင်းဖြင့် အောင်နိုင်စေသောဝ်။

ဂုဏ်ပြုအပ်စေ အမေ့မေတ္တာတွေ

အမေ…

ကိုယ်လေးလက်ဝင်ရှိစ

ရင်သွေးရယ်လို့ ရုပ်လုံးပင်

ဝမ်းကြာတိုက်တွင် ဘယ်အရာမထင်သေး

အထိုကာလကအစပြု ကိုးလချိန်တာလွန်သည့်တိုင်

အနေ အစားကို ဂရုပြုလို့ရယ်ရှောင်

အချိန်တိုင်းဟာဖြင့် ရင်သွေးအတွက်အသက်ရှင်

အတိုင်းအထက်အလွန်

မေတ္တာနက်ရှိုင်းလှပါဘိ အေ မ ။ ။

အမေ…

ဝမ်းလွယ်လွန် ရွှေကြာဗိုက်မှသွန်

ရင်သွေးငယ် နီတာရဲစွတ်စိုအား

ဘယ်မလဲကွယ် ညင်သာစွာထိစမ်းလို့ရယ်

လှိုက်လှဲစွာ လူ့လောကထဲသို့ ကြို

ရင်ခွင်ကြားဝယ် ပိုက်ထွေးကာဖြင့်၊

မီးနေသည် သုဿန်မျက်စောင်းထိုး

အထိုစကားချိုးကို ကျော်ဖြတ်ခါဖြင့်၊

ရှုံ့နမ်းကာ အကြိမ်မရေတွက်နိုင်ဘု

အတိုင်းအထက်အလွန်

မေတ္တာနက်ရှိုင်းလှပါဘိ အေ မ။ ။

အမေ….

ပခုံးရယ် လက်နှစ်သစ်

လူ့လောကအလယ် လှမ်းဝင်စ

ငိုသံနှောကာ တစာစာဂျီကျလို့ရယ်

နို့ချိုလွေးဖို့ တောင်းဆိုသူအား

အရှက်တရား မေ့ပြစ်ထားလျက်

ရင်သားမြတ်အား ဖွင့်လှပ်ထားစေ

အားအင်ဖြစ်ကြောင်း နို့ရည်တိုက်ကျွေး

ရွှင်လန်းစေ မေ့ရင်သွေးငယ်လေးကိုဖြင့်

အတိုင်းအထက်အလွန်

မေတ္တာနက်ရှိုင်းလှပါဘိ အေ မ ။ ။

အမေ…..

စကားရယ် ဖေါင်ဖွဲ့ကာပြောဆို

လူသားအလယ် ရပ်တည်ဆံ့ချိန်

လောကပါလ တရားတွေသွန်သင်

နှုတ် မကြမ်းတမ်းစေ၊

စိတ်ယုတ်မာ မထားရှိစေ၊

ကိုယ်ချင်းရယ်စာ ဂရုဏာဓါတ်ရှိစေ၊

အချိန်ရယ်မလပ် သင်လို့ကာမြွတ်တြား

ထားအပ်စေကြောင်း မြင့်မြတ်စိတ်များဖြင့်

အတိုင်းအထက်အလွန်

မေတ္တာနက်ရှိုင်းလှပါဘိ အေ မ။ ။

အမေ…

အမေ့အသွင်

ဇရာတွေထင်း

ဆံကေသာ ငွေအဆင်းရောင်၊

ပါးရေတွေ လှိုင်းကြက်ခွပ်သဏ္ဌာန်၊

အရေပြားလွှာ ရေစီးညင်သာဟန်၊

စကားပြောသံ တိုးရှလေးခွင်းဖြတ်သည့်ကဲ့၊

ရုပ်သဏ္ဌာန်ဟန် ပြောင်းလဲလာလည်း

အမေ့ နာမ်စိတ်အစဉ်

ယခင်အတိုင်း မပြောင်းမထိုင်း

ရင်ဖြစ်ပေါက်ဖွါး ရင်သွေးသားတွေအား

ဆုံးမ မပျက် သွန်သင်လျက်ပင်

ရှိအပ်စေကြောင်း ရင့်ကျက်စိတ်ထားကောင်းဖြင့်

အတိုင်းအထက်အလွန်

မေတ္တာနက်ရှိုင်းလှပါဘိ အေ မ။ ။

အမေ…

နက်ရှိုင်းလှပါဘိ

အမေ့၏ မေတ္တာစွမ်းအင်အား

သားသမီးတွေဆီ ဆက်၍ဆက်၍တိုးပွါး

အဖိုးအနဂ္ဂရယ် နှိုင်းယှဉ်ကာ မဆိုကြွားဝံ့

အမေ့ သားသမီးတွေ ထားရှိစိတ်ဘ၀င်ဖြင့်

ဦးထိပ်မည် လက်အုပ်မိုး ရွှေကြာဖူးငုံသဏ္ဌာန်

ဆည်းကပ်ကာ ဦးတော် ညွှတ်တွားလို့ရယ်

အမေ့ စရိုက်သဏ္ဌာန်၊ စိတ်ဝိဥာဉ်အစီအမံ

သား၊သမီးတို့ လက်ဆင့်ကမ်းသယ်ကာဖြင့်

အမေ့မေတ္တာကျေးဇူးတွေအား ဂုဏ်ပြုပူဇော်အပ်ပါ၏ အေ မ။ ။ ။

အေးမြဇင်(၇၊၁၂၊၂၀၀၇)

မွေးမိခင် အမေ ဒေါ်ခင်အေးရီ အား ဤကဗျာလေးဖြင့်ပူဇော်အပ်ရင်း၊ ဖွားမေ လူထုဒေါ်အမာ နှင့် ဒေါ်မေ ဒေါ်အောင်ဆန်းစုကြည် တို့ကဲ့သို့ စူးရှရဲရင့်သောမေတ္တာတို့ဖြင့် ပေးဝေမျှလျက်ရှိသည့် မိခင်အပေါင်းအား ရည်စူးဂုဏ်ပြုလိုက်ပါ၏။

သတိရပါလေ ငါနှင့်မိတ်ဆွေ

ကိုယ်ပိုင်ကားစီး၊ နှစ်ထပ်ဘတ်စ်ကားစီး

ခရီးလမ်း ချောမွေ့စွာ သွားလာနိူင်ချိန်(မှာ)

မိမိတို့၏ မြန်မာ့မြေပေါ် ရှိ (သော)

ပြည်သူ့ လူတန်းစားအလွှာများ၏

မွန်းကျပ်ပြည့်သိပ်စွာ ကားတိုးစီးနေကြရပုံ၊

ခြေကျင်ခရီးလမ်း မောပမ်းစွာ လျှောက်လှမ်းနေကြရပုံ၊

အခက်အခဲ အစုံစုံကို တွေးမြင်ယောင် သတိရပါ …..။

ကြက်ကြော်ကိုလွေး၊ ပေါင်မုန့်ချီ့စ်ညှပ်စား

ဝမ်းခေါင်းပြည့်အောင် စားသောက်နိူင်ချိန်(မှာ)

မိမိတို့၏ မြန်မာ့မြေပေါ် ရှိ (သော)

ပြည်သူ့ လူတန်းစားအလွှာများ၏

ထမင်းတလုပ်အတွက် ခက်ခဲကြမ်းတမ်းစွာ ရုန်းကန်နေကြရပုံ၊

ဝမ်းခေါင်းခဏငြိမ်ဖို့ ထမင်းရေတခွက် မြိုချနေကြရပုံ၊

အခက်အခဲ အစုံစုံကို တွေးမြင်ယောင် သတိရပါ …..။

နိူင်ငံရေး ခိုလှုံခွင့်၊ နေထိုင်ခွင့် အခွင့်အရေးတွေခံစား

လွတ်လပ်စွာ အခြေချ နေထိုင်နိူင်ချိန်(မှာ)

မိမိတို့၏ မြန်မာ့မြေပေါ် ရှိ(သော)

ပြည်သူ့ လူတန်းစားအလွှာများ၏

ခိုကိုးရာ အိမ်ယာမဲ့ ဘ၀အခြေပျက်နေကြရပုံ၊

ဥပဒေမဲ့ နိူင့်ထက်ပြုကျင့်ခံရ အနှိပ်စက်ခံနေကြရပုံ၊

အခက်အခဲ အထွေထွေကို တွေးမြင်ယောင် သတိရပါ ….။

AMZ

(၆၁)နှစ်ပြည့် ပြည်ထောင်စုနေ့ သို့ရောက်ရှိခဲ့ပေပြီ တိုင်းပြည်တနံတလျားတွင် ပြည်ထောင်စုဖွားတို့ အေးငြိမ်းချမ်းသာစွာဖြင့် မိမိတို့တတွေ လွတ်လပ်ခြင်းအင်္ဂါရပ်၊ တူညီမှုရှိခြင်းများနှင့်အတူ သွားလာ နေထိုင် နိုင်ကြလျက်မရှိပုံကို စမ်းစစ်ကြည့်ခြင်းအားဖြင့် မလွတ်လပ်သေးသော၊ စစ်အာဏာရှင်လက်အောက် အဖိနှပ်ခံဘ၀ဖြင့်အသက်ရှင်ရပ်တည် နေကြရသောဘ၀အခြေအနေတို့ကိုသိရှိတန်ကောင်းကြပေသည်။ မိမိတို့၏ မွေးရပ်မြေတွင် အထူးပင်လိုအပ်လျက်ရှိသည့် သွေးစည်းညီညွတ်ခြင်းဟူသော ပြည်ထောင်စုစိတ်ဓါတ်အခြေခံစိတ်တို့ကိုထားရှိစေလို့ကာ တဦးကိုတဦး လေးစားချစ်ခင်၍ တန်ဖိုးထားသောစိတ်ဓါတ်တို့အရင်းခံလို့ကာဖြင့် စစ်မှန်သောပြည်ထောင်စုနိုင်ငံတော်ကို ၀ိုင်းဝန်းတည်ဆောက်နိုင်ရန် စစ်အာဏာရှင်စနစ်လုံးဝချုပ်ငြိမ်းသွားသည်အထိ တိုက်ပွဲဝင်အောင်စိတ် အပြည့်ဖြင့် ပူးပေါင်းလုပ်ဆောင်ကြပါစို့။